Jeremia 4:26 - mzwDBL

²⁶ N nyiŋo, dɛ harɛpare ondɛɛɡe la berɛ pua hɛŋle ɡbo harɛ, o bwɛjena bwa berɛ dimɡbia, Korowii bandia kohona la wa.

Jeremia 4:26 ပူးပေါင်းရင်းမြစ်များ

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Yela 76:7

N Naa Korowii, he ɡbosoo nɛra bwa ɛɛ ɔmɛ, he baah diu waa, nomɛlbwa aa won che he sie.

Jeremia 12:13

N nɛra ɛɛ du meaa, kɛ sɔɔhnee baa ba koma, dɛ́ koh pɛɛpɛɛ baa wola komɛlbwaa dɔ. N bandia kohona nomanta, ba koo kondikwaa bwa chɔɡɔ sihiih kpo ba.”

Jeremia 12:4

Saŋ besoo harɛ nɔ ɛɛ ba hola ka tel mɔɔ kpɔɡa bwa hol ɔ? Dɛkalkɛ nyubinikpeɡ tena soɡe o ta, a ɡel kpɔɡ bini ola ne jumbii bwa serewe. A bwa habɔɔ la, nɛra la dɛ bol ŋɔ, ‘Korowii aa waa aa pu yaa nae ba.’ ”

Jeremia 25:11

He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 7:34

Harɛ la ɛɛ berɛ pua hɛŋle ɡbo harɛɛ. Mɛɛ laa silɛɛ ɡbɔɡa te bɛlbwaa kpɔ Juda ne Jerusalam fɔɡbaahnaa, hale ba hanfalwaa silɛɛ bwa. Dɛkalkɛ harɛ la ɛɛ berɛ dimɡbiaa.”

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Wiile 2:7

Korowii vɛh kon baa ɛ saraha dɛɛ tɛo ta, dɛ ɡel o Dea waa do ɡoroŋ la. O ɡelɔ dɔma ba kuuɡi kooderemi danjwɛɛre. Dɔma la do silɛɛ lɔŋɔre bela ba fa aa dɛ tomɛ, kɛŋɔ tɔpejen baa lea cheɡ tɔpere bɛl ta ken.

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.