Asɛ Korowii ŋɔ, “Le ka che bwe la doa n sie. Asɛ men Korowii teŋe ba kaa.” Asɛ peu o nyoa aa kpeɡa tɔ o sie, dɛ paɡre deŋɡarere, dɛ peɡri bweɡuŋe. Kɛ dɛ Korowii toole peu la bini. Peu la aa taa tonɛ la, harɛ jiɡro, kɛ dɛ Korowii toole harɛ waa jiɡra la ta.
Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,
Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.
Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”
Pɛŋa aa lɔ mpo ta, ne jumbii aa dɛ ɡah, ne kpɔɡ bini ola, ne kwaa aa dɛ tuuɡi tea ta, ne anɔ la aa dɛ huuh, dɛ nɛra baa lɔ harɛ ta bwa bwara ɛɛ sa n siee. Bwejena bwa ɛɛ huɡruu, diŋɡoŋni kuuɡi, ásɛ bwɛjena danjwɛɛre bwa ɡe choɡli.
He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.