Jeremia 4:23 - mzwDBL

²³ N nyiŋi harɛ nɔ dɛ o ta mar dɔe, komɛlbwa toole o ta, asɛ nyundua ɡe, kwaa aa dɛ chaah bɔr toole.

Jeremia 4:23 ပူးပေါင်းရင်းမြစ်များ

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Aesaya 13:10

Weweela aa chaah ɡɛ saŋ, wee aa bɔr chaahna ba kpa, korobie ɡe aa won chaah.

Mumpar 1:2

A ɡɛ saŋ la dɛ harɛ ta mar dɔe, dɛ komɛlbwa toole o ta. Dɛ nee tɔ komɛlbwa ta asɛ bɔr bir kpirkpir ken, asɛ Korowii Doma do nee la sie dɛ la dɛɛ ba.

Emɔs 8:9

Nemenɛ Korowii ŋɔ, “Awola tɔpere la, mɛɛ ɡeloo bɔr jo webaŋa ásɛ bobɛlbwa bir.

Joel 2:10

A dɛ ba naa, dɛ harɛ dɛ jiɡri, nyundua ɡe ɛɛ yiiɡi. Biro dɛ tɔ wee ne korobie ta, weweela ɡe aa won chaah kpa.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Jeremia 2:12

Kwaa aa lɔ nyundua, hé ɡel he nyoa kpo hɛɛ chel ɔmee ne kohona. Men Korowiirii bola.

Wiile 3:2

O doŋ mɛ le o sie mɛɛ valɛ biro bini, ɡwaa kɛ n fe aa lɔ bɔchaah ta,

Sekaria 14:6

Awola tɔpere la, wee aa lɔ, waa aa ba, kwaa aa sɔɔh dɛ hel kɛŋɔ dombwea.