Jeremia 4:18 - mzwDBL

¹⁸ Juda tena, he we-ɛɛla ne he liiree ɡela anɔ bwa ba he nɛ. Deŋnetɛra aa chɛ heyaa laanee. A dɛ we kɛrɛdɛ. Na ɡɛ aa jo he bini.”

Jeremia 4:18 ပူးပေါင်းရင်းမြစ်များ

Yela 107:17

Deŋnekpeɡ we-ɛɛla ɡelɔ ba bini bane ɡɛn, ba wechɔɡa ɡel ba bwara ɛɛ nyɛɡ,

Sɛɡla 1:31

Anomanta, hɛɛ dɔ ɡɛ haa dɛ nyinii, ásɛ he ɡbaɡba we-ɛɛla ɡure he nyu ta.

Sɛɡla 5:22

Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Jeremia 14:16

Laa ne lɔr la nomanta, nɛra baa bol ɡɛ waa nɔ baɡ ba la ɡe ɛɛ serewoo, ásɛ ba paa ba ta Jerusalam fɔɡbaahna. Nomɛlbwa aa lee do dɛ́ huɡe ba ne ba haahna ne bibaala dɛ bihaahna bwa. Mɛɛ ɡeloo ba dɔ ba nyubinikpeɡ baa ɛa la kembɔr kɛrɛdɛ.”

Jeremia 2:17

Haa vɛh men Korowii haa dɛ tom mɛ, ɡɛ saŋ maa tɔ he sie kpɔ heyaa dɛɛ kaa la, a waa laa ɡɛ waa nɔ bwa ba he nɛɛ nɔ naa?

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

Jeremia 5:19

Ba bɔɔ ɡɛ aa bala n ɛ anɔ bwa naa, Jeremia, ŋɔ ba be ŋɔ, ‘Gɛ haa dena berɛ habɔɔ kpo mɛ dɛ kaa tomɛ harɛfala voɡare la, ɡɛɛ hɛɛ ba nɛŋhɔɔhra toma ba harɛ ta.’ ”

Jeremia 5:25

Anomanta, ɡɛ waa aa wera nɔ paŋɛ heya, he wechɔɡa haa ɛa la wa.

Jeremia 6:19

Hé no, harɛre nɛra bwa, n kpɔ wenaale dɛɛ ba n nɛra nɛ, ásɛ a ɛ ba wechɔɡa kembɔr, dɛkalkɛ ba ta n waa noɛ dɛ vɛh men Mmarare ta teŋa.

Wiile 3:15

Waa aa do kpeli ɡboo o kpɔ tɛ mɛ. A ɛɛ mɛ kondikwaa ne nee mɛɛ nyɔ.

Ɛsekeɛl 39:24

Ba wedoŋa ne wechɔɡa kohona nomanta, n laa sie kpɔ ba nɛ, dɛ ɡel ba dɔ deŋnetɛra ɡɛ aa chɛa.’ ”

Hosia 7:2

Baa lii kɛŋɔ n jemɛ ba wechɔɡa baa dɛ ɛ la bwa. Ba wechɔɡa ɡwaa ba nɛ, a bwa chɔ n sie.