Jeremia 39:8 - mzwDBL

⁸ Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.

Jeremia 39:8 ပူးပေါင်းရင်းမြစ်များ

2 Koranar 25:8

Babelɔn Kooro Nebukadnesa aa di kora bene fi dɛ anuanaarɛ, korobie anue tɔpera anuanɛ ta la, o laa sitɔɔ Nebusaradan la Jerusalam.

2 Webena 36:19

O ɡelɔ ba fuh Korowii Dea la, dɛ kuuɡi danjwɛɛ waa bar Jerusalam la, dɛ fuh kooderemi bwa ne komɛlbwa a yoɡ aa kpeɡa bwa.

Nehemia 1:3

Anee ba ŋɔ n be ŋɔ, “Banɔ la baa laɡ ba laa ta kaa bojaŋ harɛ ta la balɔ. Ba lɔ wahala ne sihiih ta. Danjwɛɛ waa bar Jerusalam la kuuɡo, asɛ bwɛɛ la doonyojen ɡbeni la ɡe, ba fuah a ɛ tɔɔ.”

Yela 79:7

dɛkalkɛ ba kpoo he nɛra Israel tena, dɛ chɔɡ he harɛ.

Aesaya 5:9

Nemenɛ Korowii bol waa a chole n deŋna ta. O ŋɔ, “Kpelaa, demjena ɛɛ che dimɡbeenii, deremi aa kana dɛ do wer ɛɛ cheo nɛn aa lee do dɛ́ so a bini.

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Jeremia 21:10

N siwi beɡrɔ kɛ ń chɔɡ bwɛjen nɔ, o kɛrɛdɛ doe te laa. Babelɔn kooro nɔn taa wɛɛ ba doe, ásɛ o fuh o bwa dɛɛboo ken.” Korowiirii bola.

Jeremia 32:29

ásɛ dɛ fuh o bwa. Baa fuh bwɛjen la bwaa, ne nɛra baa fuh daawiile dɛɛ tɛ voɡ Baal ba sal deene dor, ne sen sarahare baa fuɡa dɛɛ tɛ voɡare ane dɛ kpɔ dɛɛ muɡli n baah la.

Jeremia 34:2

Korowii Israel tena aa dɛ tomɔ waa waa bol n be laanee kɛŋɔ, ń ir la ka ŋɔ Juda Kooro Sedekia be ŋɔ, o dɛ ba bwɛjen nɔ kpɔe do Babelɔn kooro nɔn ta, ásɛ o fuh o bwa.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 37:10

Hale dɛ he wono pɔ Babelɔn laa tena bwa nɛ, asɛ a ka banɔ la baa do ba bola ɡbo ba chɔ ba tɛnte deene bini kwaraa naa, baa iruu le dɛ́ ba fuh bwɛjen nɔ bwa.”

Jeremia 38:18

Kɛ dɛ he ta he te kpɔe ka do Babelɔn kooro nomonome lɔɡa aa, bwɛjen nɔ ɛɛ ka do Babelɔn tena nɔn taa ásɛ ba fuuh, he ɡbabir kwara aa he nyuu dɔ.’ ”

Jeremia 5:10

Mɛɛ ɡeloo dɔma ba teŋni n nɛra daa kooni nɔna ta, kɛ baa den chɔɡ a bwa kwaraa. Mɛɛ ɡeloo ba teŋni a kpala bwa ta, dɛkalkɛ ba cheɡɔ tɛ nɛra baa wola men jemɛ la.

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Wiile 1:10

Dɔma pa o laala a yoɡ aa kpeɡa bwa kaa. O ɡbabir na harɛre nɛra baa wola Korowii tomɛ aa dɛ jo Korowii Dea la bini, bela Korowii fe aa wola ban ŋwɛnɛ tɛɛ kɛ ba jo.

Wiile 2:2

O chɔɡ Juda harɛ bwɛɛre bwa o ta bɛlbwa nɛɛ sune, dɛ chɔɡ dekpeɡa aa lɔ harɛ la ta bwa bandia ne. O ɡelɔ sihiih kpo koranar ne ba harɛre.

Wiile 2:7

Korowii vɛh kon baa ɛ saraha dɛɛ tɛo ta, dɛ ɡel o Dea waa do ɡoroŋ la. O ɡelɔ dɔma ba kuuɡi kooderemi danjwɛɛre. Dɔma la do silɛɛ lɔŋɔre bela ba fa aa dɛ tomɛ, kɛŋɔ tɔpejen baa lea cheɡ tɔpere bɛl ta ken.

Ɛsekeɛl 16:41

Baa fuh he deenee, dɛ́ tɛr he deŋne haahna baa wara siwi ta. Mɛɛ ɡeloo he jwamane la bwa ba a jaɡa, haa won dɛɛ tɛ nɛra haa dɛ nyin ba la suuɡa kpa.

Ɛsekeɛl 23:47

Nɛnlaa ɛɛ foɡ ba bweaa, dɛ́ kpoo ba keri ne. Baa kpoo ba bihaahna ne bibaalaa, dɛ́ fuh ba deene ɡe.

Ɛsekeɛl 33:21

Baa lawɛ yaa laa ta kaa bojaŋ harɛfale ta bene fi dɛ anɛ, korobie fi, tɔpenue ta la, baa bɛl waa dɔ bɔr chwa le Jerusalam ba men Ɛsekeɛl be, dɛ ba ŋɔ, “Bwɛjen Jerusalam paɡrɔ!”

Emɔs 2:5

Anomanta, mɛɛ ɡeloo nii ba fuh Juda harɛ, dɛ́ fuh Jerusalam dekpeɡa, dɛ́ chɔɡa.”

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.