Jeremia 38:22 - mzwDBL

²² haahna la bwa baa kaa dɛ do Juda kooro dem bela la, baa laɡ baa le bela ka tɛ Babelɔn kooro nomonome. A ɡɛ haahna la ɛɛ bol he bee ŋɔ, ‘Kooro daamanar tenten neɡro, ba waa tɔɔɡe o waa ta. Taraken o nakpale aa morɛ kpechɛɡre ta nɔ, o daamanar chwao ɡelo.’ ”

Jeremia 38:22 ပူးပေါင်းရင်းမြစ်များ

Job Tɔn 6:15

Kɛ n bala ta nɛra maa kpɔ n te dawɛ ba nɛɛ ɛɛ, ba do kɛŋɔ nenabɔɔne bwaala yon nɛ a su, o baa ɡel nɛɛ yaa, a yon hweeh la ken.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Yela 69:14

Lɛɛ mɛ le n wenaale aa do kɛ maa dɛ morɛ vil kpechɛɡre aa lɔ o bini ta. Lɛɛ mɛ le n dɔma nɔn ne vile ta.

Yela 69:2

A do kɛŋɔ maa dɛ morɛ vil kpechɛɡre aa lɔ o bini, n ta bodɛɛɡe dɔe ń kpɔ n naa cheɡ. A do kɛŋɔ maa le vil bini nehɛma ɛɛ ba lɔe ba tɔ n nɛ.

Aesaya 42:17

Kɛ nɛra baa dɛ yarada voɡa, dɛɛ yerɛ kwaa baa sɛah, kɛɛ voɡa ba ‘naa’ la te, mɛɛ vɛɛh baa bá di sihiih kohona.”

Jeremia 13:21

Dɛ nɛra haa dɛ lii ba he daamanar baa yo heya, dɛ pɔ he nɛɛ he do ba lɔɡa aa, bɔkwa waa hɛɛ ba bola ɔ? Hɛɛ doo kɛŋɔ haah loltea aa lɔɔ wɛɛ ba lola ken.

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Jeremia 27:14

He bɛ keamere baa ŋɔa he bɛ he te kpɔ do o lɔɡa la be no. Neɡraa baa neɡre heya.

Jeremia 27:15

Korowii ɡbabir bolɔ ŋɔ o ta bɛlbwa tomɛ, asɛ ba che o sɔn ta dɛɛ teŋe nyosone la. Anomanta, o ŋɔ wɛɛ doŋi he bwaa, ásɛ ba kpoo heya, he ne keamere baa dɛ teŋɛ nyosone la bwa.”

Jeremia 38:19

Asɛ Kooro Sedekia ŋɔ men Jeremia be ŋɔ, “N dɛ ɔmɛ Juu tena baa kpɔ ba te ka ja Babelɔn tena bini la, dɛkalkɛ Babelɔn tena la ken ɛɛ lee mɛɛ tɛɛ ba, ásɛ ba fiɡ mɛ.”

Jeremia 38:21

Kɛ dɛ he ta sɛɛh dɛ kpɔ he te do Babelɔn kooro lɔɡa aa, waa Korowii aa pili a bini baɡ mɛ laanee kɛŋɔ,

Jeremia 41:10

Ismael lawɛ nɛra baa ka Mispa la bwa, kooro bihaahna ne banɔ la baa jaa dɛ ka bela. Dɛ Nebusaradan waa chɔ kooro laa tena baa dɛ daahno nyoa, le Ahikam bibaa Gedalia o chɔ ba nyoa. Waa laɡ ba la, o ɡale Jɔɔdan Moo dɛ kpɔ sie chaɡɛ Amɔn tena harɛ pera dɛɛ kaa bane.

Jeremia 43:6

Ba berɔ tɔ baala ne haahna ne bechale, dɛ kooro bihaahna Nebusaradan waa chɔ laa tena baa dɛ daah kooro nyoa sie kaa. Nebusaradanee kpɔ ba do Ahikam bibaa Gedalia, ne men Jeremia maa ɛ Korowii keame, dɛ Nɛrea bibaa Baruk nɔn ta dɛ tɔ ba sie ba kaa.

Jeremia 46:21

Laa tena baa kaa yaɡ ba ŋɔ bá ba yo tɛɛ ba aa kpeɡe dɛ́ won yo, ba do kɛŋɔ nabiiri aa jea ken. Ba ɡe ɛɛ berɔɔ chwa kaa baa wola won che ba naa ta, dɛkalkɛ ba wenaale tɔpere la telo, saŋ telo kɛ bá dɔ deŋnetɛra.

Jeremia 46:5

Bɔkwaa mɛɛ na nɔɔ? Ɔmee kohona chole Ijipt laa tena nɛɛ ba le habɔɔ chwa dɛɛ kaa. Babelɔn laa tena yoo ba dɛ pɔ ba banyoola nɛ. Ba kpɔ bochela chwa dɛɛ le, bɛlbwa aa kee dɛɛ nyiŋi, ɔmee kohona su ba bwa. Men Korowiirii bola.

Jeremia 6:12

Baa kpɔ ba deremii tɛ nɛra bane, dɛ́ kpɔ ba kooni ne ba haahna ja, ɡɛ saŋ maa tɛr nɛra baa lɔ harɛ la ta deŋne. Men Korowiirii bola.

Jeremia 8:10

Anomanta, mɛɛ kpɔ ba haahnaa tɛ jafala, dɛ kpɔ ba kooni do nɛnfala nɔɔra ta baa nyiŋi a ta. Nomɛlbwa, le bechale nɛɛ kaa nomonome nɛ, bɛlbwa dɛ nyin kwaa sibeɡra ne. Hale n keamere ne n sɔfore bwa, ba sie dɛ lɛ nɛra faahra ta.

Wiile 1:13

Korowii ɡelɔ nii le nyundua dɛ ba jo n bini fuh n hoɡa. O har mɛ bel dɛ ɡel n chole harɛ, asɛ dɛ ɡel mɛ bela, n do weweele ta tɔpere bɛlbwa.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Wiile 5:11

Ba ɡuɡri haahna dɛ laɡ ba chɔ Saayɔn Bwejen ta, ɡɛɛ ba ɛ toli baa wola baala jemɛ ɡe Juda harɛ bwɛɛ bɛlbwa ɡe ta.

Maeka 7:5

Dɛɛ berɛ he dɔŋ yaradae ka tonɛ, bɛ he dam ɡba nɛɛ hwɛɡɛ. Hale he haah he ne waa pɛa dɛɛ chɔ kalaŋ ta, dɛɛ nyiŋi he nyoa wobol ta kɛrɛdɛ.