2 “Waa Korowii aa dɛ bol laanee nɔ. Nomɛlbwa waa so bwɛjen Jerusalam ta la, laa kɛɛ lɔr kɛɛ weechɔɡaa dɛɛ ba o kpoe. Kɛ banɔ la baa kpɔ ba te ka do Babelɔn tena lɔɡa la ɛɛ dɔ ba nyuu, baa wola sewɛ.”
‘Korowii Israel tena aa dɛ tomɔ la ŋɔ, o ɡbabirii dɛ́ yo he laa tena haa kpɔ ba dɛɛ la ka yo Babelɔn kooro ne o laa tena la, dɛ́ pɔ he nɛ. Wɛɛ boa he laa tena dɔmkwaa nyoa, a daŋɛ chɔ bwɛjen la baah ta.
Kɛ fiɡ nɔnchɔɡa baa wola won dia la te, men Korowii ŋɔ ɡɛɛ mɛɛ ba Juda Kooro Sedekia ne o nomonome, ne nɛra baa kaa dɛ do Jerusalam ɛɛ. Hale ba lɔ bonɔ harɛ nɔ ta, kɛɛ dɛ ka so Ijipt harɛ ta kwaraa noo.
Ɛrɛɛ chɛ kɛ he ne he nɛra sewɛ laa ta, kɛɛ lɔr kɛɛ weechɔɡa kpoo heya ɔ? Gɛ waa nɔɔ Korowii ŋɔ aa pu harɛ bɛlbwa nɛra baa vɛah dɛ kpɔ ba te do Babelɔn kooro lɔɡa la.
kɛ waa Korowii aa dɛ bol kooro waa soɡe Kooro Devid kara ta, ne nɛra bwa baa ka bwɛjen la ta, ne bwɛɛla baa wola nɛra baa laɡ ba kaa harɛfale ta nɛɛ jae la,
Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.
Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.
Kasinteŋ, banɔ la bwa ba siwi aa beɡra kɛ bá kaa Ijipt harɛ ta la, laa ne lɔr dɛ weechɔɡaa dɛ́ kpoo ba. Beŋkpoŋ ɡba aa won chwa le wekpeɡa maa kpɔa dɛɛ ba ba nɛɛ la ta.’
Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”
Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.
He leɔ kɛrɛ aa, he lɔ laa ta, he berɔ so dem ɡe aa, he ne weechɔɡa ne lɔree. Laa taa banɔ la baa lɔ kpɔɡ bini ɛɛ ba serewa. Banɔ la ɡe baa lɔ bwɛjen la ta la, weechɔɡa ne lɔree dɛɛ ba ba kpoora.