Jeremia 38:19 - mzwDBL

¹⁹ Asɛ Kooro Sedekia ŋɔ men Jeremia be ŋɔ, “N dɛ ɔmɛ Juu tena baa kpɔ ba te ka ja Babelɔn tena bini la, dɛkalkɛ Babelɔn tena la ken ɛɛ lee mɛɛ tɛɛ ba, ásɛ ba fiɡ mɛ.”

Jeremia 38:19 ပူးပေါင်းရင်းမြစ်များ

2 Webena 30:10

Toroma la le bela, dɛ la bwɛjen bɛlbwa ta Efrem ne Manasɛ deene harɛre ta, dɛ ka le Sebulon dea harɛ ɡe ta bwa, kɛ nɛra la mam ba dɛɛ muɡli ba baah.

Nehemia 4:1

Sanbalat aa noa kɛŋɔ ya Juu tena berɔ kwaa dɛɛ ma Jerusalam danjwɛjen la, bwaawee lawɔ o baah di taeh, wɛɛ mamɛ yaa.

Job Tɔn 31:34

kɛŋɔ maa bol waa nɛra aa bol la wa, asɛ n ɔmɛ mama n lolanar aa mam mɛ waa kohona, n tɔ nyoa n ta buse leɛ.

Sɛɡla 29:25

Nɛwɛnyini ɔma do kɛŋɔ bel ken, nomɛlbwa waa dɛ yarada Korowii la, dɛ́ dɔ o nyu.

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Jeremia 20:7

N Naa Korowii, he neɡ mɛ, asɛ n teŋɛ he nɛ. He pɔ n nɛ, dɛkalkɛ he kpeɡri ɡwaa mɛ. Nɛra dɛ muɡli n baah, tɔpebir bwaa baa mam mɛ.

Jeremia 38:22

haahna la bwa baa kaa dɛ do Juda kooro dem bela la, baa laɡ baa le bela ka tɛ Babelɔn kooro nomonome. A ɡɛ haahna la ɛɛ bol he bee ŋɔ, ‘Kooro daamanar tenten neɡro, ba waa tɔɔɡe o waa ta. Taraken o nakpale aa morɛ kpechɛɡre ta nɔ, o daamanar chwao ɡelo.’ ”

Jeremia 38:5

Anee Kooro Sedekia chaŋe ŋɔ, “N kpɔɔ do he nɔn ta. Maa won tɔe ŋwɛnɛ.”

Jeremia 39:9

Nebusaradan waa chɔ kooro laa tena baa dɛ daahno nyoa, lawɛ nɛra baa kaa dɛ do Jerusalam, dɛ banɔ la baa baa ja o nɛɛ la bwa kaa Babelɔn harɛ ta.

Amanesoma Jɔn Aa Chwera Tɔn 12:42

Juu tena nomonome kɛrɛdɛ ɡba yarada Yeesu, kɛ baa dɛ ɔmɛ Farisii tena nomanta, ba ta bolɛ nomɛlbwa no, dɛkalkɛ dɛ ba bolaa, aa ɡeloo ba doŋ ba cheremi dea joe.

Sitɔɔla 16:25

Ba sie lɛo kohona, ba moo ŋɔ, “Hé ba Samsen ne ó ba lɛ ya sie.” Anomanta, ba kaa lawɔ le dea baa doo la bini, ó ba ɛ ɡɛ baa dɛ nyin bwa tɛɛ ba. Ba kpɔɔ ka che pilare ane baah ta,

Sitɔɔla 9:54

O yerɛ o bonɔɔ waa cheɡɛ o dɔmkwaa la dɛ ŋɔ, “Ɛ warane dɛ́ kpɔ he kere ba kpo mɛ, ɡɛ aa ɛ ba bɛ ba ŋɔ haahnee kpo mɛ.” Asɛ o bonɔɔ la laa kere pamɛ dɛ tɔɡɔ o sewɛ.

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.

1 Samoɛl 31:4

Asɛ Kooro Sɔɔl ŋɔ o bonɔɔ waa dɛ che o dɔmkwaa la be ŋɔ, “Pamɛ he kere la, dɛ́ ba tɔɡ mɛ kpo, ásɛ nɛra baa wola Korowii tomɛ nɔ bɛ men ba kpo dɛ́ chɛɡ mɛ ja.” Kɛ dɛ bonɔɔ la dɛ ɔmɛ kɛ ó ɛ ɡɛ, anomanta, Kooro Sɔɔl pamɛ o ɡbaɡba kere dɛ chole o ta.