Jeremia 38:17 - mzwDBL

¹⁷ Belaa n ŋɔ Kooro Sedekia be ŋɔ, “Korowii Waa Ɛ Koranar Bwa Kooro, Israel tena aa dɛ tomɔ la ŋɔ, ‘Dɛ he kpɔ he te do Babelɔn kooro nomonome lɔɡa aa, baa hen kpo, ásɛ dɛ ɡel bwɛjen nɔ ɡe fuih, he ne he lolanar bwa ɡe dɔ he nyu.

Jeremia 38:17 ပူးပေါင်းရင်းမြစ်များ

Mumpar 12:13

Anomanta, ba pɛɛre ɡɛ naa, he ŋɔ ba be ŋɔ he dɔɔree men, ásɛ ba ɡel mɛ dɛ́ nyiŋ mɛ kɛrɛdɛ.”

2 Koranar 24:12

asɛ Juda harɛ Kooro Jehoiachin ne o nya ne o bonɔɔna ne o nomonome, dɛ nɛra baa lɔ koodem bwa sɛh, dɛ kpɔ ba te do Kooro Nebukadnesa lɔɡa. Kooro Nebukadnesa aa di kora bene anuatoro taa o ba lawɛ Juda Kooro Jehoiachin kaa bojaŋ Babelɔn harɛ ta.

2 Koranar 25:27

Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anuanɛ ta.

1 Webena 17:24

á che a ta he dɔ sɔn kohona saŋ bɛlbwa dɛɛ la. Ásɛ nɛra na dɛ ŋɔ, ‘Nemenɛ Korowiirii dɛɛ nyiŋi Israel tena nɛ!’ Ásɛ men, he bonɔɔ Kooro Devid naanar che kiŋkiŋ, dɛ́ do he sie saŋ bɛlbwa.

Ɛsra 9:4

Nomɛlbwa waa no waa Korowii Israel tena aa dɛ tomɔ aa bola la baa bar mɛ cheme dɛɛ chel, dɛkalkɛ nɛra baa le bojaŋ harɛfale ta dɛ ba la waa ta kasinteŋ dɔe. Asɛ n so bela dɛɛ di suna ka tel kɛŋɔ jɔmɔr saraha ɛɛ aa tela.

Job Tɔn 23:13

Korowii te, ɡɛ waa doa o den do, nomɛlbwa aa won beɡre waa do o nyoa, anɔ la waa dɛ nyinii wɛɛ ɛ.

Yela 80:14

Korowii Haa Ɛ Kpeɡri Bwa Dɔɔ, berɛ sie ya be. Che nyundua nyiŋi, dɛ́ ba lɛ yan yaa ɛ he nɛra,

Yela 80:7

Korowii Haa Ɛ Koranar Bwa Kooro, berɛ ba lɛ yaa, sune ya nɛ, ásɛ dɛ lɛ yaa.

Jeremia 27:12

Men Jeremia fa tɔ sie bol ɡɛ waa nɔ tenten baɡle Juda Kooro Sedekia ŋɔ, “Kpɔ he te do Babelɔn kooro lɔɡa. He ne he nɛra tomɔ ásɛ dɛ dɔ he nyu.

Jeremia 27:17

He bɛ ba be dɛɛ no! Hé kpɔ he te ka do Babelɔn kooro lɔɡa, ásɛ dɛ dɔ he nyu! Ɛrɛɛ chɛ kɛŋɔ bwɛjen nɔ paɡre dɛ́ berɛ dimɡbia ɔ?

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Jeremia 38:2

“Waa Korowii aa dɛ bol laanee nɔ. Nomɛlbwa waa so bwɛjen Jerusalam ta la, laa kɛɛ lɔr kɛɛ weechɔɡaa dɛɛ ba o kpoe. Kɛ banɔ la baa kpɔ ba te ka do Babelɔn tena lɔɡa la ɛɛ dɔ ba nyuu, baa wola sewɛ.”

Jeremia 39:3

Belaa Babelɔn kooro nomonome bwa kpɔ ba kane ba so Baah ta Doonyoa la ta. Banee Nɛrɡal Saresa waa le Samɡa, ne Nɛbo Sarsekim waa chɔ nomonome la nyoa, ne Nɛrɡal Saresa bɛl ɡe, dɛ nomonome baa kaa bwa.

Jeremia 40:9

Belaa Gedalia ŋwɛɛ ntam baɡ ba ŋɔ, “Hɛɛ berɛ Babelɔn tena nɔ ɔma, hé so bonɔ dɛɛ tomɛ Babelɔn kooro, aa chiɡ heyaa kɛrɛdɛɛ.

Jeremia 44:7

Anomanta, men Korowii Maa Ɛ Koranar Bwa Kooro, Israel tena aa dɛ tom mɛ la dɛ bɔɔ heyaa ɡɛ aa ɛa hɛɛ ɛ ɡɛ wechɔɡa nɔ aa ɡure he nɛɛ nɔ. He dɛ nyin he ba chɔɡ baala ne haahna, bechale ne bechasɔɔhne ásɛ nomɛlbwa aa ka kpa kɛɛ?

Ɛsekeɛl 8:4

Belaa n na Korowii Israel tena aa dɛ tomɔ jirima, ɡɛ n fa aa nao Keba Moo la bɔr la.

Emɔs 5:27

ɡɛ saŋ maa lawɛ heyaa kaa bojaŋ harɛfale ta, Damaskɔs baŋ le la. Men Korowii Maa Ɛ Koranar Bwa Kooroo bola.”