Jeremia 37:18 - mzwDBL

¹⁸ Belaa n bɔɔ Kooro Sedekia ŋɔ, “Wechɔɡa besoo n ɛ he ne he nomonome ne nɛra nɔ, asɛ he laɡ mɛ do dea nɔɔ?

Jeremia 37:18 ပူးပေါင်းရင်းမြစ်များ

Mumpar 31:36

Belaa Jekɔb kpɔ bandia dɛ bɔɔro ŋɔ, “Bɔkwa wechɔɡaa n ɛɔ? Mmara besoo n koni asɛ he ti mɛ kɛŋɔ nɛnchɔɡe nɔɔ?

Sɛɡla 17:13

He kpɔ wechɔɡa dɛɛ bɔ wedɛɛɡa kem aa, wechɔɡa aa he demii paŋɛ bwa.

Sɛɡla 17:26

A ta maɡrɛ kɛŋɔ nɛn ɛ kɛrɛdɛ ba tɛr o deŋne, kɛɛ dɛ lɔɔ nomonome baa dɛ di kasinteŋ.

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Amanesoma Jɔn Aa Chwera Tɔn 10:32

Asɛ o ŋɔ ba be ŋɔ, “N baa ɛ wedɛɛɡa kohona n Mɛɛ la kpeɡri ne he bwa siwi ta asɛ he na. Aah dɛ wedɛɛɡa nɔ bini ame waa hɛɛ ba men bwea foɡra nɔɔ?”

We-ɛɛla 23:1

Waa baa che nomonome la bwa sie la, o nyiŋ ba, dɛ ŋɔ, “Yabala, n bambile bwa nee n tomɛ Korowii le saŋ la bwa ba le fini. N liire ta men ɛɛ kɛ n ɛ wechɔɡa bwa.”

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

We-ɛɛla 25:11

Dɛ n fe jo ya kii bɛl nɛɛ asɛ a ɛ kɛ a chɛ kɛ bá kpo mɛ naa, n fe aa won ŋɔ mɛɛ chwa sewee. Kɛ dɛ ba waa baa kpɔa dɛ daɡ mɛ nɔ ta kasinteŋ ɛɛ te naa, nomɛlbwa aa won kpɔ mɛ do ba nɔn ta. N dɛ nyin kɛ he la n ne Rom Koojen Siisa sie, ásɛ o ka bol n waa nɔ dɛ́ pa bole.”

We-ɛɛla 25:25

Kɛ n ta wone na waa waa ɛa a ɛ kɛŋɔ o do kpoe. Anomanta, o ɡbaɡba aa baa ŋɔ yá tɛ ŋwɛnɛ ásɛ Rom Koojen Siisa ɡbaɡba ka bol o waa la dɛ́ pa bole la, n ɛ n liire kɛŋɔ mɛɛ ɡeloo ó la o be.

We-ɛɛla 25:8

Pɔɔl wono bol waa dɛ baɡle kɛ o ta wechɔɡa ɛɛ. O baɡlɔ kɛ o ta wobɛlbwa ɛɛ dɛ jo Juu tena kii bɛlbwa nɛ, dɛ baɡle kɛ o ta wobɛlbwa ɛɛ dɛ jo ba Korowii Dea kii bɛlbwa nɛ, dɛ ŋɔ o ta Rom Koojen la ɡe nɛɛ joɛ.

We-ɛɛla 26:31

asɛ baa le bela la, baa ŋɔ dɔŋa be ŋɔ, “Baa nɔ wobɛlbwa ta baɡlɛ kɛ o chɛ kpoe, kɛɛ ba doo dea.”

Galaasia 4:16

Aah n kasinteŋ maa dɛ di heyaa nɔɔ ɡela n berɛ ɛ he dɔm taraken nɔ kɛɛ?