Jeremia 37:13 - mzwDBL

¹³ Kɛ maa tel Bɛnjamen Doonyoa ta la, nomoa waa chɔ nɛra baa dɛ daah bela nyoa baa yerɔ Irija, o mɛɛ Sɛlɛmia, o nabaa ɡe sɔne Hanania, laɡ mɛ dɛ ŋɔ n be ŋɔ, “He chwao dɛɛ kaa Babelɔn tena be.”

Jeremia 37:13 ပူးပေါင်းရင်းမြစ်များ

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Jeremia 20:2

o ɡelɔ ba lɔɔ mɛ, dɛ do mɛ jɔɡrɔre. Bela bɛne Bɛnjamen Doonyoa nyunduabɔr, Korowii Dea bela.

Jeremia 21:9

Nomɛlbwa soɡe bwɛjen nɔ ta naa, baa kpoo laa taa, kɛɛ weechɔɡa ne lɔr ɡel o sewɛ. Kɛ bɛlbwa waa kpɔ o te ka do Babelɔn tena baa chɔa bar heyaa nɔ lɔɡa te ɛɛ dɔ o nyuu.

Jeremia 27:6

Menee kpɔ harɛre nɔ bwa do n bonɔɔ Babelɔn Kooro Nebukadnesa nɔn ta, hale dɛ ɡel kpɔɡ bini ola bwa ɛɛ tomɔ.

Jeremia 28:14

Waa Koranar Bwa Kooro, Israel tena aa dɛ tomɔ la aa dɛ bol laanee nɔ, dɛ́ wɛɛ kpɔ buni waa do kɛŋɔ daa ba yon kpɔ dawɛ nae nɛɛ aa parɛ laanee dawɛ harɛre nɛra baŋa ta, ásɛ baa tomɛ Babelɔn Kooro Nebukadnesa. Hale dɛ́ ɡel kpɔɡ bini ola ɡba ɛɛ tomɛ Kooro Nebukadnesa.’ ”

Jeremia 36:12

ate o ir la koodem karake la dea bela, dɛ nomonome la bwa soɡo. Banee koodem karake Elisama, ne Sɛmaya bibaa Delaya, ne Akbɔ bibaa Ɛl Netan, ne Safan bibaa Gemaria, ne Hanania bibaa Sedekia, dɛ nomonome baa kaa bwa.

Jeremia 38:1

Dɛ Matan bibaa Sɛfatea ne Pasur bibaa Gedalia ne Sɛlɛmia bibaa Jehukal dɛ Malkija bibaa Pasur dɛ no waa men Jeremia yon bol dɛɛ baɡle nɛra dɛɛ ŋɔ,

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Jeremia 38:7

Kɛ Itiopia te Ɛbɛd Mɛlɛk, o ɡe aa ɛ nomoa dɛ do koodem bela noɔ kɛ ba laɡ mɛ ta kɔlɔŋ bini. Gɛ saŋ dɛ kooro soɡe Bɛnjamen Doonyoa la ta,

Wiile 4:18

Ya dɔma dɛ nyiŋi ya vala bwa bini, a ɡel yaa won fɔɡbaahna kwaaraa valɛ. Ya tɔpere telo tonɛ, a ka tamaa ken ya serewe.

Emɔs 7:10

Belaa sɔfo Amasea waa lɔ Bɛtel la kpɔ kala tɛ Israel Kooro Jɛroboam ŋɔ, “Emɔs dɛ vɔrɔwe he vɔrɔwa Israel harɛ ta bonɔ. O waa waa dɛ bol la ɡwaalɔ to.

Sekaria 14:10

Harɛ la bwa, dɛ le Geba kaa Remɔn waa lɔ Jerusalam weekaŋle harɛbɔr ɛɛ chɔɔ kaa Jɔɔdan Moo la ta. Ásɛ bela Jerusalam aa lole la dawɛ nyundua o buɡ ta, dɛ́ le Bɛnjamen Doonyoa dɛ́ kaa bela Doonyoa Waa Tɔ Sie la aa lole la, ne Loŋkora Doonyoa, dɛ́ teŋe kaa Hananɛl Dejaŋ, dɛ́ kaa bela baa dɛ harame kooro daa nɔna nee dɛ kpɔ dɛɛ ɛ sen la ta.

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

We-ɛɛla 24:13

Ba ta danseɛ bɛlbwa dɔe dɛ́ chaɡle kɛ n ɛ waa nɔ bɛlbwa baa kpɔa dɛɛ daɡ mɛ nɔ.

We-ɛɛla 6:11

Asɛ ba sɔh kpɔ suuɡa tɛ nɛra bane dɛ do ba ŋɔ, “Hé ŋɔ he na baa nɔ kɛŋɔ waa dɛ bol Mosis ne Korowii nɛnhɛlwobol.”

2 Kɔrent 6:8

Bane dɛ pena yaa, bane ɛɛ yoo yaa. Bane dɛ chɛɡre yaa, bane ɛɛ kpɛɛ yaa. Ba dɛ yerɛ yaa nyosonteŋna, kɛ kasinteŋ ɡee yaa bol.