Jeremia 36:31 - mzwDBL

³¹ Mɛɛ tɛr he ne he naanar dɛ he nomonome deŋnee, he wechɔɡa haa ɛa dɛ jo n nɛɛ la wa. He ne Jerusalam kɛɛ Juda tena bɛlbwa ta deŋne cheɡɛ dɛ no waa maa dɛ kah heyaa la, anomanta, mɛɛ kpɔ wekpeɡa maa ŋɔa mɛɛ kpɔɔ ba ta he nɛɛ laanee ba.’ ”

Jeremia 36:31 ပူးပေါင်းရင်းမြစ်များ

Yela 94:23

Wɛɛ bɔ ba kem ba wechɔɡa waa, dɛ́ chɔɡ ba ba nyubinikpeɡ wa. Korowii yaa dɛ tomɔ la ɛɛ chɔɡ baa.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Jeremia 11:8

Kɛ ba ta deŋne cheɡɛ dɛ no n be. Dɛɛ teŋɛ ba deŋnekpeɡ we-ɛɛla ne wechɔɡa ta. Anomanta, n kpɔ taahna bwa aa lɔ fɔo la maa do ba ŋɔ ba fe ɛɛ teŋɛ a ta la ba ta ba nɛ, dɛkalkɛ ba ta n waa la noɛ.”

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”

Jeremia 19:15

“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”

Jeremia 23:34

Kɛ dɛ nomɛlbwa kɛɛ n keame, kɛɛ sɔfo bɛlbwa bol waa ŋɔ, ‘Bone aa ɡwaala Korowii kpɔ dawɛ ya nɛ’ aa, mɛɛ tɛr ba ne ba lolanar deŋnee.

Jeremia 29:32

Anomanta, mɛɛ tɛr Sɛmaya ne o naanar deŋnee. O nɛmbeŋkpoŋ kwara aa ka dɛ́ do nɛra nɔ bini. Waa kondɛɛɡa maa dɛ ba kpɔe tɛ n nɛra la nae ba, dɛkalkɛ o ɛ deŋnekpeɡ o ta n waa ta teŋɛ. Men Korowiirii bola.”

Jeremia 35:17

Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”

Jeremia 52:2

Kooro Sedekia ɛ wechɔɡa dɛ jo Korowii nɛ, ɡɛ Kooro Jehoiakim aa ɛa la.

Ɛsekeɛl 7:8

Maa biɡri dɛ́ kpɔ n bandia ba he nɛ, mɛɛ bol he waa haa ɛa la waa dɛ́ tɛr he deŋne waa maa kia he ɛa la wa.

Ɛsekeɛl 7:9

Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.

Lewi Dea Tena 26:14

Dɛ he ta deŋne cheɡɛ dɛɛ no waa maa dɛ do heyaa a ta nɔ,

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.