Jeremia 36:29 - mzwDBL

²⁹ Korowii berɔ ŋɔ ń bol Juda Kooro Jehoiakim be ŋɔ, “He fuh tɔn la, dɛɛ bɔɔ Jeremia ɡɛ aa ɛa o chwerɛ ŋɔ Babelɔn kooro ɛɛ bao ba chɔɡ he harɛ nɔ, dɛ́ kpoo nɛra ne kondɛɛra bwa aa lɔ o ta.

Jeremia 36:29 ပူးပေါင်းရင်းမြစ်များ

Job Tɔn 15:24

Wekpeɡa ne wenaale ɡelɔ baa ɔmɛ kohona a dawɛ ba nɛɛ kɛŋɔ kooro waa dɛ la ka yoo ba laa,

Job Tɔn 15:25

dɛkalkɛ banee nɛra baa ume nɔn dɛ pa Korowii Waa Ɛ Kpeɡri Bwa Dɔɔ nɛ, dɛ yo Korowii dɛ vɛoh la.

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?

Aesaya 29:21

Wɛɛ chɔɡ banɔ la nɛra aa che ba wobol ta dɛ́ ɛ wechɔɡa, ne banɔ la baa ɡela nɛra baa bol waa dɛɛ pa bole wili, ne banɔ la baa cheɡɛ nyosone ŋwɛnɛ ta, dɛɛ pa nɛra baa di bolsom bolchɔɡe.

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Aesaya 45:9

Nɛn o ne Korowii waa tao la aa dɛ yo la, ó bwɛɛlɛ! Naate do kɛŋɔ vii ken. Choh ɛɛ won ŋɔ mamaa be ŋɔ waa o toma jemaa? Vii ɛɛ won bɔɔ mamaa waa aa bala o mao wa aa?

Jeremia 21:10

N siwi beɡrɔ kɛ ń chɔɡ bwɛjen nɔ, o kɛrɛdɛ doe te laa. Babelɔn kooro nɔn taa wɛɛ ba doe, ásɛ o fuh o bwa dɛɛboo ken.” Korowiirii bola.

Jeremia 25:13

Wɛɛ kpɔ wenaale bwa baa chwera do tɔn nɔ bini, o che men Jeremia nɛɛ ŋɔ wɛɛ kpɔɔ ba ta harɛ la ta laanee ba ta ba nɛ.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 26:9

Ɛrɛɛ he che Korowii sɔn ta dɛɛ bol ŋɔ Dea nɔ ɛɛ doo kɛŋɔ Silo, ásɛ bwɛjen nɔ ɡe chɔɡ, nɛra aa wola o taa so kpa nɔɔ?” Ate, nɛra la bwa den ba bar men Jeremia Korowii Dea bela.

Jeremia 28:8

Keamere baa tɔ n ne he sie saŋ la bolɔ ŋɔ, harɛre nɛra ne koojena ɛɛ serewe laa taa, ásɛ lɔr ne weechɔɡa ɡe kpoo bane.

Jeremia 32:3

Juda Kooro Sedekia laɡ mɛ do dea kɛŋɔ maa ŋɔa ŋɔ Korowii ŋɔ, “N dɛ ba ɡela Babelɔn kooro ba yo bwɛjen nɔ tena, dɛ́ laɡ ba.

Jeremia 33:12

Koranar Bwa Kooro ŋɔ, “Harɛ nɔ waa do kɛŋɔ pua hɛŋle ɡbo harɛ nɛra kɛɛ kondɛɛra aa wola toole o ta nɔ, saŋ bɛl ɛɛ bao ásɛ peteɡra dɔ dibɔra tɛ ba peera a kaa di.

Jeremia 36:23

Jehudi aa kure tɔn la baŋne atoro kɛɛ anaarɛ tonɛ la, kooro la kpɔ kerejeɡa teŋe tɔn la bini, dɛ paa ta koropɔɔto la bini, ka tel kɛŋɔ tɔn la bwa aa fuah.

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

We-ɛɛla 5:39

Kɛ dɛ Korowii be ɡee a le aa, ate haa won sɔɔh ba waa nɔ nyoa. He ta kɛrɛdɛ nyiŋaa, Korowiirii hɛɛ yo laa la oo!” Nomonome la teŋɛ Gamaleɛl waa la ta.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?

Mmarare 29:19

Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.