Jeremia 36:14 - mzwDBL

¹⁴ nomonome la bwa tomɛ Nɛtanea bibaa Jehudi, o nabaa sɔne Sɛlɛmia, asɛ Sɛlɛmia ɡe mɛɛ sɔne Kusi. Jehudi laŋɔ ka ŋɔ Baruk be ŋɔ, “Kpɔ tɔn haa kure o bini waa baɡle nɛra la ba.” Anomanta, Baruk iro kpɔ tɔn la kpoŋe kaa ba be.

Jeremia 36:14 ပူးပေါင်းရင်းမြစ်များ

2 Koranar 25:23

Juda laa nomonome la bwa ne ba laa tena baa wola ban lawɛ kaa la aa noa kɛŋɔ Babelɔn kooro le Gedalia o ɛ ba harɛ nomoa la, ba la o be Mispa. Banee Nɛtanea bibaa Ismael, ne Karea bibaa Johanan, ne Tanhumet bibaa Seraya, o ɛ Nɛtɔfa te. Dɛ Jaasania, waa ɛ Maaka te bɛl bie, dɛ ba bala.

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Jeremia 36:21

Belaa kooro tomɛ Jehudi ŋɔ ó ka kpɔ tɔn la ba. Asɛ o la Elisama dea ka kpɔ ba, dɛ ba kure baɡle kooro ne nomonome baa cheɡa baro la bwa.

Jeremia 36:4

Anomanta, men Jeremia yerɛ Nɛrea bibaa Baruk, dɛ kpɔ waa bwa Korowii aa bol n be la tɛo ó chwerɛ. Asɛ Baruk chwerɛ a bwa do tɔn bini.

Jeremia 40:8

ba bwa iro la Gedalia be Mispa. Banee Nɛtanea bibaa Ismael, ne Karea bibaala Johanan ne Jonatan, ne Tanhumet bibaa Seraya, ne Efai bibaala baa le Nɛtɔfa, ne Jaasania waa ɛ Maaka te, dɛ baala baa ja ba nɛɛ bwa.

Jeremia 41:16

Ismael aa kpo Gedalia habɔɔ la, Johanan ne laa nomonome la bwa baa ja o nɛɛ la tɔ nɛra baa ka Mispa Ismael fe laɡ ba dɛɛ kaa la sie. Haahna ne laa tena, bechale dɛ koodem nomonome baa le Gebeɔn bwa.

Jeremia 41:18

ɡɛ aa ɛ ásɛ ba won le Babelɔn tena nɔn ta. Dɛ ba dɛ ɔm ba, dɛkalkɛ Ismael kpo Gedalia la Babelɔn kooro aa leo wɛɛ nyiŋi harɛ la ta.

Sefania 1:1

Waa Korowii aa kpɔa baɡle Sefania, ɡɛ saŋ Amɔn bibaa Josia aa di kora Juda harɛ ta laanee nɔ. Sefania mɛɛ sɔne Kusi, asɛ Kusi mɛɛ sɔne Gedalia, Gedalia mɛɛ sɔne Amaria, asɛ Amaria ɡe mɛɛ sɔne Hɛsɛkea.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.