Jeremia 36:12 - mzwDBL

¹² ate o ir la koodem karake la dea bela, dɛ nomonome la bwa soɡo. Banee koodem karake Elisama, ne Sɛmaya bibaa Delaya, ne Akbɔ bibaa Ɛl Netan, ne Safan bibaa Gemaria, ne Hanania bibaa Sedekia, dɛ nomonome baa kaa bwa.

Jeremia 36:12 ပူးပေါင်းရင်းမြစ်များ

2 Koranar 22:12

Buɡ la ta, Kooro do sɔfo Hilkia ne Safan bibaa Ahikam, ne Mikaya bibaa Akbɔ, ne Safan waa ɛ karake dɛ chwerɛ waa dɛɛ bil, dɛ o bonɔɔ Asaya be ŋɔ,

2 Koranar 22:14

Anee sɔfo Hilkia ne Ahikam ne Akbɔ ne Safan, dɛ Asaya la Korowii keame bɛl waa ɛ haah baa yerɔ Hulda be, dɛ ka bɔɔ le o be. Dɛ Korowii keame Hulda soɡe Jerusalam bampera bofale. O jaaree Tikva bibaa Salum, asɛ o nabaa sɔne Haahas. Onee dɛɛ nyiŋi Korowii Dea batakaarere ta.

2 Koranar 22:3

Kooro Josia aa di kora bene fi dɛ anuatoro ta la, o tomɛ o koodem karake baa dɛ yerɔ Safan Korowii Dea. O mɛɛ sɔne Asalia, o nabaa sɔne Mɛsolam. O ŋɔ Safan be ŋɔ,

2 Koranar 24:8

Kooro Jehoiachin di bene fi dɛ anuatoro mɔɔ dɛ di kora. O soɡe Jerusalam di kora korobie atoro. O nya sɔne Nehusta, o mɛɛ ɡe sɔne Ɛl Netan, o le Jerusalam.

Jeremia 26:10

Juda nomonome aa no ɡɛ waa nɔ la, ba le koodem bela dɛ la Korowii Dea, dɛ ka che ba chebɔra doonyoa bɛl baa dɛ yerɔ Doonyofale la ta.

Jeremia 26:22

Kooro Jehoiakim tomɛ Akbɔ bibaa Ɛl Netan ne baala bane Ijipt ŋɔ, bá ka lawɛ Uria ba.

Jeremia 26:24

Kɛ ane a bwa, men Jeremia te dɔ n nyu di, dɛkalkɛ Safan bibaa Ahikam cha mɛ o ta ɡelɛ ba laɡ mɛ tɛ nɛra la ba kpo mɛ.

Jeremia 36:25

A lole kɛŋɔ Ɛl Netan ne Delaya dɛ Gemaria soŋe kooro la ŋɔ o bɛ tɔn la fuh, kɛ o ta ba be noɛ.

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Jeremia 41:1

Korobie anuanɛ ta la, Nɛtanea bibaa Ismael, waa ɛ koobie, dɛ berɛ ɛ kooro nomonome la bini bɛl la, o iro dɛ lawɛ baala fi ja o nɛɛ ba la Ahikam bibaa Gedalia be Mispa. Ismael nabaa sɔne Elisama. Kondikwaa dii saŋ aa tela, ba bwa pɛ so dɛɛ di kwaa la,