Jeremia 35:6 - mzwDBL

⁶ Belaa ba chaŋe ŋɔ, “Yaa sen nyɔ, ya nabaa Jonadab waa ɛ Rekab bibaa do yaa ŋɔ, ya ne ya naanar bɛlbwa ta chɛ kɛ ya nyɔ sen bwa.

Jeremia 35:6 ပူးပေါင်းရင်းမြစ်များ

Mumpar 25:27

Bii la bwa baa kpeɡ. Asɛ Esɔ kpɔ o te ɛ kpɔɡ bini nɛn dɛɛ kpaah kɛrɛdɛ. Dɛ Jekɔb te dɛ so dem.

Mumpar 36:7

Dɛkalkɛ dɛ harɛ o ne Jekɔb aa soɡe o ta la aa kanɛ tɛɛ ba. Ba dɔ kondɛɛra asɛ a ya, anomanta, dɛ a chɛ kɛ bɛlbwa nyin bofale dɛ́ ka so o kwaa ne.

2 Koranar 10:15

Kooro Jehu aa le bela ɡe dɛɛ kaa la, o cheme Rekab bibaa Jɛhɔnadab. Asɛ Kooro Jehu jaamo dɛ pɛɛro ŋɔ, “N ne he liire bwa beŋkpoŋ, hɛɛ ja n nɛɛ kɛɛ?” Jɛhɔnadab chaŋe ŋɔ, “N sɛh ɡɛ.” Kooro Jehu ŋɔ, “Dɛ ɡɛɛ tenaa ɡwaa mɛ.” Asɛ ba ɡwa dɔŋa, Jehu chao dɛ lawɔ o teeh torɔɡo waa soɡe o bini la.

2 Koranar 10:23

Kooro Jehu ne Rekab bibaa Jɛhɔnadab jo Baal dea bela. Kooro Jehu ŋɔ voɡ Baal toroma la be ŋɔ, “Hé nyiŋi he bini dɛ́ na kɛŋɔ Korowii toroma toole he bini, voɡ Baal toroma ɡboo he bwa.”

1 Webena 16:19

Gɛ saŋ dɛ Korowii nɛra aa kanɛ, dɛ ɛ hɔɔhra do Keenan harɛ ta,

1 Webena 2:55

ne deene nɛra baa dɔ waa chwera dɛ bil wejema soɡe Jabɛs. Banee Tira ne Simeat dɛ Suka tena. Banɔɔ Ken tena baa le Haamat dɛ ɛ Rekab mɛɛ dea luɡe nɛra.

Yela 105:12

Gɛ saŋ dɛ Korowii nɛra aa kanɛ, dɛ ɛ hɔɔhra do Keenan harɛ ta.

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Jeremia 35:10

Ya soɡe tɛnte deene bini dɛ teŋɛ wobɛlbwa ya nabaa Jonadab aa do yaa a ta bwa.

Jeremia 35:14

Rekab bibaa Jonadab do o bibaala ŋɔ ba bɛ sen nyɔ, asɛ ba teŋɛ a ta. Hale ba le fini baa sen nyɔ, dɛkalkɛ ba no ba nabaa deŋna wa. Kɛ ane a bwa, n teŋɔ bol waa he be keraŋwɛnɛ bwa, kɛ bɛlbwa ta n waa ta teŋɛ.

Lewi Dea Tena 10:9

“He ne he bibaala nɔ bɛlbwa ta chɛ kɛŋɔ hé nyɔ seŋkpeɡa dɛ́ kpɔ ba n sie n Dea Cheremibɔr nɔ bini. He ɛ ɡɛ naa, serewaa hɛɛ ba serewa. Gɛ waa nɔ chɔ le tɛ he ne he naanar baa ka ba saŋ bɛlbwa bwa dɛɛ la.

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

Sitɔɔla 13:14

O bɛ ɡrepo nɔn komɛlbwa di, á ba ɛ kɛŋɔ wɛɛ nyɔ seŋkpeɡa bɛlbwa kɛɛ wɛɛ di kii konee. A chɛ kɛ ó ɛ anɔ la bwa maa doo la.”

Sitɔɔla 13:7

O ŋɔ n be ŋɔ mɛɛ kpoŋe tea dɛ lolɛ bibaa. Anomanta, n bɛ seŋkpeɡa bɛlbwa nyɔ, kɛɛ dɛ di kii kon bɛlbwa, dɛkalkɛ Korowii le bie la cheɡ o lola saŋ bwa, ó ɛ Nasiri te ka tel o serewe wee.”