Jeremia 35:4 - mzwDBL

⁴ dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ.

Jeremia 35:4 ပူးပေါင်းရင်းမြစ်များ

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.

2 Webena 8:14

O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

2 Koranar 12:9

Asɛ sɔfo Jehoiada kpɔ daka bɛl dɛ forɛ o tɔ bɔɔ, dɛ kpɔ ka cheɡ kon baa kpoo kwaa ɛ saraha dɛɛ tɛ Korowii o ta la jwɛh, doonyoa baa kpɔ o ta dɛɛ jo Korowii Dea la diɡ bɔr. Sɔfore baa dɛ daah ɡɛ doonyoa la, yon kpɔ suuɡare nɛra aa dɛ ba a ne Korowii Dea bela la bwa do o bini.

2 Koranar 25:18

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.

2 Koranar 1:9

Ate, kooro la tomɛ o laa sitɔɔ, dɛ laa tena fifraanue ŋɔ bá ka kpɔ Elaeja ba. Dɛ Elaeja soɡe deŋɡare bɛl doa, asɛ laa sitɔɔ la la o be dɛ ka ŋɔ, “Korowii keame, kooro ŋɔ he tu ba o be he ne ó bol wa.”

1 Koranar 12:22

Dɛ Korowii bol o keame Sɛmaya be ŋɔ,

Josua 14:6

Awola bɛl, Juda dea tena bane ne Kaleb, baa dɛ yerɛ o mɛɛ Jefune o ɛ Kenis te iro, dɛ la Josua be Gelɡal, asɛ Kaleb ŋɔ o be ŋɔ, “Lii ɡɛ saŋ yaa lɔ Kades Baanea asɛ Korowii bol n ne he waa baɡle Mosis waa ɛ Korowii bonɔɔ waa ya be la.

2 Timoti 3:17

Anee dɛ won cha Korowii nɛn ó won ɛ wedɛɛɡa bwa ka tonɛ.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

Ɛsekeɛl 43:8

Koranar la kpɔ ba doonyoo ne a daa ba kpaɡɛ n Dea doonyoo kwaa la, asɛ danjwɛɛ teŋe n ne ba baah ta. Ba ɛ waa maa kia, dɛ kpɔ doŋa kah n sɔn waa do ɡoroŋ la, asɛ n baah di n kpoo ba.

Jeremia 52:24

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.

Jeremia 26:10

Juda nomonome aa no ɡɛ waa nɔ la, ba le koodem bela dɛ la Korowii Dea, dɛ ka che ba chebɔra doonyoa bɛl baa dɛ yerɔ Doonyofale la ta.

Yela 84:10

Nɛn soɡe he Dea tɔpebeŋkpoŋ ɡbo aa, a bɔ kɛ waa kaa di tɔpera kaɡboŋ bobɛl. N fe ɛɛ che Korowii maa dɛ tomɛ Dea doonyoa dɛɛ daah bela, dɛ́ ɡwaa kɛ maa kaa so nyubinikpeɡ tena deremi.

1 Webena 9:27

Baa dɛ daah bela la nomanta, jwaana bwaa ba yon so dɛ bar, doonyoo la safoone do ba be ba kpɔ dɛɛ pila chɔɔ bɛlbwa.

2 Koranar 7:17

Dɛ Israel kooro kpɔ o laa sitɔɔla la bini bɛl waa dɛ chao ŋɔ wɛɛ nyiŋi bwɛjen la doonyojen la ta, asɛ nɛra aa wura dɛɛ le la, ba tiɡri o nɛ dɛ kpoo. Gɛ Korowii keame Elaesa faa ŋɔ kooro la be ɡɛ saŋ kooro aa la o dem la.

2 Koranar 7:2

Anee nomoa waa dɛ cha kooro ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Elaesa ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

2 Koranar 6:10

Anee Israel kooro pese bela Korowii keame la aa ŋɔa la. Dɛ saŋ bɛlbwaa Elaesa teŋɛ dɛɛ bol ɡɛ bɔra la waa Israel kooro be, asɛ wɛɛ do a waa dɛɛɡɔ.

2 Koranar 5:20

Korowii keame Elaesa bonɔɔ Gehasi lii dɛ ŋɔ, “N dɔɔ kpɔ Siiria te Naaman nɔ bwara kɛo, o ta koŋkɛɛla waa ba a ne bɛlbwa lɛɛ. N ŋwɛɛ Korowii waa lole kɛŋɔ mɛɛ chwao tiu dɛ́ ka lɛ komɛl le o be.”

2 Koranar 5:14

Anomanta, Naaman iro dɛ ka jo Jɔɔdan Moo la bini, dɛ sɔ kera anuanɛ ɡɛ Korowii keame la aa ŋɔ o be la, asɛ o bwara berɛ kwaa dɛ do wer kɛrɛdɛ kɛŋɔ bechala bwara ken.

1 Koranar 20:28

Belaa Korowii keame la la Israel Kooro Ahab be dɛ ŋɔ Korowii ŋɔ, “Siiria tena dɛ lii kɛŋɔ men Korowii lɔ deŋɡarere ta, n toole harɛre aa chɔa kaa ta nomanta, mɛɛ kpɔ laa tena damanta nɔɔ do he nɔn taa, ásɛ he jemɛ kɛŋɔ menee Korowii.”

1 Koranar 17:24

Luhaah la chaŋe Elaeja ŋɔ, “Anɔ taa n jemɛ kɛŋɔ Korowii keamee hen, Korowii waa aa dɛ le he nyoa la ɛ kpela.”

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

1 Koranar 13:26

Korowii keame waa kaa berɔ dɛ kpɔɔ ba la aa noa la, o ŋɔ, “Korowii keame waa vɛh Korowii waa laanee. Korowiirii kpɔɔ tɛ nyujente o kpoo ɡɛ waa ŋɔa la.”

1 Koranar 13:1

Awola bɛl, Korowii ɡelɔ o keame bɛl le Juda harɛ dɛ kaa Bɛtel. Dɛ Kooro Jɛroboam lɔ kon baa ɛ saraha o ta la bɔr dɛɛ ba saraha ɛɛ.

1 Samoɛl 2:27

Awola Korowii keame bɛl Korowii aa pili waane bini baɡlo ba sɔfo Eli be dɛ ba ŋɔ, “Waa Korowii aa dɛ bol laanee nɔ, ‘N fa ta n te kpɔe baɡle he naawa kɛrɛdɛ Ijipt harɛ ta ɡɛ saŋ baa lɔ Ijipt kooro lɔɡa la aa?

Jeremia 35:3

Anomanta, n laŋɔ dɛ ka lawɛ Jeremia nɛɛte ɡe bibaa Jaasania. A ɡɛ Jeremia nɔ mɛɛ Habasiinia. Jaasania nimanar ne o dɔɔranar dɛ o bibaala bwa n lawɛ,

Ɛsekeɛl 40:38

Dea bɛl pɛl bela baa cheɡa dɛɛ jo, doonyoo aa lɔ dem waa lɔ bini la bɛlbwa, belaa baa yaɡle saraha kwaa baa dɛ fuah la.

Jeremia 21:1

Korowii bol waa Jeremia be ɡɛ saŋ Juda Kooro Sedekia aa tomɛ Malkija bibaa Pasur, ne Maaseya bibaa sɔfo Sefania o be. Ba ŋɔ,