Jeremia 35:17 - mzwDBL

¹⁷ Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”

Jeremia 35:17 ပူးပေါင်းရင်းမြစ်များ

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

Sɛɡla 16:2

Nɛwɛnyini dɛ lii kɛŋɔ o we-ɛɛla wer o be, kɛ Korowiirii dɛɛ nyiŋi a bini.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Aesaya 65:12

Aa ɛ nyokalaa tɛ heyaa kɛŋɔ hɛɛ sewɛ laa taa, dɛkalkɛŋɔ, n yerɛ heyaa he ta sɛɛh, dɛ bol waa he be he ta men chaŋɛ. He kpɔ he ɡbaɡba ŋwɛnɛ, dɛ ɛ waa aa wola n siwi sui dɛ ɛ wechɔɡa.”

Aesaya 66:4

Anomanta, mɛɛ kpɔ wekpeɡaa ba ta ba nɛ, waa baa dɛ ɔma kohona la. Dɛkalkɛŋɔ n yer ba, bɛlbwa ta chaŋɛ, dɛ bol wa, bɛlbwa ta deŋne cheɡɛ dɛ no. Ba berɛ habɔɔ kpo mɛ, dɛɛ ɛ waa maa wola nyin.”

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 11:8

Kɛ ba ta deŋne cheɡɛ dɛ no n be. Dɛɛ teŋɛ ba deŋnekpeɡ we-ɛɛla ne wechɔɡa ta. Anomanta, n kpɔ taahna bwa aa lɔ fɔo la maa do ba ŋɔ ba fe ɛɛ teŋɛ a ta la ba ta ba nɛ, dɛkalkɛ ba ta n waa la noɛ.”

Jeremia 19:15

“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”

Jeremia 19:3

Korowii ŋɔ n be ŋɔ, ‘Juda koranar ne Jerusalam tena, hé bwa cheɡ deŋne no men Koranar Bwa Kooro, Israel tena aa dɛ tom mɛ aa dɛ bol. N dɛ ba wenaale kpɔe ba ta harɛ nɔ ta, á ɡel nomɛlbwa waa no la, o bwara yɔr kohona.

Jeremia 26:5

ásɛ dɛɛ no waa n bonɔɔna baa ɛ n keamere maa tom ba he be keraŋwɛnɛ bwa la be. Kɛ ane a bwa, he ta waa maa cheɡɛ ba nɛ dɛ bol he be la ta teŋɛ.

Jeremia 32:33

Ba berɛ habɔɔ kpo mɛ, a lole kɛŋɔ n teŋɔ dɛɛ baɡ ba n waa la, kɛ baa deŋne cheɡ dɛ́ no n be, ásɛ dɛ hweli.

Jeremia 36:31

Mɛɛ tɛr he ne he naanar dɛ he nomonome deŋnee, he wechɔɡa haa ɛa dɛ jo n nɛɛ la wa. He ne Jerusalam kɛɛ Juda tena bɛlbwa ta deŋne cheɡɛ dɛ no waa maa dɛ kah heyaa la, anomanta, mɛɛ kpɔ wekpeɡa maa ŋɔa mɛɛ kpɔɔ ba ta he nɛɛ laanee ba.’ ”

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Tɔn Pɔɔl Aa Chwerɛ Rom Tena 10:21

Kenii o baɡle ɡɛ Korowii aa bol Israel tena ɡe wa, “Saŋ bɛlbwaa n paɡri n nɔɔra kɛŋɔ ń lɛ n nɛra kɛ baa men yarada. Ba deŋne kpeɡri, baa waa ɡe no.”