Jeremia 34:9 - mzwDBL

⁹ yoma baa ɛ Hibru tena, haahna ne baala bwa, ɡɛ aa ɛ Juu te bɛlbwa bɛ o dɔŋ yom lawɛ.

Jeremia 34:9 ပူးပေါင်းရင်းမြစ်များ

Mumpar 14:13

A habɔɔ la, nɛra baa chwaa la bini bɛl ba Abram waa ɛ Hibru te la be, dɛ ba bol ɡɛ waa la o be. Dɛ o soɡe Mamre dajena ane aa lɔ Amɔre te bɛl harɛ ta la mune. Dɛ Mamre ne o nimanar Ɛskɔl ne Aner bwa ja Abram nɛ baa cha dɔŋa laa ta.

Mumpar 40:15

Kpeɡri nee ba kpɔ mɛ le Hibru tena harɛ ta, dɛ ba n ne Ijipt bonɔ. Maa lɔ bonɔ ɡe nɔ, n ta waa maa ɛa a chɛ kɛ ba do mɛ dea nae.”

Kaala 2:6

Waa ba o ne ba tɛo la, o pilu dɛ na bechasɔɔhna o bini. Dɛ bie la dɛ wi asɛ o waa do o sum. Anee o ŋɔ, “Hibru tena bii la bɛlee nɔ.”

Kaala 3:18

Nomonome la ɛɛ no he waa haa bol ba be laanee, ásɛ he ne ba la Ijipt kooro be dɛ́ ka ŋɔ o be ŋɔ, ‘Korowii Hibru tena aa dɛ tomɔ la kpɔ o te chaɡle yaa. Anomanta, tɛ yaa ŋwɛnɛ yá ka ɡaaɡe tɔpera atoro pua hɛŋle ɡbo harɛ ta, dɛ́ ka kpoo kwaa ɛ saraha tɛ Korowii yaa dɛ tomɔ.’

Jeremia 25:14

Wɛɛ bɔ Babelɔn tena kemee waa baa ɛa la wa, ásɛ harɛre nɛra ɡalɡa ne koojena ba laɡ ba yoma.”

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 30:8

Koranar Bwa Kooro ŋɔ, “Awola tɔpere la, mɛɛ kuuɡi kon waa do kɛŋɔ da, ba yon kpɔ dawɛ nae nɛɛ aa parɛ, ba kpɔ dawɛ Jekɔb naanar baŋa ta laanee, dɛ́ kuuɡi jɔɡrɔre la ɡe bwa. Ásɛ nɛŋhɔɔhra aa won dɛɛ fiɡ ba kpa.

Jeremia 34:10

Anomanta, nɛra la ne ba nomonome bwa baa fɔwɛ fɔo la sɛoh ŋɔ, baa ɡel nɛra baa laɡ ba yoma laanee, ásɛ ba bɛlbwa di o nyu. Asɛ ba bwa sɛh dɛ ɡel bɛlbwa dɔ o te.

1 Kɔrent 6:8

Kɛ haa ɡɛ ɛ. Heyaa dɛɛ ɛ dɔŋa wechɔɡa, dɛɛ faah dɔŋa, hale he bala asɔre tena.

2 Kɔrent 11:22

Dɛ Hibru tenaa ban aa, bɛlee n ɡe. Israel tena ɡee ban aa, bɛlee n ɡba. Abraham naanaree ban aa, bɛlee n ɡe.

Mmarare 15:12

Mosis berɔ ŋɔ, “Dɛ he dɔŋ Israel te, haah kɛɛ baa kpɔ o te tɛɛ suuɡa waa dɛ tomɛ kɛŋɔ yom bene anumɛl aa, bennuanɛ te la, tao ŋwɛnɛ dɛ́ ɡel o dɔ o te.

Felepae 3:5

Israel tee men. Baa lol mɛ n dɔ yawanyoa la taa ba teŋe n pen. Bɛnjamen deaa n le. Israel te kaiih men, dɛkalkɛ n mɛɛ ne n nya bwa ɛ Hibru tena. Dɛ ba dɛ bol Mmara ta teŋa wa aa, nɛra baa dɛ teŋɛ Mmara ta kohona baa yer ba Farisii tena la bɛlee men.

1 Samoɛl 14:11

Anomanta, Jonatan ne o bonɔɔ la ɡelɔ Filisti tena la na ba. Asɛ Filisti tena la ŋɔ, “Hé na, Hibru tena la bane huuhno le bɔɔne baa chwaa ka sɔh a bini la bini dɛɛ ba.”

1 Samoɛl 4:6

Filisti tena la aa no Israel tena ɡbɔɡa la, ba ŋɔ, “Bɔkwa ɡe ɡbɔɡaa dɛɛ le Israel tena tɛnte deene bini ken?” Baa noa kɛŋɔ Korowii Ne Nɛwɛnyina Fɔo Daka la nee ba ba bela la,

1 Samoɛl 4:9

Filisti tena, hé dɔ bambile, dɛ́ che kiŋkiŋ kɛŋɔ baala, dɛ ɡɛ laa aa, hɛ́ɛ ka do Israel tena lɔɡaa ɡɛ ba fa aa lɔ ya lɔɡa la. Hé che kiŋkiŋ dɛ́ yo.”