Jeremia 34:22 - mzwDBL

²² Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 34:22 ပူးပေါင်းရင်းမြစ်များ

2 Samoɛl 16:11

Belaa Kooro Devid ŋɔ Abisae ne o nomonome la bwa be ŋɔ, “N bilole ɡbabir dɛ nyin mɛ dɛ́ kpo, ɛrɛɛ he ɡel Bɛnjamen dea nɛn nɔ wa ɛɛ ɛɛ nyokpoa ɔ? Hé ɡelo wɛɛ taah, Korowiirii tɛo ŋwɛnɛ.

2 Koranar 25:6

Ba lawɔ kaa bwɛjen Ribla ka tɛ Babelɔn Kooro Nebukadnesa o ka bol o waa dɛ pao bolchɔɡe.

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Aesaya 13:3

Korowii nɛra waa lee ba cheɡ tɛ o te, dɛ yerɛ o banyoola ŋɔ bá tɛr nɛra baa dɛ ɛo bandiwaa la deŋne. Ba sie dɛ lɛ kan waa doa la ta, dɛ́ ɡel ba won pɔ nɛra la nɛ.

Aesaya 24:12

Bwɛjen la chɔɡɔ, o doonyoo ɡbeni bwa kuuɡo kwaraa.

Aesaya 37:26

He ta noɛ kɛ saŋ la bwaa n le vɔrɔwa bil kɛɛ? N tɛɛ kpeɡri he ɡel bwɛɛre danjwɛkpeɡa aa bara kuuɡi, dɛ berɛ dimɡbeeni.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 64:10

He bwɛjena la berɛ pua hɛŋle ɡbo harɛ, Jerusalam berɛ dimɡbia.

Jeremia 2:15

He dɔma do kɛŋɔ nyujentena dɛɛ si, dɛ ɡel he harɛ berɛ pua hɛŋle ɡbo harɛ. He bwɛɛre fuoh, nɛra chwa le a ta kaa.

Jeremia 32:29

ásɛ dɛ fuh o bwa. Baa fuh bwɛjen la bwaa, ne nɛra baa fuh daawiile dɛɛ tɛ voɡ Baal ba sal deene dor, ne sen sarahare baa fuɡa dɛɛ tɛ voɡare ane dɛ kpɔ dɛɛ muɡli n baah la.

Jeremia 33:10

Korowii ŋɔ, “Nɛra dɛ bol ŋɔ bonɔ do kɛŋɔ pua hɛŋle ɡbo harɛ, nɛra kɛɛ kondɛɛra toole o ta. Kpelaa ba ŋɔ. Juda harɛ bwɛɛre ne Jerusalam fɔɡbaahna bwa chɔ pɛɛ, nɛra kɛɛ kondɛɛra toole bela. Kɛ hɛɛ berɔɔ baa no,

Jeremia 34:2

Korowii Israel tena aa dɛ tomɔ waa waa bol n be laanee kɛŋɔ, ń ir la ka ŋɔ Juda Kooro Sedekia be ŋɔ, o dɛ ba bwɛjen nɔ kpɔe do Babelɔn kooro nɔn ta, ásɛ o fuh o bwa.

Jeremia 38:23

Asɛ men Jeremia berɛ ŋɔ, “Baa lawɛ haahna ne ba bii bwaa ka tɛ Babelɔn tena. He ɡbabir ɡe aa a nyoa lee ba. Babelɔn kooro ɛɛ lawɛ hen kooro laa taa kaa bojaŋ harɛfale ta, ásɛ ba fuh bwɛjen nɔ bwa dɛɛboo ken.”

Jeremia 39:8

Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 50:13

N bandia nomanta, nomɛlbwa aa Babelɔn harɛ ta soɡa ba, wɛɛ berɛ dimɡbiaa, ásɛ nɛra baa teŋa baa kaa na, ba bambile teŋe ba nyoa kpo.

Jeremia 52:13

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa.

Jeremia 52:7

Babelɔn laa tena la kuuɡi danjwɛɛ waa bar Jerusalam la. Kooro Sedekia ne Jerusalam laa tena kpɔ doonyoa bɛl waa lɔ danjwɛɛre anɛ ane baah ta, ba kpɔ bela dɛɛ kaa kooro bodɛɛɡe waa du daa ta, dɛ le kpɔ sie chaɡɛ kaa Jɔɔdan Fɛlembɔjen ta jwaana,

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Emɔs 3:6

Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Maeka 7:13

Kɛ harɛ bwa ɛɛ chɔɡoo, o nɛra we-ɛɛla wa, dɛ́ do kɛŋɔ pua hɛŋle ɡbo harɛ ta ken.

Sekaria 1:12

Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’

Sekaria 7:14

N lɔ ba peɡre harɛfala ta kɛŋɔ kawulewule aa lɔ haahra dɛɛ peɡre la ken, bela ba fa aa kaa ɛ hɔɔhra la. Harɛdɛɛɡe la chɔ pɛɛ, nomɛlbwa toole o ta.”

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.