Jeremia 34:21 - mzwDBL

²¹ Mɛɛ lawɛ Juda Kooro Sedekia ne o nomonomee tɛ ba dɔma baa dɛ nyin ba dɛ́ kpoo laanee, dɛ Babelɔn kooro laa tena baa ŋɔa ŋɔ baa heya ba yo kpa la.

Jeremia 34:21 ပူးပေါင်းရင်းမြစ်များ

2 Koranar 25:6

Ba lawɔ kaa bwɛjen Ribla ka tɛ Babelɔn Kooro Nebukadnesa o ka bol o waa dɛ pao bolchɔɡe.

Jeremia 22:25

Mɛɛ kpɔe do nɛra baa dɛ nyini dɛ́ kpo, hɛɛ ɔm ba la nɔn ta. Babelɔn Kooro Nebukadnesa ne o laa tena nɔn taa mɛɛ ba he kpɔe do.

Jeremia 32:3

Juda Kooro Sedekia laɡ mɛ do dea kɛŋɔ maa ŋɔa ŋɔ Korowii ŋɔ, “N dɛ ba ɡela Babelɔn kooro ba yo bwɛjen nɔ tena, dɛ́ laɡ ba.

Jeremia 32:4

Kooro Sedekia aa won chwa. Baa lawɔɔ ka tɛ Babelɔn kooro, ásɛ o ne o sie ɡba dɔŋa ba bol wa.

Jeremia 39:6

Babelɔn kooro kpoo Kooro Sedekia bibaala o siwi ta Ribla bela, dɛ kpoo Juda nomonjena ɡe bwa,

Jeremia 44:30

Waa Korowii aa bera dɛɛ bol laanee kɛŋɔ, “N dɛ ba Ijipt Kooro Hofra lawa tɛ o dɔma baa dɛ nyinu dɛ kpo la, ɡɛ maa kpɔ Juda Kooro Sedekia do Babelɔn Kooro Nebukadnesa waa ɛ o dɔm dɛɛ nyinu dɛ́ kpo nɔn ta la.”

Jeremia 52:10

Babelɔn kooro kpoo Kooro Sedekia bibaala o siwi ta Ribla bela, dɛ kpoo Juda nomonjena ɡe bwa,

Jeremia 52:8

kɛ Babelɔn laa tena la ti Kooro Sedekia, dɛ ka lawɔ Jeriko harɛ waa chɔa kaa ta, asɛ o laa tena bwa chwa ɡelo.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Ɛsekeɛl 17:12

“Bɔɔ deŋnekpeɡ tena la ba baɡle sɛɡla la mun.” Ŋɔ ba be ŋɔ, “Babelɔn kooro la Jerusalam, dɛ ka lawɛ bela kooro ne o nomonjena, dɛ kaa ba ne Babelɔn.

Ɛsekeɛl 17:16

Men Nemenɛ Korowii taa lole nɔ, n ŋwɛɛrɔ kɛŋɔ, Babelɔn belaa Jerusalam kooro Babelɔn kooro aa cheɡo kora ta la ɛɛ ba sewa. O ta ŋwɛɛra waa ŋwɛɛra la ne fɔo baa fɔwa la ta teŋɛ.

Ɛsekeɛl 17:20

Mɛɛ harɔɔ belii dɛ́ lawɔ. Mɛɛ lawɔ kaa Babelɔn, dɛ́ tɛr o deŋne bela, dɛkalkɛ o le n habɔɔ.