Jeremia 34:20 - mzwDBL

²⁰ mɛɛ laɡ baa tɛ ba dɔma baa dɛ nyin ba dɛ kpoo laanee. Ásɛ ba ola berɛ kondikwa tɛ jumbii ne kpɔɡ bini ola.

Jeremia 34:20 ပူးပေါင်းရင်းမြစ်များ

Jeremia 7:33

Ba dɛ ba serewa chɔ dɛ́ ɛ kondikwaa tɛ jumbii ne kpɔɡ bini ola, nomɛlbwa aa wola lee do dɛ́ doŋa.

Jeremia 19:7

Bonɔɔ mɛɛ ba Juda ne Jerusalam tena vɔrɔwa baa vɔrɔwa bil bwa chɔɡa. Mɛɛ ɡeloo ba dɔma pɔ ba nɛɛ dɛ́ kpoo ba laa ta, ásɛ ba ola berɛ jumbii ne kpɔɡ bini ola kondikwa.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 11:21

Anomanta, Korowii ŋɔ Anatɔt baala bane ŋɔ n bɛ Korowii waa bol o sɔn ta, ɡɛ laa aa baa kpo mɛɛ.”

1 Koranar 16:4

He nɛnnɔn te bɛlbwa waa sewɛ bwɛjen la bini la, nyootenaa dɛ́ di ba ola, ásɛ jumbii di banɔ la ɡe baa serewe kpɔɡ bini la ola.”

Jeremia 22:25

Mɛɛ kpɔe do nɛra baa dɛ nyini dɛ́ kpo, hɛɛ ɔm ba la nɔn ta. Babelɔn Kooro Nebukadnesa ne o laa tena nɔn taa mɛɛ ba he kpɔe do.

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

1 Koranar 14:11

He dem nɛra baa serewe bwɛjena ta la, nyootenaa dɛ́ di ba ola, ásɛ jumbii ɡe di banɔ la baa serewe chɔ kpɔɡ bini la. Men Korowiirii bola.’ ”

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.

1 Samoɛl 17:44

“Ba bonɔ, mɛɛ kpoe ásɛ jumbii ne kpɔɡ bini ola di he ola!”

Ɛsekeɛl 32:4

Mɛɛ kpɔe ta harɛ la ta, dɛ́ ɡel jumbii ne kpɔɡ bini olchɔɡa ba kah he ola.

Ɛsekeɛl 29:5

Mɛɛ ɡelee ta pua hɛŋle ɡbo harɛ la ta, he ne pɛŋa la bwa. Hɛɛ chɔ pɛɛpɛɛ harɛ la taa, nomɛlbwa aa wola hen kpɔ. Mɛɛ kpɔe tɛ harɛ la ta olchɔɡa ne jumbii á di he ol.

Jeremia 49:37

Mɛɛ kpoo Elam tenaa ba dɔma baa dɛ nyin ba dɛ́ kpoo sie. Mɛɛ kpɔ n bandia kohonaa ba ta ba nɛ, dɛ́ ɡel laa tena ti ba ka tel kɛŋɔ ba bwa aa serewa. Men Korowiirii bola.

Jeremia 44:30

Waa Korowii aa bera dɛɛ bol laanee kɛŋɔ, “N dɛ ba Ijipt Kooro Hofra lawa tɛ o dɔma baa dɛ nyinu dɛ kpo la, ɡɛ maa kpɔ Juda Kooro Sedekia do Babelɔn Kooro Nebukadnesa waa ɛ o dɔm dɛɛ nyinu dɛ́ kpo nɔn ta la.”

Jeremia 38:16

Anomanta, Kooro Sedekia sɔɔh dɛ ŋwɛɛ baɡ mɛ ŋɔ, “Korowii waa lole saŋ bɛlbwa dɛɛ tɛ yaa mkpa nɔ, maa hen kpo kɛɛ dɛ́ lawɛ do nɛra baa dɛ nyini dɛ́ kpo nɔn ta.”

Jeremia 4:30

Jerusalam, he harɛ bwa chɔɡɔ, he do kɛ hanjwamane dɛ do tol-laala, dɛ kpɔ suuɡaswɛm baŋa kwaa ne deŋna kwaa do. Bɔkwaa dɔ kwaa kpɔe ɛ he siebɔr dɛ́ di toli ɔ? He kpɔ kondɛɛɡa dɛɛ kwaa he te pɛɛpɛɛ, he sɛnanar bwa vɛɛh hale dɛɛ nyini dɛ́ kpo.

Mmarare 28:26

Ásɛ dɛ he baa serewe aa, jumbii ne kpɔɡ bini ola di he ola nomɛlbwa aa wola an doŋi ta.

Yela 79:2

Ba kpɔ he nɛra ba wa aa toɡra dɛ serewa la tɛ kɔkɔsakire aa di. Ba berɛ kpɔɡ bini ola kondikwa.

Jeremia 12:9

N nɛra maa lee ba tɛ n te do kɛŋɔ jumbie kɔle aa baro cheme dɛ́ yoo. Hé yerɛ kpɔɡ bini ola á bwa ba cheme dɛ́ di o ola.

Ɛsekeɛl 23:28

Nemenɛ Korowii ŋɔ, “N dɛ ba he kpɔe do nɛra ba wa aa pee he hah ba la nɔn ta.

Jeremia 39:6

Babelɔn kooro kpoo Kooro Sedekia bibaala o siwi ta Ribla bela, dɛ kpoo Juda nomonjena ɡe bwa,