Jeremia 34:2 - mzwDBL

² Korowii Israel tena aa dɛ tomɔ waa waa bol n be laanee kɛŋɔ, ń ir la ka ŋɔ Juda Kooro Sedekia be ŋɔ, o dɛ ba bwɛjen nɔ kpɔe do Babelɔn kooro nɔn ta, ásɛ o fuh o bwa.

Jeremia 34:2 ပူးပေါင်းရင်းမြစ်များ

2 Koranar 25:1

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam, dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

Jeremia 21:10

N siwi beɡrɔ kɛ ń chɔɡ bwɛjen nɔ, o kɛrɛdɛ doe te laa. Babelɔn kooro nɔn taa wɛɛ ba doe, ásɛ o fuh o bwa dɛɛboo ken.” Korowiirii bola.

Jeremia 21:4

‘Korowii Israel tena aa dɛ tomɔ la ŋɔ, o ɡbabirii dɛ́ yo he laa tena haa kpɔ ba dɛɛ la ka yo Babelɔn kooro ne o laa tena la, dɛ́ pɔ he nɛ. Wɛɛ boa he laa tena dɔmkwaa nyoa, a daŋɛ chɔ bwɛjen la baah ta.

Jeremia 27:22

“Baa paa kaa Babelɔn harɛ ta, a do bela ka tel kɛŋɔ n liire aa berɛ ba a ta. Ásɛ n berɛ ɡel bá berɛ ba a ne, ásɛ n berɛ lɛa cheɡ bonɔ. Men Korowiirii bola.”

Jeremia 32:3

Juda Kooro Sedekia laɡ mɛ do dea kɛŋɔ maa ŋɔa ŋɔ Korowii ŋɔ, “N dɛ ba ɡela Babelɔn kooro ba yo bwɛjen nɔ tena, dɛ́ laɡ ba.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 38:23

Asɛ men Jeremia berɛ ŋɔ, “Baa lawɛ haahna ne ba bii bwaa ka tɛ Babelɔn tena. He ɡbabir ɡe aa a nyoa lee ba. Babelɔn kooro ɛɛ lawɛ hen kooro laa taa kaa bojaŋ harɛfale ta, ásɛ ba fuh bwɛjen nɔ bwa dɛɛboo ken.”

Jeremia 39:8

Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.