Jeremia 34:14 - mzwDBL

¹⁴ bene anuanɛ bɛlbwa ta la, Hibru te bɛlbwa waa tomɛ o dɔɔ bene anumɛl la, a chɛ kɛ bá ɡelo ó di o nyu. Kɛ ane a bwa, he naawa ta deŋne cheɡɛ dɛ no n be.

Jeremia 34:14 ပူးပေါင်းရင်းမြစ်များ

1 Koranar 21:25

Nomɛlbwa toole o siwi swɛɛ wechɔɡa ɛɛ Korowii siwi ta kɛŋɔ Kooro Ahab waa teŋɛ o haah Jɛsɛbɛl nyoa wobol ta la.

1 Koranar 9:22

Kɛ Israel tena la te, Kooro Solomɔn ta bɛlbwa kpɔe ɛ yom. Bane ɛ laa tena dɛ yo dɛɛ tɛo, ne nomonnyuune ne laa sitɔɔla ne nomonome baa chɔ kwaa aa do kɛ torɔɡo ba vɔwɛ dɛɛ pɛl jaɡre, dɛ banɔ la baa dɛ so jaɡre ta bwa nyoa.

2 Webena 28:10

Taraken he dɛ́ nyin he ɛ baala ne haahna baa lɔ Juda ne Jerusalam bwa he yoma. He ɛ ɡɛ naa, haa jemɛ kɛŋɔ he di bolchɔɡe dɛ ɛ wechɔɡa jo Korowii haa dɛ tomɔ la nɛ aa?

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Nehemia 9:30

He dɔ bambile tɛɛ ba bena bɛlbwa, dɛ che he Doma ta ɡel he keamere bol waa baɡ ba, kɛ ba ta noɛ, asɛ he kpɔ ba do harɛre nɛra nɔn ta, ba yoo ba dɛ pɔ ba nɛ.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Jeremia 11:7

Le saŋ maa lawɛ ba naawa le Ijipt harɛ ta ba le fini, keraŋwɛnɛ bwaa n kah ba ŋɔ baa duu mɛ.

Jeremia 32:30

Israel ne Juda tena ta wobɛlbwa ɛɛ ka ja wechɔɡa baa ɛa dɛ le ba bechale saŋ n sie. Kasinteŋ, kwaa ba ɡbaɡba aa ɛa nɔɔra nee ba kpɔ muɡli n baah.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Ɛsekeɛl 20:4

Nɛwɛnyini bie, he dɛ nyin kɛ he pa ba bolchɔɡe kɛɛ? Ate, lii ba ba naawa kii waa baa ɛa la wa

Ɛsekeɛl 20:8

Kɛ Israel tena ɛɛ mɛ deŋnekpeɡ, baa n waa no, ba ta voɡa la pae ta, ba ta Ijipt tena voɡare maa kia la ɡe ta leɛ. Anomanta, n ŋɔ mɛɛ kpɔ n bandiaa ba ta ba nɛɛ Ijipt harɛ ta.

Lewi Dea Tena 25:10

Benanyoa waa teŋa fifraanue la te, hé le cheɡ kɛ bena waa do ɡoroŋ, dɛ́ ɡel nomɛlbwa waa lɔ harɛ la ta no kɛŋɔ bɛlbwa won o nyu dii name. O ɛ bena komɛlbwa kɛɛ nomɛlbwa aa bera dɛɛ kaa bela waa lea. Dɛ nomɛl fa yoɡ o kon kɛŋɔ, harɛ waa ɛ o dea kondɔɔh tɛ o dɔŋ aa, o berɛ kaa kon tena be. Ásɛ nomɛlbwa ɡe baa yoɡu o ɛ yom la berɛ kaa o nɛra be, dea waa le o ta.

Emɔs 2:6

Korowii ŋɔ, “Israel tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba yoɡ nɛra ba wa aa toɡra, dɛ di kema baa wola won bɔ la. Ba lɛ suuɡapoŋa ba ka ɛ yoma, dɛ yoɡ nyaara baa di kema, kema la suuɡa aa wola won yawɛ naŋɡawa ɡba.

Emɔs 8:6

dɛ́ kpɔ suuɡapoŋa aa wola naŋɡawa ɡba yoɡ tele yawɛ nyaara yoma, dɛ́ kpɔ yoɡ dawɛ mea ta.”

Tɔn Pɔɔl Aa Chwerɛ Rom Tena 7:24

Akwe! Bɔkwa waa na mɛ ken ɔ? Umee dɛ́ lɛɛ mɛ bwadabii nɔ waa dɛ kaa n ne seo ta nɔ nɔn ta nɔ?

Mmarare 15:1

Mosis berɔ ŋɔ, “Bene anuanɛ bɛlbwa chemaa, nomɛlbwa waa di he kem la, ɡel kɛo.

Mmarare 15:12

Mosis berɔ ŋɔ, “Dɛ he dɔŋ Israel te, haah kɛɛ baa kpɔ o te tɛɛ suuɡa waa dɛ tomɛ kɛŋɔ yom bene anumɛl aa, bennuanɛ te la, tao ŋwɛnɛ dɛ́ ɡel o dɔ o te.

Mmarare 15:9

Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.