Jeremia 33:9 - mzwDBL

⁹ Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Jeremia 33:9 ပူးပေါင်းရင်းမြစ်များ

2 Webena 20:29

Harɛ bɛlbwa nɛra no ɡɛ Korowii aa yo Israel tena dɔma tɛɛ ba la aa, dɛ ɔmee kohona laɡ ba.

Nehemia 6:16

Ya dɔma aa no waa nɔ la, harɛre nɛra baa soɡa bar yaa la ɔmɔ, ba liire bwa chɔɡ, dɛkalkɛ bɛlbwa nao kɛŋɔ, Korowii yaa dɛ tomɔ laanee cha yaa yá won tonɛ toma la bwa.

Ɛsta 8:17

Harɛ bɛlbwa ne bwɛɛ bɛlbwa ta toroma la aa la mmarafale nɔ ne la, Juu tena baa lɔ bela la bwa sie dɛ lɛ baa hɛɡre, dɛ so di kwaa dɛɛ lɛ ba sie. Nɛra baa wola Juu tena ɛɛ la bini bane ɔmɔ, dɛ kpɔ ba te berɛ Juu tena, dɛkalkɛ ba we-ɛɛla la ɡelɔ ɔmee laɡ ba.

Yela 130:4

Kɛ he kpɔ ya wechɔɡa dɛɛ kɛ yaa, asɛ a che a ta yaa ɔmɛ.

Yela 40:3

O kpɔ yelfale do n nyoa, kpɛɛra yel waa dɛ baɡle kɛŋɔ, Korowii yaa dɛ tomɔ la kan. Nɛra ɡalɡa ɛɛ na waa waa ɛa, dɛ́ kpɔ ba te dawɛ o nɛ.

Aesaya 43:21

N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

Aesaya 55:13

Bela sɔɔhne aa lole la, dajaŋa ɛɛ le a buɡ taa, ásɛ jabalnadaŋɛre le dadɛɛɡa buɡ ta. Gɛ waa nɔ ɛɛ ɡeloo Korowii dɔ sɔn kohona, dɛ́ chɔ saŋ bɛlbwa dɛɛ lii waa men Korowii aa ɛa.”

Aesaya 60:5

Hɛɛ na ɡɛɛ he hɛɡra ir, he tea ɡe too. Ba dɛ ba harɛre kondɔɔh ne dɛ́ ba tɛɛ. Mpo baŋ le kwaa bwa ɛɛ bao.

Aesaya 62:1

Mɛɛ bol waa dɛ do Saayɔn tena ɡbemba. Jerusalam nomanta, maa nyoa tɔ, ka tel kɛŋɔ maa pɔ he nɛra dɔma nɛ. Toɡra baa toɡra la ɛɛ ɡeloo ba dɔ silɛɛ kɛŋɔ, kapɛla aa dɛ hɔ jwaana ken.

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Aesaya 62:4

Baa hen ‘Bwɛɛ baa ɡelo’, kɛɛ he harɛ ‘Dimɡbia’ yerɛ kpa. Sɔnfale baa dɛ ba he yera laanee ‘Hɛpseba’ dɛɛ yerɛ he harɛ ɡe ‘Biula’ dɛkalkɛŋɔ Korowii sie lɛ he nɛ, ásɛ o do kɛŋɔ jaa tɛ he harɛ.

Aesaya 62:7

Baa ɡel Korowii onɛ bwa ka tel kɛŋɔ, waa bera kwaa vɔrɔwe hen Jerusalam. Wɛɛ ɛɛ bwɛjen nɛra bwa kpɛɛre harɛ nɔ ta.

Aesaya 64:2

Aa ɛo kɛŋɔ nee yon chɔŋɛ nii ta dɛɛ wure chachacha la. Ba dɛ́ ba baɡle he dɔma he kpeɡri, dɛ́ ɡel harɛre nɛra bwara chel he siwi ta!

Jeremia 13:11

Gɛ ba yon kpɔ kiriso vɔwɛ chara la, ɡɛɛ n lawɛ Israel ne Juda tena vɔwɛ n te. Ásɛ ba fe ɛ n nɛra, dɛ́ kpɔ kpɛɛra ne duure tɛ mɛ. Kɛ ba vɛh n waa noe. Men Korowiirii bola.”

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Jeremia 24:6

Mɛɛ do sie ba bee ba wobɛlbwa ta, dɛ́ berɛ ba bane bonɔ, dɛ́ laɡ ba ir bá kpeɡ, maa ɡel ba chole, dɛ́ kwaa ba du, maa ban fuɡri ta kɛŋɔ dua.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 29:1

Kenii tɔn men Korowii keame Jeremia aa chwera le Jerusalam, ka tɛ nomonome baa kaa dɛ ja nɛra baa laɡ ba kaa la, ne sɔfore ne Korowii keamere, dɛ nɛra baa jaa Kooro Nebukadnesa aa laɡ ba le Jerusalam dɛ kaa ba ne Babelɔn la bini waa do.

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Jeremia 3:19

Belaa Korowii ŋɔ, “Israel tena, n dɛ nyin kɛ ń kpɔ heyaa berɛ n bii dɛ́ tɛ heyaa harɛ waa wera, harɛ waa wera kohona harɛre bwa ta. N liiro ŋɔ hɛɛ yer mɛ he mɛɛ dɛ bɛ habɔɔ berɛ kpo mɛ.

Jeremia 31:14

Mɛɛ ɡeloo sɔfore di kondikondɛɛɡaa, ásɛ n nɛra bwa ɡe dɔ ba kwaa baa dɛ nyin. Men Korowiirii bola.”

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Jeremia 32:42

Gɛ maa kpɔ wenaale ba ta nɛra nɔ nɛɛ nɔ, ɡɛ tentenee mɛɛ ba wedɛɛɡa ɡe ne bala ba tɛɛ ba, ɡɛ maa baɡ ba nyoa la.

Jeremia 33:14

Tɔpera ane dɛ ba ásɛ waa maa baɡɛ Israel ne Juda tena nyoa la ɛ ɡɛ.

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Jeremia 44:8

Ɛrɛɛ hɛɛ do mɛ bandia, dɛɛ tomɛ voɡare dɛ ɛ sarahare dɛɛ tɛ voɡare aa lɔ Ijipt harɛ ta bonɔ haa baa so nɔɔ? He dɛ ɛ ɡɛ dɛ́ chɔɡ he te, ásɛ harɛre nɛra bwa ɛɛ nyiŋi he nyubaah, dɛ́ɛ taah heya kɛɛ?

Jeremia 49:25

Ba chwao ɡel bwɛjen o sɔn fa aa lea, bwɛɛ men Korowii sie aa dɛ lɛ o ta kohona.

Ɛsekeɛl 26:20

Mɛɛ kpɔ bwɛjen Taayaa ka ja lala bini, o ka pu saŋ la tena baa serewa la. Mɛɛ ɡeloo o ka so bela kɛŋɔ bwɛɛre a fa aa paɡra la, o ne nɛra baa serewa biɡri la so. Waa won ba harɛ nɔ ta weera bini kpa.

Ɛsekeɛl 36:35

Baa ŋɔɔ, ‘Harɛ waa chɔ pɛɛ laanee bera do kɛŋɔ Korowii Eden bodɛɛɡe la, bwɛjena a fa aa paɡra, dɛ chɔ pɛɛ laanee ba berɛ kwaa ma danjwɛɛre bara nɛra so a ta la.’

Ɛsekeɛl 39:13

Nomɛlbwa waa lɔ harɛ la ta la ɛɛ jao dɛɛ huɡ ba. Awola tɔpere la, baa tɛ mɛ jirimaa, ásɛ o ɛ tɔpere baa kpɔ dɛɛ lii a ɡɛ waa nɔ. Men Nemenɛ Korowiirii bola.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Sekaria 1:17

Korowii nyundua torome berɔ ŋɔ kenii Koranar Bwa Kooro ɛɛ bol, ‘Mɛɛ ɡeloo n bwɛɛre la berɛ dɔ a te, ásɛ dɛ larawe n nɛra baa lɔ Jerusalam bwara, dɛ́ kpɔ bwɛjen la ɛ n kon.’

Sekaria 12:2

“N dɛ ba ɡela Jerusalam do kɛ numol sen aa lɔ o bini tɛ harɛre aa baro la nɛra, ásɛ ba kpɔ nyɔ dɛ́ dɛɛ, dɛɛ yɛɛɡe. Dɛ ba tɔ Jerusalam do aa, bá tɔ Juda ɡe do ja.

Mmarare 30:5

Ásɛ he berɛ ba kpɔ harɛ he naawa fa aa soɡe o ta wubwa la so ó ɛ he kon. Wɛɛ berɔɔ ɡel he do wer dɛ́ warɛ ɡwaa ɡɛ he naawa fa aa doa la.