Jeremia 33:4 - mzwDBL

⁴ Jerusalam deene ne Juda koodem bwa ɛɛ kuuɡuu, dɛ́ le nɛra baa baa chɔ baro dɛ yoo la wa.

Jeremia 33:4 ပူးပေါင်းရင်းမြစ်များ

Aesaya 22:10

He kure Jerusalam deene, asɛ dɛ kuuɡi ane dɛ kpɔ a bwea ma danjwɛɛ la o do kpeɡri.

Aesaya 32:13

Sɔɔhne ne jabalnadaŋɛre ɡboo n nɛra harɛre. He wi deremi silɛɛ fa aa lɔ a ta la, ne bwɛjen o fa aa soma la wa.

Aesaya 32:14

Koodem ne bwɛjen nɛra fa aa su a ta la ɛɛ chɔ pɛɛ. Deremi ne dekpeɡa aa tɔ ba nɛɛ la bwa ɛɛ choɡluu, dɛ́ berɛ dimɡbia saŋ bɛlbwa, ásɛ kpɔɡ bini keeɡore ne peera, kpɔ bela ɛ a dibɔr.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 6:6

Waa Koranar Bwa Kooro aa dɛ bol laanee nɔ, “Hé teŋni daa dɛ́ kpɔ ma kwaa haa che a ta jo ka chɔɡ bwɛjen Jerusalam. Jerusalam chɛ deŋnetɛra, dɛkalkɛ nɛra fiiɡa su o ta.

Wiile 2:7

Korowii vɛh kon baa ɛ saraha dɛɛ tɛo ta, dɛ ɡel o Dea waa do ɡoroŋ la. O ɡelɔ dɔma ba kuuɡi kooderemi danjwɛɛre. Dɔma la do silɛɛ lɔŋɔre bela ba fa aa dɛ tomɛ, kɛŋɔ tɔpejen baa lea cheɡ tɔpere bɛl ta ken.

Ɛsekeɛl 21:22

O kpoŋe hɛm o nɔndiɡ ta dɛɛ ba tae do Jerusalam. A dɛ chaɡle kɛŋɔ o dɛ ba dajaŋa kpɔe ba teɡli doonyojena la ta, dɛ do laa lɔŋɔ, dɛ kwi sɔɔhbɔra bɔɔne, dɛ ma kon baa che o ta dɛ́ jo bwɛɛ la ta dɛ́ kpoo ba.

Ɛsekeɛl 26:8

Mɛɛ ɡeloo ba kpoo nɛra baa soɡe bwɛɛre aa lɔ Taaya harɛ la ta bwa keri ne. Baa ma teeraa sawɛ ba danjwɛɛ la, dɛ́ che a ta dɛ́ kpɔ kwaa tɔ ɡbemɡbe, dɛ́ yoo ba.

Ɛsekeɛl 4:2

Ásɛ he ma teera sawɛ danjwɛɛ la, dɛ́ kpɔ bwejeɡre baro, á che tɛ kwaa dɔma aa won che a ta teeh jo bwɛɛ la ta. Ɛ bwejeɡre á che tɛ dɔma la tɛnte deene, dɛ́ kpɔ dakpeɡa baa dɛ ba wona kpɔ kuuɡi danjwɛɛ waa bar bwɛɛ la baro.

Habakuk 1:10

Ba siwi aa koranar tɔɡɛ, dɛɛ ɛ nomonome sisawa. Bwɛjena baa ma danjwɛɛre bara ɛ wesoma waa ba be. Ba cheɡɛ teera do danjwɛɛre baa maa bar bwɛjena mune, dɛ che a ta teeh ka yoo ba dɛ́ pɔ ba nɛ.

Mmarare 20:20

Daa baa wola a nɔna di kɛɛ aa wola tɔnɔ dɔe la te, hɛɛ won teŋna, dɛ́ pa darawe dɔŋa nɛɛ bar bwɛɛ la, dɛ́ yoo ba ka tel kɛŋɔ haa pɔ ba nɛ.”