Jeremia 33:24 - mzwDBL

²⁴ “He ta noɛ kɛŋɔ nɛra nɔ aa dɛ bol ŋɔ, men Korowii vɛh Israel ne Juda tena maa lee ba tɛ n te la aa? Ba hah n nɛra, dɛɛ nyiŋi ba nyubaahna, baa wola ban komɛl yerɛ, dɛɛ lii ba harɛfale bɛl nɛra.

Jeremia 33:24 ပူးပေါင်းရင်းမြစ်များ

Yela 71:11

Ba dɛ bol ŋɔ, “Korowii vɛoh, hé ɡel ya tiu dɛ́ lawɔ, nomɛlbwa toole dɛ́ lɛo.”

Yela 83:4

Ba ŋɔ, “Hé ba ya chɔɡ nɛra baa lɔ harɛ la ta, ásɛ Israel harɛ sɔn den nyoɡre kwaraa.”

Yela 83:5

Ba nyoa pɛo baa vɔrɔwe he vɔrɔwa. Nɛra baa kpɔ ba te dɛɛ ba ba yoi laanee nɔ,

Yela 94:14

Korowii aa o nɛraa vɛh, waa nɛra waa lee ba cheɡ tɛ o te laanee ɡel bwa.

Aesaya 11:13

Israel tena sie aa Juda tenaa beɡre kpa, Gɛɛ Juda tena ɡe aa wola Israel tenaa dɔm kpa.

Aesaya 7:17

Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.

Jeremia 3:7

Israel tena do kɛŋɔ hanjwamane ken. N liiro ŋɔ anɔ baa ɛa nɔ bwa habɔɔ baa berɔɔ ba n be, ba dɔŋa Juda tena ɡe ɡba nao.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Jeremia 30:17

Kɛ mɛɛ berɔ ɡel he dɔ bokpeɡa ásɛ dɛ chah he ŋwɛra, a lole kɛŋɔ he dɔma dɛ bol kɛŋɔ, ‘Ba vɛh Saayɔn, nomɛlbwa aa o waa dawɛ kpa.’ Men Korowiirii bola.”

Jeremia 31:36

A ɡɛ kwaa aa lɔ nyundua nɔ ɛɛ ɡel toma ɛɛ yaa, amɔ dɛ ɡɛɛ Israel harɛ nɛra ɡe aa wola lee do.

Jeremia 31:37

Dɛ tɔpebɛl ba fe ɛɛ won maɡɛ ɡɛ nyundua aa doa, dɛ́ jemɛ kwaa harɛ nɔ aa chɔŋɛ a ta naa, anee n fe vɛh n nɛra Israel tena waa bwa baa ɛa la wa. Men Korowiirii bola.

Jeremia 33:23

Korowii berɔ bol waa men Jeremia be ŋɔ,

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”

Jeremia 51:5

Men Korowii, Koranar Bwa Kooro ta n nɛra Israel ne Juda tena vɛɛh. A lole kɛŋɔ ba ɛ wechɔɡa dɛ jo men Israel Nɛŋɡoroŋ la nɛ.

Wiile 4:15

Asɛ nɛra la nyɛɡ ba nɛɛ ŋɔ, “Hé le ya be kaa! Hé kah doŋa! He bɛ yaa leɡe!” Gɛɛ baa ba harɛre ta doe dɛɛ ɡaaɡe, nomɛlbwa aa wola won lɛɛ ba.

Ɛsekeɛl 25:3

Ŋɔ ba be ŋɔ bá cheɡ deŋne dɛ́ no waa men Nemenɛ Korowii aa dɛ bol, ‘He sie lɛo kɛŋɔ baa kpɔ doŋa kah n Dea dɛ chɔɡ Israel harɛ bwa, dɛ lawa baa lawɛ Juda tena laa ta kaa bojaŋ harɛfale ta la.

Ɛsekeɛl 26:2

“Nɛwɛnyini bie, bwɛjen Taaya tena dɛ do silɛɛ lɔŋɔre ŋɔ, chwaasere, bwɛjen Jerusalam chɔɡɔ! Belaa bonadiire bwa ɛɛ la, waa chɔɡa nɔ, yaa do werii name.

Ɛsekeɛl 36:2

‘He dɔma bol he waa ŋɔ, bwejaŋa aa lole saŋ la bwa la berɛ ba kwaa name.

Ɛsekeɛl 36:20

Harɛre ta bobɛlbwa baa la la, ba chɔɡ n sɔn waa do ɡoroŋ la, dɛkalkɛ nɛra dɛ bol ba waa ŋɔ, ‘Korowii nɛraa nɔ, kɛ o doŋ ba o harɛ ta.’

Ɛsekeɛl 37:11

Ate, Korowii ŋɔ n be ŋɔ, “Nɛwɛnyini bie, Israel tena bwa do kɛ hoɡa nɔ. Ba dɛ bol ŋɔ ya hoɡa bwa loɡao, ya ta hwɛɡa bɛlbwa dɔe, ya toole wobɛlbwa bini.

Ɛsekeɛl 37:22

Mɛɛ lɔ baa pɛ bá ɛ harɛ beŋkpoŋ nɛra, dɛ́ so Israel bwejena dor. Kooro beŋkpoŋ ɛɛ nyiŋi ba nɛ, ásɛ ba bini aa pere dɛ́ ɛ harɛ anɛ nɛra kpa.