Jeremia 32:44 - mzwDBL

⁴⁴ Nɛra ɛɛ yawaa, ásɛ ba ɛ a tɔne dɛ́ ɛɡre nɔɔra dɛ́ lɛa do, ásɛ nɛra di a danseɛ. A ɡɛ waa nɔ, Bɛnjamen dea harɛ ne bwɛɛre aa bar Jerusalam ne Juda harɛ ta dɛ deŋɡarere harɛ bwɛɛre, ne Juda bwejena lɔɡre bwɛɛre bwa, dɛ́ kpoŋe kaa Nɛɡɛv waa ɛ pua hɛŋle ɡbo harɛ taa aa ba chiɡa. Mɛɛ laɡ baa ba ba harɛ ta. Men Korowiirii bola.’ ”

Jeremia 32:44 ပူးပေါင်းရင်းမြစ်များ

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

Jeremia 13:19

Baa tɔɔɡe Juda weekaŋle harɛbɔr bwɛjena ɡbenii baa wola won yaa, dɛkalkɛ ba dɔma baa chɔ bar bwɛɛ la. Baa lawɛ Juda tena bwaa kaa bojaŋ harɛfala ta.

Jeremia 17:26

Nɛra ɛɛ le Juda bwɛɛre ne bwɛjeɡre aa bar Jerusalam, ne Bɛnjamen dea harɛ ne wee cholibɔr bwea lɔɡre bwɛɛre, ne deŋɡarere harɛ, dɛ Nɛɡɛv waa ɛ pua hɛŋle ɡbo harɛ, dɛ́ kpɔ saraha kwaa baa fuah ne anɔ la baa kpoora, ne mea sarahare, ne daawiile a sɔɔh aa soma, dɛ jam saraharee ba Korowii Dea.

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Jeremia 30:3

Tɔpera ane dɛ ba, ásɛ n lawɛ n nɛra Israel ne Juda tena le harɛfala ta, dɛ́ berɛ kpɔ ba ba harɛ maa kpɔa tɛ ba naawa ŋɔ ba konee la ta. Men Korowiirii bola.”

Jeremia 31:23

Koranar Bwa Kooro, Israel tena aa dɛ tomɔ la ŋɔ, “N berɔ lawɛ Juda tena ɡe ba ba harɛ ta naa, baa dɛɛ bol Juda harɛ ne o bwɛɛre taa ŋɔ, ‘Korowii swee Saayɔn Bwejen waa lɔ Jerusalam boɡoroŋ bela o Dea aa lole la andɛɛɡa.’

Jeremia 32:10

N sɛoh dɛ chwerɛ tɔn la, dɛ kpɔ nɔn ɛɡɛ o ta, o che tɛ n ne o fɔo la, asɛ nomɛl di danseɛ asɛ n maɡɛ suuɡapoŋa aa chɛa kɛŋɔ n kpɔ bɔ kem la.

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Jeremia 33:13

Deŋɡarere bwɛɛre ne bwejena lɔɡre bwɛɛre, ne Nɛɡɛv bwɛɛre aa lɔ Bɛnjamen dea harɛ ta, ne bwɛɛre aa bar Jerusalam, dɛ Juda harɛ bwɛɛre bwa ta la, peteɡra ɛɛ won dɔ bɔr dɛɛ kure ba peera. Men Korowiirii bola.

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”

Jeremia 33:7

N dɛ ba ɡela Juda ne Israel tena wobɛlbwa do wer tɛɛ ba, dɛ́ berɛ ɡel bá do kpeɡri ɡɛ ba fa aa doa wubwa la.

Obadia 1:19

Nɛra baa soɡa bɛne Nɛɡɛv pua hɛŋle ɡbo harɛ ta ɛɛ ba so Edom harɛ bwejaŋa doree, ásɛ banɔ la baa le deŋɡarere lɔɡre ba lɛ Filisti tena harɛ so. Israel tena ɛɛ ba so Efrem ne Samaria harɛre taa, ásɛ Bɛnjamen dea bii ɡe ba lɛ Gelead harɛ so.

Obadia 1:20

Israel laa tena baa chwaa ka so Keenan harɛ ɛɛ berɔɔ ba lɛ Foniisia harɛ, dɛ́ kpoŋe ka le Sarefat, dɛ́ so o ta, ásɛ banɔ la ɡe baa le Jerusalam dɛ do Sɛfarad la ka lɛ bwɛɛre aa lɔ Nɛɡɛv, dɛ́ so a ta.

Sefania 2:7

Juda tena baa ka la ɛɛ ka so belaa, ó berɛ ba kondɛɛra dibɔr, ásɛ jɔmɔra telo aa, bá ka chɔ bwɛjen Askɛlɔn deene bini. Korowii baa dɛ tomɔ laanee dɛ́ nyiŋi ba nɛ, dɛ́ ɡel ba do wer, ɡɛ ba fa aa doa wubwa la.

Sekaria 7:7

Gɛ waa nɔɔ Korowii che o keamere baa tɔ sie nɛɛ dɛ bol a saŋ la. Jerusalam ne bwɛɛre aa baro nɛra fa aa soɡe deŋnesɔɔhna ta dɛ dɔ ba te, nɛra su o ta, ne bwɛɛre aa baro bwa ta dɛ do Nɛɡɛv pua hɛŋle ɡbo harɛ dɛ harɛre aa lɔ wee cholibɔr deŋɡarere harɛ ta bwa la.’ ”