Jeremia 32:40 - mzwDBL

⁴⁰ N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Jeremia 32:40 ပူးပေါင်းရင်းမြစ်များ

2 Samoɛl 23:4

do kɛŋɔ chɔɔlen wee yon dɛɛ chaah kohona kɛɛ bwaala yon nɛ tonɛ, wee pili mɛn do kpɔɡa ta dɛɛ nyɛɡle la.’

Yela 80:19

Korowii Waa Ɛ Koranar Bwa Kooro, berɛ ba lɛ yaa, sune ya nɛ, ásɛ dɛ lɛ yaa.

Aesaya 24:5

Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Aesaya 61:8

Korowii ŋɔ, “N dɛ nyin waa bola dɛ́ pa bole aŋwɛnɛ ta, n kii ŋwɛɛ ne wechɔɡa ɛɛ. Mɛɛ tɛ n nɛra kembɔree kasinteŋ ta, n ne ba fɔwɛ fɔo, o do le saŋ bɛlbwa.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Ɛsekeɛl 36:27

Mɛɛ kpɔ n domaa ba so he nɛ, ásɛ hɛɛ teŋɛ me Mmarare, ne waa maa baɡle heyaa la ta kɛrɛdɛ.

Ɛsekeɛl 37:26

N ne baa fɔwɛ deŋnesɔɔhna fɔwee o do le saŋ bɛlbwa dɛɛ la. Mɛɛ ɡeloo ba do kpeɡri ba mun ya kohona, ásɛ n kpɔ n Dea la ba cheɡ ba harɛ ta saŋ bɛlbwa dɛɛ la.

Ɛsekeɛl 39:29

Maa sie laa kpɔ ba nɛɛ kpa, mɛɛ kpɔ n Domaa ba so Israel tena nɛ. Men Nemenɛ Korowiirii bola.”

Maeka 4:5

Harɛre nɛra ɛɛ dɛɛ tomɛ ba voɡaree, kɛ ya te, Korowii yaa dɛ tomɔ waa taa yaa ba teŋa saŋ bɛlbwa dɛɛ la.

Mmarare 31:6

Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

Mmarare 31:8

Korowii ɛɛ tɔ he siee dɛ́ ja he nɛ, anomanta, bɛ ɡel he bwara hwah, bɛ ɔmɛ.”

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Hibru 4:1

Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

Hibru 7:24

Kɛ Yeesu te, o lole saŋ bɛlbwa. O sɔfore toma la aa berɛ dɛɛ kaa nɛnfale bɛlbwa be bwa.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.