Jeremia 32:34 - mzwDBL

³⁴ Hale ba kpɔ voɡa maa kia la ba cheɡ n Dea maa ŋɔa baa tom mɛ o bini la ta, dɛ kpɔ doŋa kaoh.

Jeremia 32:34 ပူးပေါင်းရင်းမြစ်များ

2 Koranar 21:1

Kooro Manasɛ aa baa di kora Juda harɛ ta la, dɛ o di bene fi dɛ anɛ. O soɡe Jerusalam di kora bene fifraanue dɛ anue. Dɛ o nya sɔne Hɛpseba.

2 Koranar 23:6

Dɛ fuɡri voɡ Asera dajaŋa le Korowii Dea, dɛ kpɔ le Jerusalam dahare, dɛ ka fuah Kedrɔn Fɛlembɔjen ta o ɛ mohooh ken, dɛ pa ka ta nɛra ŋwama ta.

2 Webena 33:15

O berɔ le harɛre ane voɡa, ne voɡ waa sɛah ka cheɡ Korowii Dea, ne kwaa waa ɛa ba kpoo kwaa a ta ɛ sarahare dɛɛ tɛ voɡare, a do Korowii Dea deŋɡare doa Jerusalam la bwa ne, dɛ paa le bwɛjen la bini ka ta.

2 Webena 36:14

Anɔ la aa bera ja laanee kɛŋɔ, Juda harɛ nomonome ne sɔfore, dɛ bela tena teŋɛ harɛre aa bar ba cheme kii we-ɛɛla Korowii aa kia ta, dɛ kaa tomɛ voɡa. A che a ta, ba kpɔ doŋa kah Korowii Dea Korowii ɡbaɡba aa ɡela o do ɡoroŋ Jerusalam la.

Jeremia 19:4

Waa maa dɛ ba ba ɛɛ laanee la, dɛkalkɛ ba vɛɛh mɛ dɛ kpɔ harɛre ane voɡare ba su bonɔ bwa. Ba fuh saraha kwaa tɛ voɡare ba ɡbabir kɛɛ ba naawa, kɛɛ Juda koranar ɡba aa wola an jemɛ bwa. Dɛ kpoo nɛra baa wola wechɔɡa bɛlbwa ɛɛ, ba chale su bonɔ.

Jeremia 23:11

Korowii ŋɔ, “Keamere la ne sɔfore bwa aa men duu, hale n Dea bela, ba dɛ ɛ wechɔɡa.

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 34:15

Dɛ ɛ tɔpera tamaa ane aa baa kaa, he charɛ he liire dɛ ɛ wa aa toɡra n sie, he bini bɛlbwa tɛ o dɔŋ waa ɛ yom ŋwɛnɛ o di o nyu. Hale dɛ fɔwɛ fɔo n sie, n Dea bonɔ haa dɛ tom mɛ.

Jeremia 44:4

Keraŋwɛnɛ bwaa n tomɛ n bonɔɔna baa ɛ n keamere he be, ba bol he be ŋɔ he bɛ wedoŋa aa do ken maa kia nɔ ɛ.

Jeremia 7:10

Waa maa kia laanee he yon ka ɛ, dɛ́ berɛ ba che n sie n Dea bonɔ dɛ́ ŋɔ, ‘Ya dɔ deŋnesɔɔhna.’

Jeremia 7:30

Juda tena ɛ wechɔɡa ane. Ba kpɔ ba voɡare maa kia la cheɡ n Dea maa lea cheɡ ŋɔ baa tom mɛ o bini la, dɛ kpɔ doŋa kaoh.

Jeremia 7:31

Henɔm Fɛlembɔjen binii ba ma kon baa dɛ ɛ saraha o ta dɛɛ yerɔ Tɔfɛt. Belaa ba kpoo ba bibaala ne bihaahna dawɛ nii ta ɛ saraha. Gɛ laa n bol ba be, ɡɛ toole n liire ta.