Jeremia 32:24 - mzwDBL

²⁴ Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 32:24 ပူးပေါင်းရင်းမြစ်များ

2 Samoɛl 20:15

Joab laa tena la bwa balɔ dɛ ba chɔ bar Ebel Bɛt Maaka, dɛ ba noɔ kɛŋɔ Seeba lɔ bela. Ba ma kwaa báa kpɔ a ta jo bwɛjen la ta, a pɛl danjwɛkpeɡa baa maa bar bwɛjen la. Baa kpɔ bune dɛɛ chuɡe danjwɛɛ la dɛɛ kuuɡu la,

Aesaya 37:33

Asiiria koojen waa Korowii aa bola laanee nɔ. “Waa bwɛjen nɔ taa dɔ jo, á ba ɛ kɛŋɔ wɛɛ ta hɛm bonɔɔ. Waa konee kpɔ tɔ o te ɡbemɡbe dɛ́ ba o doonyoa, kɛɛ dɛ́ ma kon waa che o ta teeh jo o bini dɛ́ yo.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 20:5

Mɛɛ berɔ ɡel ba dɔma pa ba kondɔɔh aa lɔ bwɛjen nɔ ta bwa, dɛ́ kpɔ nɔn dawɛ ba komɛlbwa ta, hale Juda koranar kwaa a yoɡ aa kpeɡa bwa, dɛ́ che a bwa kaa Babelɔn harɛ ta kɛŋɔ laa ta kwa.

Jeremia 24:10

Laa ne lɔr, dɛ weechɔɡaa mɛɛ ba kpɔe ba ta ba nɛ, ka tel kɛŋɔ beŋkpoŋ kwaraa aa wola ka, harɛ maa kpɔa tɛ ba ne ba naawa la ta.’ ”

Jeremia 29:17

kasinteŋ waa Koranar Bwa Kooro aa dɛ bol laanee kɛŋɔ, ‘Mɛɛ ɡeloo bá kpoo ba laa ta, ásɛ lɔr ne weechɔɡa ɡel ba serewe, dɛ́ ɡel bá ɛ kɛŋɔ fiɡ daa nɔna aa pɔah baa wola won dia la ken.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 32:25

A lole kɛŋɔ a ka tama Babelɔn tena ba yo dɛ lawɛ yaa kaa. Kɛ ane a bwa, Nemenɛ Korowii, henee do mɛ ŋɔ ń yawɛ harɛ la nɛra baa di danseɛ la siwi ta.”

Jeremia 32:28

N dɛ ba bwɛjen nɔ kpɔe do Babelɔn Kooro Nebukadnesa ne o laa tena nɔn ta, ásɛ ba yoo dɛ́ pɔ o nɛra nɛ,

Jeremia 32:3

Juda Kooro Sedekia laɡ mɛ do dea kɛŋɔ maa ŋɔa ŋɔ Korowii ŋɔ, “N dɛ ba ɡela Babelɔn kooro ba yo bwɛjen nɔ tena, dɛ́ laɡ ba.

Jeremia 32:36

Korowii Israel tena aa dɛ tomɔ ŋɔ n be ŋɔ, “Jeremia, nɛra nɔ dɛ bol ŋɔ laa ne lɔr dɛ weechɔɡa ɛɛ ɡeloo Babelɔn kooro ba yo yaa, dɛ́ pɔ ya nɛ, ásɛ ya do o lɔɡa. Berɛ no waa maa dɔa dɛ́ bol ja,

Jeremia 32:5

Baa lawɔɔ kaa Babelɔn, o do bela ka tel kɛŋɔ maa nyiŋi o waa bini tonɛ. Hale o yo Babelɔn tena kwaraa naa, aa on kɛrɛdɛɛ chiɡ. Men Korowiirii bola.”

Jeremia 33:4

Jerusalam deene ne Juda koodem bwa ɛɛ kuuɡuu, dɛ́ le nɛra baa baa chɔ baro dɛ yoo la wa.

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Jeremia 52:4

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Jeremia 52:6

A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Jeremia 6:6

Waa Koranar Bwa Kooro aa dɛ bol laanee nɔ, “Hé teŋni daa dɛ́ kpɔ ma kwaa haa che a ta jo ka chɔɡ bwɛjen Jerusalam. Jerusalam chɛ deŋnetɛra, dɛkalkɛ nɛra fiiɡa su o ta.

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 21:22

O kpoŋe hɛm o nɔndiɡ ta dɛɛ ba tae do Jerusalam. A dɛ chaɡle kɛŋɔ o dɛ ba dajaŋa kpɔe ba teɡli doonyojena la ta, dɛ do laa lɔŋɔ, dɛ kwi sɔɔhbɔra bɔɔne, dɛ ma kon baa che o ta dɛ́ jo bwɛɛ la ta dɛ́ kpoo ba.

Ɛsekeɛl 21:27

Mɛɛ chɔɡ bwɛjen laanee, dɛ́ chɔɡo chɔɡa ɡbaɡba! Kɛ wɛɛ do lee ka tel kɛŋɔ nɛn maa leo ŋɔ ó ba tɛr o bini nɛra deŋne aa ba, mɔɔ ń kpɔɔ do o nɔn ta.’ ”

Ɛsekeɛl 26:8

Mɛɛ ɡeloo ba kpoo nɛra baa soɡe bwɛɛre aa lɔ Taaya harɛ la ta bwa keri ne. Baa ma teeraa sawɛ ba danjwɛɛ la, dɛ́ che a ta dɛ́ kpɔ kwaa tɔ ɡbemɡbe, dɛ́ yoo ba.

Ɛsekeɛl 4:2

Ásɛ he ma teera sawɛ danjwɛɛ la, dɛ́ kpɔ bwejeɡre baro, á che tɛ kwaa dɔma aa won che a ta teeh jo bwɛɛ la ta. Ɛ bwejeɡre á che tɛ dɔma la tɛnte deene, dɛ́ kpɔ dakpeɡa baa dɛ ba wona kpɔ kuuɡi danjwɛɛ waa bar bwɛɛ la baro.

Habakuk 1:10

Ba siwi aa koranar tɔɡɛ, dɛɛ ɛ nomonome sisawa. Bwɛjena baa ma danjwɛɛre bara ɛ wesoma waa ba be. Ba cheɡɛ teera do danjwɛɛre baa maa bar bwɛjena mune, dɛ che a ta teeh ka yoo ba dɛ́ pɔ ba nɛ.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.