Jeremia 32:22 - mzwDBL

²² He kpɔ harɛpare ondɛɛɡe waa do ken nɔ tɛɛ ba, ɡɛ he fa aa baɡɛ ba naawa nyoa la.

Jeremia 32:22 ပူးပေါင်းရင်းမြစ်များ

Mumpar 13:15

A ɡɛ harɛ nɔ bwaa mɛɛ ba kpɔe tɛ he ne he naanar ó den ɛ he kon saŋ bɛlbwa dɛɛ la.

Mumpar 24:7

Dɛ berɛ ŋɔ, “Korowii Waa Dɛ Di Kora Nyundua laanee kpɔ mɛ le n mɛɛ dem ne harɛ baa lol mɛ o ta la ta, dɛ ŋwɛɛ baɡ mɛ kɛŋɔ n naanaree wɛɛ ba ɡɛ harɛ nɔ kpɔe tɛ. Wɛɛ ɡeloo o nyundua torome tɔ he sie, ásɛ he won ka dɔ haah ba tɛ n bie nɔ.

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

Nehemia 9:15

Lɔr aa dɛ kpo ba la, he tɛɛ ba kondikwaa le nyundua, nyɔɡre aa dɛ kpo ba la, he ɡelɔ nee le bwe ta tɛɛ ba ba nyɔ. He ŋɔ bá ka kpɔ harɛ haa baɡ ba nyoa ŋɔ hɛɛ kpɔɔ tɛɛ ba la.

Kaala 13:5

Dɛ Korowii baa kpɔ heyaa tel Keenan ne Hiti ne Amɔre ne Hivi, dɛ Jebus tena harɛ waa ŋwɛɛra baɡle he naawa ŋɔ wɛɛ kpɔɔ tɛ heya ó ɛ he kon la ta, harɛpare ondɛɛɡe ta naa, a chɛ kɛ hé di a ɡɛ tɔpere nɔ korobie nɔ ta. Dɛkalkɛ o ba he ne harɛ o taa soma ta.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Jeremia 11:5

Belaa n fe ɛɛ ba harɛ maa baɡɛ ba naawa nyoa ŋɔ o ɛ harɛpare ondɛɛɡe la kpɔe tɛɛ ba ó ɛ ba kon. Harɛ baa soɡe o ta fini nɔ.” Anee n chaŋe ŋɔ, “N Naa Korowii, á ɛ ɡɛ.”

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Nɛra Kura 14:16

‘Ntam Korowii aa ŋwɛɛra dɛ baɡɛ nyoa ŋɔ wɛɛ la Israel tena ne Keenan harɛ taa la, o horɔ, anomanta, o kpoo ba ta pua hɛŋle ɡbo harɛ ta.’

Nɛra Kura 14:30

He bini bɛlbwa aa harɛ maa ŋwɛɛra sibeɡra ne ŋɔ mɛɛ kpɔɔ tɛ heyaa he so la taa tel, atane Jefune bibaa Kaleb ne Nun bibaa Josua ɡbo.

Mmarare 1:35

‘Nɛra nɔ te kapa wechɔɡa aa su ba nɔ bini bɛlbwa aa harɛpare ondɛɛɡe maa baɡɛ nyoa ŋɔ mɛɛ kpɔɔ tɛ ba naawa la aa belaa la,

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 6:10

Mosis berɔ ŋɔ, “Dɛ Korowii kpɔ heyaa ka tel harɛ waa baɡɛ he naawa, Abraham ne Aesek dɛ Jekɔb nyoa kɛ wɛɛ tɛ heyaa la ta, bwɛjena aa wera he laa vɔrɔwa,

Mmarare 6:18

Hɛ́ɛ ɛ anɔ la Korowii aa ŋɔa a wer dɛɛ su o siwi, ásɛ a chiɡ heyaa kɛrɛdɛ he won lɛ harɛdɛɛɡe waa baɡɛ he naawa nyoa dɛ ŋwɛɛ o waa la wa,

Mmarare 6:23

Kɛ ya te, o le ya ne bela dɛ ba tɛ yaa harɛ waa baɡɛ ya naawa nyoa ŋɔ wɛɛ kpɔɔ tɛ yaa la.

Mmarare 7:13

Wɛɛ nyin heyaa dɛ́ swee heyaa andɛɛɡa, dɛ́ ɡel he mun ya kohona. Wɛɛ ɡeloo he loɡle, he kooni kwaa kɛŋɔ mea ne ɡrepore ne ɔlevere bwa do wer, ásɛ he kondɛɛra ɡe ya. A ɡɛ hɛɛra nɔ bwaa wɛɛ ba kpɔe tɛ heyaa harɛ la waa ŋwɛɛra baɡle he naawa ŋɔ wɛɛ kpɔɔ tɛ heyaa la ta.

Mmarare 8:1

Mosis berɔ ŋɔ, “Hé ɡel he sie chɔ harɛ hɛɛ teŋɛ Mmarare maa kpɔa tɛ heyaa fini nɔ ta kɛrɛdɛ. Ásɛ dɛ dɔ he nyu, hé mun ya dɛ́ won jo harɛ Korowii aa baɡɛ he naawa nyoa la ta dɛ́ kpɔ ɛ he kon.

Josua 1:6

Kɛ che kiŋkiŋ, dɔ bambile, henee dɛɛ ba Israel tena sie tɔe ba ka so harɛ maa kpɔa baɡɛ ba naawa nyoa la ta.

Josua 21:43

Gɛɛ a do Korowii kpɔ harɛ waa baɡɛ Israel tena nyoa ŋɔ, wɛɛ kpɔɔ tɛ ba naawa la tɛɛ ba, asɛ ba ka kpɔ o ɛ ba kapɛrɛ kon dɛ so o ta.