Jeremia 32:18 - mzwDBL

¹⁸ He baɡle he nyina nɛra kaɡboŋa nɛ, kɛ he berɔ dɛɛ tɛr nɛra deŋne ba mɛɛnanar wechɔɡa baa ɛa wa. He kan dɛ do kpeɡri, henee Koranar Bwa Kooro.

Jeremia 32:18 ပူးပေါင်းရင်းမြစ်များ

Mumpar 49:24

Nemenɛ Korowii, o mɛɛ Jekɔb Kpeɡnɛn waa tomɔ nomanta, wɛɛ do kpeɡrii dɛ́ kpoŋe o to bini kiŋkiŋ. Peteɡre waa dɛ lɛ Israel tena, dɛ do kɛ Bwetal laanee dɛ́ chao.

2 Koranar 9:26

‘N na Nabɔt ne o bii kpoe nɔ wa, n ŋwɛɛrɔ kɛ mɛɛ bɔɔ a kemee ɡɛ harɛ nɔ tenten ta. Gɔɔro, dɛ́ kpɔɔ ka ta koo nɔ ta ɡɛ Korowii aa bola la.’ ”

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Yela 50:1

Nemenɛ Korowii waa dɔ kpeɡri kohona yerɛ nɛra baa lɔ harɛ nɔ ta bobɛlbwa ba cheme, le wee leebɔr ba kaa wee cholibɔr.

Yela 89:9

Mpo nehɛma dɛ ta kohona naa, henee dɛɛ di kpeɡri o ta, he wono ɡel wɛɛ hel.

Kaala 34:6

Belaa o teŋe Mosis sie ba kaa dɛ ŋɔ, “Menee Korowii, menee dɔ tedoma dɛɛ na nɛra sum. N baah aa di warawara, n nyina ne n kasinteŋ ɡe kan.

Kaala 34:7

N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”

Aesaya 10:21

Ba bini tama ɛɛ berɔɔ ba Nemenɛ Korowii be.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Jeremia 10:6

N Naa Korowii, nomɛlbwa ta kpeɡri dɔe kɛ hen, he kan kohona, nɛra bwa jemɛ kpeɡri kohona haa dɔa wa.

Jeremia 20:11

Kɛ hen Korowii, he ja n nɛɛ kɛŋɔ banyoo ken, anomanta, nɛra baa cheɡɛ n nɛɛ bwa ɛɛ horɔɔ. Sihiih ɛɛ kpo ba saŋ bɛlbwaa dɛɛ la, dɛkalkɛ ba wobɛlbwa aa maɡra ba. Nɛra aa sihiih baa di la soeh ba bwa.

Jeremia 31:35

Korowii ŋɔ, “Menee ta wee asɛ wɛɛ chaah webaŋa, dɛ ɡel korobie ne weweela ɡe ɛɛ chaah jwaana. Menee ɡela mpo ir dɛɛ lɔ nehɛma, Koranar Bwa Kooroo n sɔn.

Jeremia 33:2

“Menee Korowii maa ta harɛ nɔ dɛ kwaaro cheɡ o chɔŋɛ kwaa ta dɛ do le. N sɔnee Korowii,

Jeremia 50:34

Kɛ ba Lɛɛ la kpeɡri, o sɔne Koranar Bwa Kooro. Wɛɛ yoo kohona dɛ́ lɛɛ ba, ásɛ ba dɔ bosɔɔhna ba harɛ ta, kɛ Babelɔn tena te, ba bwaraa dɛɛ ba nyɛɡa.”

Daneɛl 2:45

Daneɛl berɔ ŋɔ, “Bwekuŋi la waa wola nɛn nɔn ta leɛ, dɛ le bwejen tenten bɛl ta, dɛ ba lɔ buni ne ayaawa ne choh ne suuɡapoŋ dɛ suuɡaswɛm la, dɛ kuuɡu burbur ken la munii. Nemenɛ Korowiirii baɡle kooro waa aa dɛ ba chiɡa kerekere. Deera haa deera la munii n baɡle dɛ berɛ baɡle a mun kɛrɛdɛ ken tɛɛ la.”

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.

Nɛra Kura 14:18

He ŋɔ he baah aa di warawara, he nyina do kan kohona, dɛ kpɔ wechɔɡ-ɛɛra ne lwɛmkpeɡ tena waa dɛɛ kɛ ba. Kɛ he dɛ tɛr nomɛlbwa waa di bolchɔɡe deŋne, dɛɛ tɛr nɛra baa ɛ wechɔɡa la deŋne, hale dɛ kpoŋe ka tel ba naanar bele batoro kɛɛ banaarɛ baa ka ba la.

Matiu 27:25

Anee nɛra la ŋɔ, “Ɔɔh, hé te ɡel o seo wobɛlbwa dawɛ ya ne ya naanar nɛ!”

Amanesoma Luk Aa Chwera Tɔn 6:38

Hɛ́ɛ tɛ dɔŋa kwa, ásɛ Korowii ɡee tɛ heya a do kan kohona. Korowii dɛ ba he tɛɛ yaa, wɛɛ maɡaa, dɛ́ jwiira, dɛ́ ɛɡra a jo kɛrɛdɛ, dɛ́ su porrr ken dɛɛ ta. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.”

Mmarare 10:17

Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

Mmarare 7:21

Anomanta, he bɛ ban ɔmɛ. Korowii haa dɛ tomɔ nɔ lɔ he baah ta, o kan o waa do ɔma kohona.