Jeremia 31:7 - mzwDBL

⁷ Korowii ŋɔ, “Hé ɡo silɛɛ yela tɛ Israel tena, ba harɛɛ kana harɛre bwa bini. Hé ɡo kpɛɛra yel ŋɔ, ‘Korowii lɛ o nɛra banɔ la baa kaa la bwa.’

Jeremia 31:7 ပူးပေါင်းရင်းမြစ်များ

Yela 106:47

N Naa Korowii yaa dɛ tomɛ, lɛ yaa dɛ́ berɛ lawɛ yaa le harɛre ta ba, ásɛ ya kpɔ jam tɛɛ dɛ́ kpɛɛ he sɔn waa do ɡoroŋ la.

Yela 126:2

Ya sie lɛo kohona, ya mamɛ dɛɛ ɡo yela, asɛ harɛre nɛra bwa bol ya waa ŋɔ, “Korowii ɛ wejena tɛɛ ba.”

Yela 14:7

N dɛ soŋe Korowii waa lɔ Saayɔn kohona, kɛ o ba lɛ Israel tena! Dɛ Korowii ɡelɔ Israel tena dɔ ba te ja aa, ba sie ɛɛ lɛo kohona ba hɛɡre!

Yela 28:9

N Naa Korowii, ba lɛ he nɛra, dɛ́ swee andɛɛɡa tɛɛ ba. Nyiŋi ba nɛ kɛŋɔ peteɡre kaa saŋ waa wola jaɡa dɔe.

Yela 67:1

N Naa Korowii, na ya sum dɛ swee yaa andɛɛɡa, nyiŋi ya nɛɛ dɛ́ na ya sum,

Yela 69:35

Korowii ɛɛ lɛ Jerusalam tenaa, dɛ́ berɛ kwaa ma Juda harɛ bwɛjena, ásɛ o nɛra berɛ ka kpɔ harɛ la, dɛ́ so o ta.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 37:31

Nɛra baa ka, dɛ́ le Juda dea la ɛɛ doo kɛŋɔ, daa waa ta lune kaa bini, dɛ won nɔna la ken.

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Aesaya 52:8

Nɛra baa dɛ daah bwɛjen la pɛo dɛɛ do lɔŋɔre silɛɛ ne! Ba na Korowii ba siwi ne kɛ waa bera dɛɛ ba Saayɔn!

Aesaya 61:9

Ba sɔn ɛɛ leo harɛre nɛra bwa bini, ásɛ nomɛlbwa waa na ba jemɛ kɛŋɔ banee n swee andɛɛɡa tɛ.”

Jeremia 20:13

Hé ɡo yela kpɛɛ Korowii. Hé jam Korowii. Onee lɛ nyaara dɛɛ le nyubinikpeɡ tena nɔn ta.

Jeremia 23:3

N ɡbabir ɛɛ boa ba bwa nyoa, dɛ́ le harɛre maa lɔ ba peɡre a ta la ta, dɛ́ berɛ teɡ ba ba harɛ baa dɔ kpɔɡa dɛɛ chwe ta. Baa loɡle biirii warɛ, ásɛ dɛ ya kohona.

Jeremia 3:23

Voɡare yaa toma bwejena dor la ta yaa chae. Korowii ya Israel tena aa dɛ tomɔ ɡboo ɛ ya lɛɛ.

Jeremia 31:12

Baa bao dɛ ba ɡo silɛɛ yela Saayɔn Bwejen la ta, ásɛ ba sie lɛ n koŋkɛɛla, aa ɛ mea ne sen ne ɔleve no, dɛ peera ne nae bwa ta. Baa doo kɛŋɔ bodɛɛɡe ba du daa, bwaala nɛ o ta ken, dɛ́ dɔ kondɛɛɡa men Korowii aa kpɔ tɛɛ ba. Ásɛ ba sunaa di kpa.

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Ɛsekeɛl 6:8

Wɛɛ ɡeloo he bini bane dɔ he nyu, bá lawɛ heyaa peɡre kaa harɛre ta.

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

Maeka 2:12

Israel tena, mɛɛ boa he bwa nyoa, kasinteŋ, mɛɛ boa he nɛra haa kaa la bwa nyoaa. Mɛɛ boa he nyoa kɛŋɔ peera yon pɛ do leɡ ta, kɛɛ kondɛɛra yon warɛ do dibɔr la. Gɛ tentenee mɛɛ ba ɡela nɛra su harɛ la ta kohona.”

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Tɔn Pɔɔl Aa Chwerɛ Rom Tena 11:5

Gɛɛ a do taraken. Nɛra tama bane ta lole Korowii aa na ba sum dɛ lee ba ba ɛ o nɛra.

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

Mmarare 28:13

Dɛ he teŋɛ o waa maa kpɔa dɛɛ tɛ heyaa fini nɔ ta naa, wɛɛ ɛ heyaa sitɔɔla harɛre nɛra bwa nɛ. Haa ba nɛɛ teŋɛ bwa, he wobɛlbwa ɛɛ do werii haa wola harɛɛ lɔ bwa.

Mmarare 32:43

Harɛre nɛra, hé pu Korowii nɛra hɛɡre. Korowii dɛ tɛr nɛra baa dɛ kpoo o nɛra deŋne. O dɛ bɔ ba dɔma kem dɛɛ tɛɛ ba, dɛ kpɔ o nɛra wechɔɡa dɛɛ kɛ ba.”