Jeremia 31:38 - mzwDBL

³⁸ Tɔpera ane dɛ́ ba ásɛ ba berɛ kwaa ma bwɛjen Jerusalam n sɔn ta, dɛ́ le Hananɛl Dejaŋ wee cholibɔr, dɛ́ kaa Loŋkora Doonyoa la ta.

Jeremia 31:38 ပူးပေါင်းရင်းမြစ်များ

2 Koranar 14:13

Israel Kooro Jehoas lawɛ Juda Kooro Amasea, dɛ kpɔɔ kaa Jerusalam, dɛ ka kuuɡi danjwɛɛ waa baro la. Ba kuuɡu le Efrem Doonyoa ka tel bobɛl baa dɛ yerɔ Loŋkora Doonyoa. O jaŋne ɛɛ ɛ naɡale lafraanumɛlee.

2 Webena 26:9

Kooro Ussia ɡelɔ ba ma dejaŋa aa do kpeɡri Jerusalam Loŋkora Doonyoa, ne bɛl baa dɛ yerɔ Fɛlembɔjen Doonyoa, dɛ bela danjwɛɛ baa maa bar bwɛɛ la loŋkora ta.

Nehemia 2:17

Ate, n ŋɔ ba be ŋɔ, “Hé na waa yaa lɔ a ta! Jerusalam berɛ dimɡbia, ba fuh o doonyojen ɡbeni. Hé ɡel ya kwaa ma danjwɛɛ o fa aa baro la, ásɛ sihiih bɛ yaa kpo kpa.”

Nehemia 3:1

Nɛra baa kwaara ma danjwɛɛ waa bar Jerusalam laanee Sɔfonomoa Eliasib ne o bala. Ba kwaarɔ ma Peera Doonyoa dɛ do o ɡbeni, dɛ ma danjwɛɛ kaa Lafa Dejaŋ ne Hananɛl Dejaŋ ta, dɛ kpɔ do Korowii nɔn ta.

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Jeremia 31:27

“Men Korowii bolɔ ŋɔ, tɔpera ane dɛ ba ásɛ n ɡel nɛra ne kondɛɛra ba su Israel ne Juda harɛ bwa ta.

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Jeremia 33:7

N dɛ ba ɡela Juda ne Israel tena wobɛlbwa do wer tɛɛ ba, dɛ́ berɛ ɡel bá do kpeɡri ɡɛ ba fa aa doa wubwa la.

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Sekaria 14:10

Harɛ la bwa, dɛ le Geba kaa Remɔn waa lɔ Jerusalam weekaŋle harɛbɔr ɛɛ chɔɔ kaa Jɔɔdan Moo la ta. Ásɛ bela Jerusalam aa lole la dawɛ nyundua o buɡ ta, dɛ́ le Bɛnjamen Doonyoa dɛ́ kaa bela Doonyoa Waa Tɔ Sie la aa lole la, ne Loŋkora Doonyoa, dɛ́ teŋe kaa Hananɛl Dejaŋ, dɛ́ kaa bela baa dɛ harame kooro daa nɔna nee dɛ kpɔ dɛɛ ɛ sen la ta.

Sekaria 2:6

Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.