Jeremia 31:35 - mzwDBL

³⁵ Korowii ŋɔ, “Menee ta wee asɛ wɛɛ chaah webaŋa, dɛ ɡel korobie ne weweela ɡe ɛɛ chaah jwaana. Menee ɡela mpo ir dɛɛ lɔ nehɛma, Koranar Bwa Kooroo n sɔn.

Jeremia 31:35 ပူးပေါင်းရင်းမြစ်များ

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Aesaya 51:15

Menee Korowii haa dɛ tom mɛ la. Menee wona ɡel mpo ɛɛ ir dɛɛ lɔ nehɛma. N sɔnee Nemenɛ Korowii.

Jeremia 50:34

Kɛ ba Lɛɛ la kpeɡri, o sɔne Koranar Bwa Kooro. Wɛɛ yoo kohona dɛ́ lɛɛ ba, ásɛ ba dɔ bosɔɔhna ba harɛ ta, kɛ Babelɔn tena te, ba bwaraa dɛɛ ba nyɛɡa.”

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Jeremia 51:19

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Jeremia 32:18

He baɡle he nyina nɛra kaɡboŋa nɛ, kɛ he berɔ dɛɛ tɛr nɛra deŋne ba mɛɛnanar wechɔɡa baa ɛa wa. He kan dɛ do kpeɡri, henee Koranar Bwa Kooro.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Aesaya 63:12

Korowii aa cheɡɛ o kpeɡri ta dɛ ɡel Mosis ɛ wejena mpo teŋe la, o lɛ sɔn waa wola jaɡa dɔe.

Aesaya 48:2

He dɛ́ maŋkura he te ŋɔ he le bwɛjen Jerusalam, dɛ ŋɔ he kpɔ he te dawɛ men Koranar Bwa Kooro, Israel tena aa dɛ tom mɛ la nɛ.

Yela 119:89

N Naa Korowii, he waa lole saŋ bɛlbwa, a cheɡɔ kiŋkiŋ nyundua.

Yela 106:9

He kɔr Mposwɛm asɛ o hweeh, asɛ he tɔ he nɛra sie ba valɛ harɛpɛɛ ta kɛŋɔ, pua hɛŋle ɡbo harɛ ta ken dɛ ɛɡɛ le o baŋ.

Yela 89:2

Mɛɛ boloo ŋɔ he nyina aa wola jaɡa dɔe bwa, cheɡɔ kiŋkiŋ saŋ bɛlbwa dɛɛ la. He waa dɔ kasinteŋ saŋ bɛlbwa, ɡɛ nyundua aa lole saŋ bɛlbwa la.

Yela 78:13

O ɡelɔ mpo pere anɛ, dɛ tɔ ba sie, asɛ ba valɛ o bini le kɛŋɔ harɛpɛɛ ken. O ɡelɔ nee la teŋe che kɛŋɔ danjwɛɛ diɡ ne ɡal.

Yela 74:16

Henee ta bɔchaah ne biro, dɛ kpɔ wee ne korobie cheɡ a chebɔra,

Yela 74:13

He cheɡɛ he kpeɡri kohona ta, dɛ ɡel mpo pere, dɛ paɡre mpo bini oljena nyuune.

Yela 72:17

Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Yela 72:5

Gɛ wee ne korobie aa dɛ chaah saŋ bɛlbwa nɔ, ɡɛɛ he naanar baa ka ba ɡe, ɛɛ ba he toma saŋ bɛlbwa dɛɛ la.

Job Tɔn 26:12

O cheɡɛ o kpeɡri ta dɛ ɡel mpo ɛɛ vuuɡi, dɛ che o wejema ta chɔɡ mpo bini oljen Rahab.

Job Tɔn 38:33

He jemɛ Mmarare aa dɛ baɡle weweela aa lɔ nyundua dɛɛ chaah wa aa? Hɛɛ won jemɛ ɡɛ tenten tɛ kwaa aa lɔ harɛ ta ɡe aa?

Yela 119:91

He nyoa wobol nee he ta kwaa bwa, asɛ a do le ba le fini, dɛkalkɛ a bwa lɔ he lɔɡa.

Yela 148:6

O nyoa wobol nee o cheɡa a chebɔra, a do le saŋ bɛlbwa, dɛ ɡel a do le ɡɛ dɛɛ la, aa wola won charɛ.

Jeremia 33:20

“Gɛ haa wola won chɔɡ fɔo waa chɔ n ne webaŋa ne jwaana baah, ásɛ webaŋa ne jwaana aa won ɛ toma a saŋ ta la,

Jeremia 33:25

Kɛ men Korowii fɔo chɔ n ne webaŋa ne jwaana baah, dɛ do mmarare tɛ nyundua ne harɛ bwa.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Emɔs 9:8

Men Nemenɛ Korowii, n dɛ nyiŋi Israel harɛ wechɔɡa aa suu nɔ. Mɛɛ chɔɡoo le harɛ nɔ ta, kɛ maa Jekɔb naanaree chɔɡ kwaraa.

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”