Jeremia 31:23 - mzwDBL

²³ Koranar Bwa Kooro, Israel tena aa dɛ tomɔ la ŋɔ, “N berɔ lawɛ Juda tena ɡe ba ba harɛ ta naa, baa dɛɛ bol Juda harɛ ne o bwɛɛre taa ŋɔ, ‘Korowii swee Saayɔn Bwejen waa lɔ Jerusalam boɡoroŋ bela o Dea aa lole la andɛɛɡa.’

Jeremia 31:23 ပူးပေါင်းရင်းမြစ်များ

Yela 128:5

Kórowii che o Dea waa lɔ Saayɔn sweere andɛɛɡa he soɡa bini bwa, dɛ́ ɡel he na Jerusalam wer doe.

Yela 129:8

Nomɛlbwa aa teŋe ba kaa dɛ́ ŋɔ, “Kórowii sweere andɛɛɡa!” dɛ berɛ ŋɔ, “Ya cheɡɛ Korowii sɔn ta soŋe andɛɛɡa dɛɛ tɛɛ bwa.”

Yela 134:3

Korowii waa ta nyundua ne harɛ la, ó le Saayɔn dɛ́ swee heyaa andɛɛɡa.

Yela 28:9

N Naa Korowii, ba lɛ he nɛra, dɛ́ swee andɛɛɡa tɛɛ ba. Nyiŋi ba nɛ kɛŋɔ peteɡre kaa saŋ waa wola jaɡa dɔe.

Aesaya 1:21

Bwɛɛ kasinteŋ diile fa aa lɔ o ta, taraken ba do kɛŋɔ haah waa le o jaa habɔɔ dɛɛ nyin baala ken. Nɛndɛɛɡa ɡboo fa o bwa, kɛ taraken nɛŋkpoa su o bwa.

Aesaya 1:26

Mɛɛ berɔ ɡel he dɔ nɛra baa bol he waa dɛɛ pa bole, ne nɛra baa dɛɛ ja heyaa kɛŋɔ he fa aa dɔɔ ba wubwa la. Ásɛ mɔɔ bá berɛ yerɛ heyaa Kasinteŋ Diile bwɛ, Nɛndɛɛɡa bwɛ.”

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 32:16

Kasinteŋ ne waa aa toɡraa dɛɛ ba harɛ la ta bwa doe.

Aesaya 33:5

Korowii kan taeh, o soɡe nyundua tenten. Wɛɛ ɡeloo kasinteŋ ne waa aa toɡra su Jerusalam.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Jeremia 29:14

Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Jeremia 32:44

Nɛra ɛɛ yawaa, ásɛ ba ɛ a tɔne dɛ́ ɛɡre nɔɔra dɛ́ lɛa do, ásɛ nɛra di a danseɛ. A ɡɛ waa nɔ, Bɛnjamen dea harɛ ne bwɛɛre aa bar Jerusalam ne Juda harɛ ta dɛ deŋɡarere harɛ bwɛɛre, ne Juda bwejena lɔɡre bwɛɛre bwa, dɛ́ kpoŋe kaa Nɛɡɛv waa ɛ pua hɛŋle ɡbo harɛ taa aa ba chiɡa. Mɛɛ laɡ baa ba ba harɛ ta. Men Korowiirii bola.’ ”

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Obadia 1:17

Kɛ Jekɔb dea bii bane ɛɛ dɔ ba nyuu Saayɔn Bwejen la ta, ásɛ o ɛ bɔr waa do ɡoroŋ, bá berɛ dɔ harɛ waa ɛ ba kapɛrɛ kon wubwa la.

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Rut Tɔn 2:4

Baa lɔ bela la, Boas le dem ba, dɛ ba jam tom-ɛɛra la, dɛ ŋɔ, “Hé jam ne ɛɛ. Korowii dɛ kwaa he kwa.” Asɛ ba ɡe sɛh ŋɔ, “Korowii tɛɛ hɛɛra.”