Jeremia 31:2 - mzwDBL

² Israel tena baa ka baa wola sewɛ pua hɛŋle ɡbo ta la, mɛɛ sune ba nɛɛ. Mɛɛ ɡeloo ba bwara sɔɔh ba.”

Jeremia 31:2 ပူးပေါင်းရင်းမြစ်များ

Yela 78:52

Asɛ dɛ tɔ o nɛra sie kɛŋɔ peteɡre ken, dɛ kpɔ ba valɛ pua hɛŋle ɡbo harɛ ta.

Yela 95:11

N baah aa dia la, n ŋwɛɛrɔ ŋɔ, ‘Baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.’ ”

Kaala 1:16

“Dɛ he dɛ lɛ Hibru haahna lol dɛ na kɛŋɔ bibaalaa yaa, hé kpoo ba, kɛ dɛ bihaahnaa tenaa, hé ɡel ba.”

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Kaala 12:37

Israel tena le Rameses waa lɔ Ijipt harɛ ta dɛ ba Sukot. Baala baa valɛ naa ta la ɡbo ɛɛ ɛ kaɡboŋa lafraanumɛlee. Haahna ne bechale te ta jae.

Kaala 2:23

A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

Kaala 33:14

Belaa Korowii chaŋo ŋɔ, “Mɛɛ ja he nɛɛ n ne he kaa, ásɛ he dɔ bambisɔɔhna.”

Kaala 5:21

Asɛ ba ŋɔ Mosis wa be ŋɔ, “Korowiirii dɛ tɛr he deŋne kɛŋɔ haa ɡela kooro ne o nomonome hah yaa la. A deno do kɛŋɔ haa kpɔ keri do ba nɔɔra ta ŋɔ bá kpoo yaa ken.”

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Ɛsekeɛl 20:35

Mɛɛ ba he ne pua hɛŋle ɡbo harɛ harɛre aa baro la taa, n ne he sie ɡba dɔŋa, ń bol he waa dɛ́ tɛr he deŋne.

Hosia 11:4

Nyinaa n kpɔ laɡ ba ba n be, dɛ kpɔ ba chwaa. N laa koeh aa dawɛ ba nɛɛ la kpɔ, asɛ dɛ ba harɛ dɛ pa ba kondikwa.

Nɛra Kura 10:33

Anomanta, ba pa mun valɛ le Sinai Bwejen la ta, dɛ valɛ tɔpera atoro. Lewi dea tena cheɡɛ Korowii Ne Nɛwɛnyina Fɔo Daka la tɔ ba sie tɔpera atoro, dɛɛ ɡaaɡe bela waa dɔ tɛɛ ba bá so.

Nɛra Kura 14:20

Anee Korowii ŋɔ, “N kpɔɔ kɛ ba ɡɛ haa soŋa la.

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Mmarare 1:30

Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.

Mmarare 1:33

Onee tɔ he sie he vala bini, dɛ kpɔ nii dɛɛ tɔ he sie jwaana, dɛ kpɔ bam ɡe dɛɛ tɔ he sie webaŋa, dɛ nyin bela haa dɛɛ chɔ, dɛ baɡle heyaa ŋwɛnɛ haa kpɔ o ta.

Mmarare 12:9

dɛkalkɛŋɔ he ta dɔe tel bela haa onɛ dɛ́ dɔ kapɛrɛ kwaa Korowii haa dɛ tomɔ nɔ aa kpɔa dɛɛ ba heyaa tɛɛ la.

Mmarare 2:7

Korowii swee heyaa andɛɛɡa toma haa ɛa bwa ta. Onee nyiŋi he nɛɛ he vala ta pua hɛŋle ɡbo harɛ waa do kan kohona ta la. Korowii ja he nɛɛ bene fifraanaarɛ nɔ bwa ta, o ta ɡelɛ komɛlbwa paŋɛ heya.

Mmarare 8:16

O tɛ heyaa maana he di pua hɛŋle ɡbo harɛ la ta, kondikwaa he naawa aa wola an jemɛ bwa. Nee ne kondikwaa nyae nɔɔ o kpɔ daah heyaa na, asɛ wobɛlbwa do wer tɛ heyaa he daahna dɛ na la habɔɔ.

Josua 1:13

“He bɛ soh kɛŋɔ Korowii bonɔɔ Mosis fa aa ŋɔ he be ŋɔ, ‘Korowii haa dɛ tomɔ la aa ŋɔa wɛɛ kpɔ harɛ waa chɔ Jɔɔdan Moo wee leebɔree tɛ heyaa he so o ta la.’