Jeremia 31:19 - mzwDBL

¹⁹ Ya berɛ habɔɔ kpoe, kɛ a ta biɡre ya dɔ liire, dɛ berɛ ba he be. Kɛ a habɔɔ haa tɛr ya deŋne la, ya baŋa ɡolo sihiih kpo yaa. Sihiih kpo yaa kohona, dɛkalkɛ ya bechale saŋ bwaa ya le ɛ wechɔɡa.’ ”

Jeremia 31:19 ပူးပေါင်းရင်းမြစ်များ

Ɛsekeɛl 36:31

Belaa hɛ́ɛ ba he wechɔɡa ŋwɛnɛre ne he nyubinikpeɡ we-ɛɛla bwa liira, ásɛ he baah di he ɡbaɡba nɛɛ wechɔɡa ne kii waa haa ɛa la.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Ɛsekeɛl 21:12

Nɛwɛnyini bie, wi dɛɛ dooɡe lɔŋɔre, dɛkalkɛ n nɛra ne Israel koranar waa wɛɛ ba. Wɛɛ kpoo ba ne n nɛra kar bwaa. Kpɔ nɔɔra lɔ bambile á baɡle kɛŋɔ he hwɛɡa tonɔ.

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

Mmarare 30:2

Dɛ he ne he naanar berɔ ba Korowii haa dɛ tomɔ be, dɛ no o waa maa dɛ do heyaa fini nɔ ta he bambile bwa ne he hweera bwa ne naa,

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Ɛsra 9:6

dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

Amanesoma Luk Aa Chwera Tɔn 15:30

Kɛ he bie nɔ waa kaa chɔɡ o suuɡa haahna nɛɛ dɛ ba nɔ, he berɔ ɡarɛ kpo nabidɛɛɡe tɛo.’

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Ɛsekeɛl 23:3

Ijipt harɛ taa ba so, dɛ le ba toli saŋ kpɔ bannyin dawɛ ba sie ta, dɛɛ bɔ jwamane.

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Jeremia 32:30

Israel ne Juda tena ta wobɛlbwa ɛɛ ka ja wechɔɡa baa ɛa dɛ le ba bechale saŋ n sie. Kasinteŋ, kwaa ba ɡbaɡba aa ɛa nɔɔra nee ba kpɔ muɡli n baah.

Jeremia 22:21

Gɛ saŋ he wobɛlbwa aa wera tɛɛ laanee n kaeh, kɛ he ŋɔ, ‘Maa deŋnee cheɡ dɛ́ no.’ Gɛɛ he do dɛ le he bechale saŋ bwa, haa sɛɛh dɛɛ teŋɛ n waa ta.

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Job Tɔn 20:11

Ba bonɔɔne saŋ bokpeɡa la, ba ne anee dɛ́ ka chɔ teera bini.

Job Tɔn 13:26

He chwerɛ n bwara waa aa wola were, hale anɔ la maa ɛa n bonɔɔne saŋ.

Yela 119:67

Mɔɔ he tɛr n deŋne la, dɛ wechɔɡaa n ɛ, kɛ taraken te n dɛ teŋɛ waa haa do mɛ la ta.

Ɛsekeɛl 21:17

N ɡe ɛɛ lɔ kpaŋaa, ásɛ n bandia la nyoa sɔɔh. Men Korowiirii bola.’ ”