Jeremia 31:15 - mzwDBL

¹⁵ Korowii ŋɔ, “Ba no taa bɛl le Rama. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

Jeremia 31:15 ပူးပေါင်းရင်းမြစ်များ

Mumpar 35:19

Rakɛl aa sewa la, ba huɡo bwɛɛ Efrat la ŋwɛnɛ nyoa. Ba berɔ dɛɛ yerɔ Bɛtlɛham.

Mumpar 37:35

Asɛ o bii ne o lolanar bwa ba dɛ ba larawe o bwara. Kɛ o ta larawa la noɛ dɛ ŋɔ, “N wii nɔɔ dɛ́ kpɔ mɛ kaa n bie be lalabwɛ.” Anomanta, o wi o bie la kɛrɛdɛ.

Mumpar 42:13

Ba ɡe ŋɔ, “Nomoa, he bonɔɔna, ya lɔ bii fi dɛ banɛ, dɛ ɛ babeŋkpoŋ bii, dɛ le Keenan harɛ ta. Ya bini bechala te lɔ ya mɛɛ be dem, asɛ ya bini beŋkpoŋ ɡe toole.”

Mumpar 42:36

Ate, ba mɛɛ Jekɔb ŋɔ ba be ŋɔ, “Hé dɛ nyin kɛ n paŋɛ n bii bwa kɛɛ? Josef toole, Simeon ɡe kao. Hé berɔ dɛɛ nyin kɛ he kpɔ Bɛnjamen ɡe kaa. Menee dɛɛ ba waa nae!”

Mumpar 5:24

Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.

Job Tɔn 7:21

Ɛrɛɛ haa wola n wechɔɡa kpɔe kɛ mɛ, dɛ ɡel waa maa koni a ta la taɔ? Maa biɡri chɔ n banɔn ta, hɛɛ dɛɛ nyin n bɔree, kɛ dɛ n toole.”

Yela 37:36

kɛ a ta biɡre bɛlbwa, o den sewɛ, n ɡaaɡe o bɔr, n ta on nae.

Yela 77:2

Gɛ saŋ wa aa puu mɛ la, n wio no Korowii, n ɡɔɔ nɔɔra jwaana bwa dɛ soŋo, kɛ n ta bolarawa bɛlbwa dɔe.

Aesaya 10:29

Ba le ŋwɛnɛ waa chɔa kaa Geba baŋ, dɛ ŋɔ, “Yaa ka chɔ Gebaa jwaana la bwaa.” Ɔmee lawɛ Rama tena ba bwara ɛɛ sa, Kooro Sɔɔl bwɛɛ Gebea tena ir chwa.

Aesaya 22:4

A waa n ŋɔ, “Hé ɡel mɛ n wi n nɛra. He bɛ n bwara larawe n nɛra baa serewa nɔ wa.”

Jeremia 10:20

Ya tɛnte deene chɔɡɔ, a ŋwɛɛra bwa chaa. Ya bii bwa kaalɔ ɡel yaa, beŋkpoŋ kwaraa toole, dɛ́ baŋre ya tɛnte deene, kɛɛ dɛ́ nyin sobɔra tɛ yaa.”

Jeremia 40:1

Korowii bol waa men Jeremia be, ɡɛ saŋ Nebusaradan waa chɔ kooro laa tena baa dɛ daahno nyoa, aa lee mɛ dea baa do mɛ Rama la. Dɛ ba laɡ mɛ dɛ do mɛ jɔɡrɔre, dɛ kpɔ n ne Jerusalam dɛ Juda tena baa lawɛ yaa laa ta la kaa Babelɔn harɛ ta.

Wiile 5:7

Ya naawa fa ɛ wechɔɡa dɛ bwa serewe kaa, kɛ taraken yanee bera dɔ a deŋnetɛra.

Ɛsekeɛl 2:10

dɛ paɡru n sie. Dɛ ba chwerɛ wiile, wii ne wenaale waa do o sie ne o habɔɔ.

Josua 18:25

Ane ɡee Gebeɔn ne Rama dɛ Beɛrɔt,

Sitɔɔla 4:5

Dɛ bambi daa bɛl cheɡɛ Rama ne Bɛtel baah ta Efrem deŋɡarere harɛ ta baa yerɔ Dɛbora Bambi wɛɛ so o mun, asɛ Israel tena yon la o be o bol ba waa dɛɛ tɛɛ ba.

1 Samoɛl 7:17

O yon berɛ ba kaa Rama, bela waa soɡa. Bela ɡe, o bol Israel tena ne ba bala waa dɛɛ pa bole, asɛ o ma kon baa ɛ saraha o ta bela tɛ Korowii.