Jeremia 31:14 - mzwDBL

¹⁴ Mɛɛ ɡeloo sɔfore di kondikondɛɛɡaa, ásɛ n nɛra bwa ɡe dɔ ba kwaa baa dɛ nyin. Men Korowiirii bola.”

Jeremia 31:14 ပူးပေါင်းရင်းမြစ်များ

2 Webena 6:41

N Naa Korowii, ir ba he Dea He Ne Nɛwɛnyina Fɔo Daka waa cheɡa tɛ he kpeɡri la ta, dɛ́ ba so bonɔ saŋ bɛlbwa dɛɛ la. Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe ɡo silɛɛ yela, he wedɛɛɡa haa ɛɛ ba la wa.

Nehemia 10:39

Israel tena ne Lewi dea tena la kpɔ ba mea ne senfala, dɛ ɔleve noo la kaa dejeɡre baa dɛ cheɡ laala baa kpɔa dɛɛ ɛ toma Korowii Dea la bini, bela sɔfore baa dɛ ɛ toma ne nɛra baa dɛ daah doonyoo dɛ yelɡoola aa dɛ so la. Yaa Korowii yaa dɛ tomɔ la Dea vɛh.

Yela 107:9

dɛkalkɛ o tɛ nɛra nyɔɡre aa dɛ kpo ba nee ba nyɔ, dɛ tɛ banɔ la lɔr aa dɛ kpo ba ɡe kondikondɛɛɡa ba di.

Yela 132:16

Mɛɛ swee Saayɔn sɔfore andɛɛɡaa wobɛlbwa baa dɛ ɛ ta, ásɛ o nɛra ba wa aa toɡra ɛɛ ɡo silɛɛ yela saŋ bɛlbwa.

Yela 132:9

Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe do lɔŋɔre silɛɛ ne.

Yela 17:15

N waa aa toɡra nomanta, mɛɛ nae, n chɔɔ ir aa, n sie ɛɛ lɛo kohona, ń na ɡɛ haa doa.

Yela 36:8

He tɛ yaa kondikwa a warɛ yaa di he dem, dɛ tɛ yaa he wedɛɛɡa, a do kɛ nee waa dɛ palɛ yaa nyɔ.

Yela 63:2

N na ɡɛ he kpeɡri ne he jirima aa doa, he Dea bela.

Yela 63:5

N sie ɛɛ lɛo kɛ maa di silɛɛ kondikonjena dɛ vaɡɛ ken, dɛ́ ɡo silɛɛ yela kpɛɛ he sɔn.

Yela 63:6

N chɔ kalaŋ ta naa, n dɛ lii he wa, he waa dɛ do n bambile bini jwaana bwa,

Yela 65:4

Nɛra haa lee ba ŋɔ bá ba so he Dea bela la, ba na som. Ya sie ɛɛ lɛ kondɛɛɡa haa swee yaa a do he Dea waa do ɡoroŋ la taa.

Yela 85:13

Toɡra Korowii aa toɡra la ɛɛ tɔ o siee kɛŋɔ nɛn, dɛɛ kwaa ŋwɛnɛ ó kpɔ o ta.

Yela 90:14

Gel he nyina aa wola jaɡa dɔe la do ya nɛɛ chɔɔ bɛlbwa, ásɛ ya ɡo silɛɛ yela dɛɛ hɛɡre ya soɡa bini bwa.

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Jeremia 31:25

Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Jeremia 50:19

Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

Ɛsekeɛl 34:14

Mɛɛ teɡaa kaa dibɔra aa wera taa á ka di. Israel harɛ bwejena doree mɛɛ ba a dɛɛra, á dɔ kpɔɡdɛɛɡa di a bwara sɔɔhna.

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Matiu 5:6

Nɛra ba sie aa beɡre waa aa toɡra dɛɛ su Korowii siwi la, ba na som, dɛkalkɛ Korowii ɛɛ cha baa a ta kɛrɛdɛɛ bá dɔa ba tetoora.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Ɛfesos 3:19

O nyina waa dɛ nyin yaa la ɡwaa ya liire ta. Kɛ n dɛ soŋe Korowii he won jema, dɛ́ won dɔ o ɡbaɡba da kɛrɛdɛ ɡa dɛ́ ka tonɛ.

Mmarare 33:23

Naftale dea ɡe, o ŋɔ, ‘Korowii ɡelɔ he na som taeh. He kpɔ harɛ waa chɔa le Galilia Moo weekaŋle harɛbɔr.’

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”