Jeremia 31:13 - mzwDBL

¹³ Belaa toli ɛɛ ba sae ba sie lɛ, ásɛ bonɔɔna ne banjeni bwa ɛɛ hɛɡre. Mɛɛ larawe ba bwaraa, dɛ́ ɡel ba wii ber ba silɛɛ, ásɛ ba dɔ hɛɡra kohona le ba suna dii ta.

Jeremia 31:13 ပူးပေါင်းရင်းမြစ်များ

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

Nehemia 12:27

Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

Nehemia 12:43

Awola tɔpere la, ba kpoo kwaa warɛ ɛ sarahare, dɛɛ hɛɡre, dɛkalkɛŋɔ Korowii ɡelɔ ba dɔ silɛɛ kohona. Haahna ne bechale ɡe sie lɛo, nɛra la silɛɛ ɡbɔɡa ɛɛ la bojaŋa bwa.

Ɛsta 9:22

dɛɛ lii tɔpera Juu tena aa lɛ ba te le ba dɔma nɔn ta, ne tɔpera ba suna dii aa ber ba silɛɛ, ba wii ɡe berɛ hɛɡra la. Mɔdekae ŋɔ, dɛ ba dɛ di tɔpera la aa, báa di kondikonjena dɛɛ lɛ ba sie, dɛɛ tɛ dɔŋa ne nyaara bwa kondikwa.

Yela 126:5

Nɛra baa kpɔ siniire du kwaa la, baa koma silɛɛ nee dɛɛ ɡo yela.

Yela 148:12

ne bonɔɔna ne toli, ne banjeni ne hanjeni, dɛ bechale ɡe bwa, hé kpɛɛ Korowii.

Yela 149:3

Hé ɡo yela kpɛɛro dɛɛ sa, hé lɔ ɡboŋri ne janjela kpɛɛro.

Yela 30:11

He ɡelɔ n suna dii berɛ silɛɛ, mɛɛ sa, dɛ ɡel n soh n wii, dɛ kpɔ silɛɛ tɔ mɛ kɛŋɔ yal.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 60:20

Wahala haa dɛ na bwa ɛɛ ba a jaɡaa. Men Korowiirii dɛɛ ba he nɛɛ chaahna kɛŋɔ wee ne korobie saŋ bɛlbwa.

Aesaya 61:2

O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Sekaria 8:19

“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”

Amanesoma Jɔn Aa Chwera Tɔn 16:22

Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be.

Sitɔɔla 21:21

dɛɛ nyiŋi. Hé na Silo bitoli ba baa sa aa, hé ɛ warane dɛ́ le daa kooni la baah, ásɛ bɛlbwa ka lawɛ bɛl kaa he Bɛnjamen dea tena harɛ ta ó ɛ he haah.