Jeremia 31:12 - mzwDBL

¹² Baa bao dɛ ba ɡo silɛɛ yela Saayɔn Bwejen la ta, ásɛ ba sie lɛ n koŋkɛɛla, aa ɛ mea ne sen ne ɔleve no, dɛ peera ne nae bwa ta. Baa doo kɛŋɔ bodɛɛɡe ba du daa, bwaala nɛ o ta ken, dɛ́ dɔ kondɛɛɡa men Korowii aa kpɔ tɛɛ ba. Ásɛ ba sunaa di kpa.

Jeremia 31:12 ပူးပေါင်းရင်းမြစ်များ

Yela 130:4

Kɛ he kpɔ ya wechɔɡa dɛɛ kɛ yaa, asɛ a che a ta yaa ɔmɛ.

Aesaya 1:30

Hɛɛ ɛo kɛŋɔ dajen o papooni aa jwala dɛɛ chure ken, dɛ́ do kɛŋɔ daa baa dua baa wola nee a mune do ken.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Aesaya 52:8

Nɛra baa dɛ daah bwɛjen la pɛo dɛɛ do lɔŋɔre silɛɛ ne! Ba na Korowii ba siwi ne kɛ waa bera dɛɛ ba Saayɔn!

Aesaya 58:11

Dɛ he ɛ ɡɛ naa, anee dɛ́ ɡel men Korowii baɡle heya ŋwɛnɛ saŋ bɛlbwa dɛɛ la, dɛ́ berɛ tɛ heya kondɛɛɡa pua hɛŋle ɡbo harɛ ta he di, dɛ́ do kpeɡri. Dɛ́ berɛ ɡel he do kɛŋɔ bodɛɛɡe haa du daa sɔn do o ta saŋ bɛlbwa ken, kɛɛ bule waa wola hweeh bwa la.

Aesaya 60:20

Wahala haa dɛ na bwa ɛɛ ba a jaɡaa. Men Korowiirii dɛɛ ba he nɛɛ chaahna kɛŋɔ wee ne korobie saŋ bɛlbwa.

Aesaya 65:19

N ɡbabir sie ɛɛ lɛ Jerusalam ne o nɛra nɛɛ kohona. Wii ne lɔŋɔre aa o taa do kpa.

Jeremia 3:14

Hé berɛ ba, nɛra he waa aa wola kasinteŋ dɔe, dɛkalkɛ he dɔɔree men. Mɛɛ le nɛmbeŋkpoŋii le bwɛɛ bɛlbwa ta, dɛ́ le nɛra banɛ le dea bɛlbwa ta, dɛ́ berɛ ba he ne Saayɔn Bwejen ta.

Jeremia 31:24

Nɛra ɛɛ berɔɔ ba so Juda harɛ bwɛɛre bwa ta, paara ne peteɡra baa dɛ teɡɛ ba kondɛɛra bwa.

Jeremia 31:25

Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Jeremia 31:6

Tɔpere bɛl dɛ ba, ásɛ nɛra baa dɛ daah Efrem harɛ lɔŋɔre ɛɛ le deŋɡarere dor dɛɛ ŋɔ, ‘He ba ya kaa Saayɔn Bwejen waa lɔ Jerusalam la doa, Korowii yaa dɛ tomɔ la be.’ ”

Jeremia 31:7

Korowii ŋɔ, “Hé ɡo silɛɛ yela tɛ Israel tena, ba harɛɛ kana harɛre bwa bini. Hé ɡo kpɛɛra yel ŋɔ, ‘Korowii lɛ o nɛra banɔ la baa kaa la bwa.’

Jeremia 32:15

Koranar Bwa Kooro, Israel tena aa dɛ tomɔ la bolɔ ŋɔ, ‘Baa berɔ yawɛ deene ne kooni dɛ daa kooni he harɛ nɔ ta ja.’ ”

Jeremia 33:12

Koranar Bwa Kooro ŋɔ, “Harɛ nɔ waa do kɛŋɔ pua hɛŋle ɡbo harɛ nɛra kɛɛ kondɛɛra aa wola toole o ta nɔ, saŋ bɛl ɛɛ bao ásɛ peteɡra dɔ dibɔra tɛ ba peera a kaa di.

Jeremia 33:13

Deŋɡarere bwɛɛre ne bwejena lɔɡre bwɛɛre, ne Nɛɡɛv bwɛɛre aa lɔ Bɛnjamen dea harɛ ta, ne bwɛɛre aa bar Jerusalam, dɛ Juda harɛ bwɛɛre bwa ta la, peteɡra ɛɛ won dɔ bɔr dɛɛ kure ba peera. Men Korowiirii bola.

Ɛsekeɛl 17:23

Israel bwejen doaa mɛɛ ba o chɔɔra. Wɛɛ ta kpalaa, dɛ́ do wer dɛ́ nɔnɛ. Jumbii bwa soo siwi ba sɔh a kɔne bela, dɛ́ so o chunchule ta.

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Ɛsekeɛl 34:14

Mɛɛ teɡaa kaa dibɔra aa wera taa á ka di. Israel harɛ bwejena doree mɛɛ ba a dɛɛra, á dɔ kpɔɡdɛɛɡa di a bwara sɔɔhna.

Ɛsekeɛl 36:30

Mɛɛ ɡeloo he daa nɔnɛ kɛrɛdɛ, ásɛ koo kondikwaa ɡe ɛ kohona, ásɛ sihiih bɛ heyaa kpo harɛre ta nɛra be kondikwaa wa.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Sekaria 8:12

Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa.

Amanesoma Jɔn Aa Chwera Tɔn 16:22

Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be.

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”