Jeremia 31:10 - mzwDBL

¹⁰ Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Jeremia 31:10 ပူးပေါင်းရင်းမြစ်များ

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Ɛsekeɛl 34:12

Gɛ peteɡre la peera ne dibɔr, dɛ ane peɡrɔ o yon ɡaaɡe dɛɛ nyin a bɔr la, ɡɛɛ Israel tena fa peɡre kaa harɛre bwa ta awola tɔpechɔɡe bɛl wee. Mɛɛ ɡaaɡe ba bɔree name, dɛ́ berɛ ba ba ne.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Mmarare 30:4

Hale dɛ harɛ jaɡaa he peɡre ka do kwaraa naa, Korowii haa dɛ tomɔ nɔ ɛɛ boa he nyoa, dɛ́ berɛ ba he ne.

Amanesoma Jɔn Aa Chwera Tɔn 11:52

Juu tena ɡbo laa. Ba ne Korowii nɛra baa lɔ bobɛlbwa la bwa sewee wɛɛ ba lɛɛ sewɛ dɛ́ lawɛ ba bwa pɛ, ásɛ ba ɛ beŋkpoŋ.

Amanesoma Jɔn Aa Chwera Tɔn 10:27

N peera dɛ no n taa, asɛ n jema aa teŋɛ n nɛ,

Sefania 3:19

Saŋ bɛl dɛ ba ń tɛr nɛra baa dɛ do heyaa hɔhɔrɔwa la deŋne. Mɛɛ lɛ banɔ la ba peri aa serewaa, dɛ́ berɛ ba banɔ baa laɡ ba kaa harɛfala ta la ne dem. Mɛɛ ɡeloo banɔ la ba fa aa di sihiih la berɛ dɔ duure, ásɛ harɛ nɔ ta nɛra bwa kpɛɛ ba.

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

Sekaria 9:16

Tɔpere la telaa, Korowii baa dɛ tomɔ la ɛɛ lɛɛ baa, kɛŋɔ peteɡre aa lɛ peera le wahala ta. Baa dɛɛ nyɛɡle o harɛ taa, kɛŋɔ suuɡaswɛm kwaa aa pɛɡle kooɡbɛrɛ ta la.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Maeka 4:6

Korowii ŋɔ, “Tɔpere bɛl dɛ ba, ásɛ n boa nɛra maa tɛr ba deŋne nyoa, nɛra maa ɡela ba laɡ ba laa ta kaa bojaŋ harɛfala ta la.

Maeka 2:12

Israel tena, mɛɛ boa he bwa nyoa, kasinteŋ, mɛɛ boa he nɛra haa kaa la bwa nyoaa. Mɛɛ boa he nyoa kɛŋɔ peera yon pɛ do leɡ ta, kɛɛ kondɛɛra yon warɛ do dibɔr la. Gɛ tentenee mɛɛ ba ɡela nɛra su harɛ la ta kohona.”

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Ɛsekeɛl 20:34

dɛ́ lawɛ heyaa le harɛre haa peɡra dɛ ka so a ta la ta, dɛ́ berɛ ba he ne.

Ɛsekeɛl 11:16

Nemenɛ Korowii ŋɔ n be ŋɔ, “Bol he bala baa lawɛ he ne ban kaa harɛfala ta la be ŋɔ, ‘Menee ɡela ba laɡ ba kaa bojaŋa, ba lɔ peɡre harɛre ane ta la. Kɛ taraken nɔ, mɛɛ ja ba nɛɛ harɛre baa lɔ a ta la ta.’

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Ɛsekeɛl 5:2

Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Jeremia 50:19

Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 25:22

ne koranar baa lɔ bwɛjena Taaya ne Sidon bwa, ne harɛre aa lɔ ba lɔɡa dɛ do mpo la baŋ bwa,

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”

Aesaya 54:7

“Tamaa kenii n ɡele, kɛ n tea ɛɛ domɛ he nɛɛ kohona, dɛ́ berɛ ba he ne.

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Aesaya 42:4

Waa koh, waa ɡwɛɡre ɡe, dɛ́ ka tel kɛŋɔ harɛ nɔ nɛra bwa aa ba jemɛ kasinteŋ ŋwɛnɛre la. Nɛra baa lɔ bojaŋ harɛre ta ɛɛ dɔ hwɛɡa o webaɡla taa.”

Aesaya 41:1

Korowii ŋɔ, “Harɛre nɛra, hé hel dɛ́ no n be! Harɛre nɛra, hé nyin bokpeɡfala, dɛ́ ba bol he wa! Ya bwa cheme kɔɔto ásɛ bɛlbwa bol o wa.

Aesaya 27:12

Awola tɔpere la, Korowii ɛɛ boa o nɛra nyoa le Yufretis Moo, dɛ kaa Ijipt harɛ jwɛh ta, dɛ lɔɔ ba kɛŋɔ mea ken, dɛ́ tɔɔ Israel tena beŋkpoŋa beŋkpoŋa pɛ.

Aesaya 24:14

Nɛra baa dɔ ba nyu la ɛɛ ɡo yela silɛɛ nee. Banɔ la baa lɔ wee cholibɔr ɛɛ baɡle jirima Korowii aa dɔa.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Mmarare 32:26

N fe ŋɔ mɛɛ lɔ he bwaa peɡre, ásɛ nomɛlbwa bɛ he waa lii kpa.

Mumpar 10:5

Ba biirii nɛra baa peɡra dɛ ka so neerare nyoo, asɛ bɛlbwa dɔ ba wobol dɛ so ba harɛre ta.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Yela 23:1

Korowii do kɛ peteɡre dɛɛ nyiŋi n nɛ, komɛlbwa aa men nya.

Sɛɡla 27:23

Nyiŋi he kondɛɛra ta kɛrɛdɛ, dɛɛ do sie a nɛ,

Aesaya 40:1

Korowii haa dɛ tomɔ la ŋɔ, “Hé larawe n nɛra bwara.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Jeremia 3:15

Mɛɛ kpɔ heyaa do sitɔɔla baa dɛɛ nyiŋi he nɛɛ nɔn taa, ásɛ ba kpɔ wejema ne waa mun noe nyiŋi he nɛ.

Jeremia 23:4

Mɛɛ berɔɔ le sitɔɔla baa nyiŋi ba nɛ, ásɛ bɛlbwa aa ɔmɛ kɛɛ dɛ́ nyoɡre kpa. Men Korowiirii bola.”

Daneɛl 11:18

A habɔɔ la, wɛɛ berɔ kpɔ sie chaɡɛ mpo nyoa harɛre nɛra nɛ. Wɛɛ yoo baa, dɛ́ pɔ ba ɡalɡa nɛ, kɛ laa nomoa bɛl ɛɛ le harɛfale bɛl taa, dɛ́ ba pɔ o nɛɛ dɛ́ sɔɔh o nyoa, ásɛ maŋkurae waa dɛ maŋkura o te la ɡure o nyu ta.

Sekaria 2:6

Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.

Yela 147:2

Korowii berɔ kwaa ma Jerusalam, dɛ lawɛ Israel tena baa laɡ ba kaa harɛfala ta la ba.

Sekaria 10:8

Mɛɛ yer baa, dɛ́ boa ba nyoa. Kasinteŋ, mɛɛ lɛɛ baa dɛ́ ɡel ba warɛ ɡɛ ba fa aa doa wubwa la.