Jeremia 30:6 - mzwDBL

⁶ Hé pɛɛ no! Baa lɛɛ won kpoŋe tea dɛ́ lolɛ bie aa? Aah ɛrɛɛ mɛɛ na baala ba bwara aa kpeɡa, ba nɔɔra dawɛ ba teene ta kɛŋɔ haah loltea aa lɔɔ nɔɔ? Nomɛlbwa siebɔr ɡwaŋɔ kohona.

Jeremia 30:6 ပူးပေါင်းရင်းမြစ်များ

Yela 48:6

Bochela laɡ ba bela, kɛŋɔ loltea aa lɔ haah ken,

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Aesaya 29:22

Anomanta, Korowii waa lɛ Abraham bol waa nɔ dɛɛ baɡle Israel tena ŋɔ, “Sihiih aa heyaa kpo kpa bwa, haa he dɔma ɔma waa koh ɡwaŋɛ kpa.

Jeremia 13:21

Dɛ nɛra haa dɛ lii ba he daamanar baa yo heya, dɛ pɔ he nɛɛ he do ba lɔɡa aa, bɔkwa waa hɛɛ ba bola ɔ? Hɛɛ doo kɛŋɔ haah loltea aa lɔɔ wɛɛ ba lola ken.

Jeremia 22:23

He soɡe Lɛbanɔn deene baa kpɔ peleme daa ɛa bini, he bwara sɔɔhne, kɛ he waa dɛ ba sum doe hɛɛ pɛmɛ, kɛŋɔ haah loltea aa lɔɔ ken!”

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Jeremia 48:41

Baa pɔ bwɛjen Kereɔt nɛɛ, dɛ́ chɔɡ ba dekpeɡa bwa. Awola tɔpere la, Moab banyoola ɛɛ ɔmɔɔ kɛŋɔ haah loltea aa lɔɔ ken.

Jeremia 49:22

Hé na, dɔma dɛ́ ba ba yo Bosra tena, kɛŋɔ kee yon le nyundua dɛ́ paɡri kena dɛ́ ba ta jal la ken. Awola tɔpere la, Edom banyoola ɛɛ ɔmɔɔ kohona, kɛŋɔ haah loltea aa lɔɔ la ken.”

Jeremia 49:24

Damaskɔs tena ɡwɛɡrɔ, ba kpɔ ɔmee chwa kaa, asɛ bochela ne weweele su ba bwa, kɛŋɔ haah loltea aa lɔɔ la ken.

Jeremia 50:43

Babelɔn kooro no ba wa, ɔmee ɡel o bwara yɔr. Weweele ne bambiteŋa ɡel o ɔmɛ kɛŋɔ haah loltea aa lɔɔ ken.

Jeremia 6:24

Jerusalam tena ŋɔ, “Ya no ba wa, asɛ ya bwara yɔr, weweele ne bambiteŋa ɡel ya do kɛŋɔ loltea aa lɔ haah ken.

Daneɛl 5:6

O siebɔr ɡwaŋɔ, o liire chɔɡ, asɛ ɔmee lawɔ kohona o natuune ɛɛ sa dɛɛ lɔ dɔŋa.

Hosia 13:13

Ba nyu som kɛ baa dɔ bɔr dɛ́ so, kɛ dɛ ɡɛn dɛ vɛh waa la. Ba do kɛ bechala baa dɛ ba o lola waa wola bala nyin.

Joel 2:6

A dɛ ba naa, dɛ ɔmee chole harɛre nɛra bwa nɛ, ásɛ bɛlbwa bambile ɛɛ teŋe.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.