Jeremia 30:20 - mzwDBL

²⁰ Ba bii ɛɛ berɔ do kɛ saŋ la ken, ásɛ n lawɛ harɛ la nɛra ba che kiŋkiŋ n sie, dɛ́ tɛr nomɛlbwa waa fiɡ ba la deŋne.

Jeremia 30:20 ပူးပေါင်းရင်းမြစ်များ

Yela 102:18

Hé chwerɛ waa Korowii aa ɛa nɔ bil tɛ naanar baa ka ba kerekere, ɡɛ aa ɛ nɛra baa wola ban lolɛ mɔɔ la kpɛɛro.

Yela 102:28

Ya bii ɛɛ so he siee ásɛ he kpɔ nɔn tɔ ba nɛ, ásɛ dɛ nyiŋi ba naanar nɛ ba bwara sɔɔh ba.”

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Aesaya 54:14

Waa aa toɡra taa aa ba cheɡa he won che kɛrɛdɛ, he ne nyubinikpeɡ tena baah ɛɛ do jaŋnee, komɛlbwa toole he ɔmɛ.

Jeremia 2:3

Israel tena, he fa do ɡoroŋ tɛ men Korowii ɡbo, dɛ do kɛŋɔ koo kondikonloɡla baa koma ken, asɛ nɛra baa fiiɡi heyaa la, n kpɔ wenaale kohona ba ta ba nɛ. Men Korowiirii bola.’ ”

Jeremia 30:16

Kɛ taraken, nomɛlbwa waa dɛ nyin he chɔɡa la mɛɛ chɔɡoo, ásɛ ba lawɛ he dɔma bwa kaa harɛfala ta. Nɛra baa dɛ fiiɡi heya la, baa fiiɡi ba ɡee, ba pa he laala kaa laa, baa pa ba ɡe laalaa.

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Wiile 5:21

N Naa Korowii, berɛ lawɛ yaa ba he be. Berɛ ɡel ya dɔ silɛɛ o fa aa lole wubwa la.

Sekaria 10:6

Mɛɛ ɡeloo Juda dea tena do kpeɡri dɛ́ lɛ Josef dea tena. Mɛɛ berɔɔ ba ba ne bela ba fa aa lole, dɛkalkɛ n dɔ tedoma tɛɛ ba. Baa doo kɛŋɔ nɛra n fa aa wola ban vɛɛh ken, dɛkalkɛ menee Korowii baa dɛ tom mɛ la. Mɛɛ dɛɛ chaŋ baa ba wesoŋa taa.

Sekaria 10:8

Mɛɛ yer baa, dɛ́ boa ba nyoa. Kasinteŋ, mɛɛ lɛɛ baa dɛ́ ɡel ba warɛ ɡɛ ba fa aa doa wubwa la.

Sekaria 8:5

Bibaala ne bihaahna ɛɛ su bwɛjen la fɔɡbaahnaa, dɛɛ hɛlɛ.