Jeremia 30:14 - mzwDBL

¹⁴ He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 30:14 ပူးပေါင်းရင်းမြစ်များ

Job Tɔn 16:9

He toɡri n bini bandia ne kɛ kpɔɡ bini ol ken. He hah mɛ dɛ fome siwi pa n nɛ.

Job Tɔn 19:11

O baah dɛ di n nɛɛ kohona, wɛɛ yoo mɛ kɛ o dɔm ken.

Job Tɔn 30:21

He nyu bini kpeɡri n nɛ, dɛɛ yoo mɛ he kpeɡri bwa ne.

Yela 107:17

Deŋnekpeɡ we-ɛɛla ɡelɔ ba bini bane ɡɛn, ba wechɔɡa ɡel ba bwara ɛɛ nyɛɡ,

Aesaya 57:13

Dɛ waane pu heya aa, hé do lɔŋɔ tɛ he voɡdamanta la, á ba lɛ heya. Peu bɛlbwa ɛɛ won che a bwa kaa. Nyoa peu kwaraa ɛɛ won kpɔa kaa. Kɛ nomɛlbwa waa kpɔ o te dawɛ n nɛɛ la te ɛɛ so harɛ la taa, dɛ́ tom mɛ N Dea Jerusalam.”

Jeremia 14:17

Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Jeremia 22:20

Jerusalam tena, hé ir la ka do lɔŋɔre Lɛbanɔn, dɛ́ la Basan harɛ ne Abarim ɡe ka wi, dɛkalkɛ ba kpoo nɛra baa ja he nɛɛ la bwa.

Jeremia 22:22

Peu ɛɛ tao kpɔ he sitɔɔla baa do kɛ peteɡra la kaa, baa lawɛ nɛra baa ja he nɛɛ laa taa kaa bojaŋ harɛfala ta. Ásɛ he di ncho, sihiih kpoe, he nyubinikpeɡ haa ɛa la wa.

Jeremia 30:15

He bɛ bola baa do he yaa la waa dɛɛ wi, baa won chah heya. He wechɔɡa ne he nyubinikpeɡ kan kohona, a waa n tɛr he deŋne.

Jeremia 32:29

ásɛ dɛ fuh o bwa. Baa fuh bwɛjen la bwaa, ne nɛra baa fuh daawiile dɛɛ tɛ voɡ Baal ba sal deene dor, ne sen sarahare baa fuɡa dɛɛ tɛ voɡare ane dɛ kpɔ dɛɛ muɡli n baah la.

Jeremia 32:30

Israel ne Juda tena ta wobɛlbwa ɛɛ ka ja wechɔɡa baa ɛa dɛ le ba bechale saŋ n sie. Kasinteŋ, kwaa ba ɡbaɡba aa ɛa nɔɔra nee ba kpɔ muɡli n baah.

Jeremia 32:34

Hale ba kpɔ voɡa maa kia la ba cheɡ n Dea maa ŋɔa baa tom mɛ o bini la ta, dɛ kpɔ doŋa kaoh.

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Jeremia 38:22

haahna la bwa baa kaa dɛ do Juda kooro dem bela la, baa laɡ baa le bela ka tɛ Babelɔn kooro nomonome. A ɡɛ haahna la ɛɛ bol he bee ŋɔ, ‘Kooro daamanar tenten neɡro, ba waa tɔɔɡe o waa ta. Taraken o nakpale aa morɛ kpechɛɡre ta nɔ, o daamanar chwao ɡelo.’ ”

Jeremia 4:30

Jerusalam, he harɛ bwa chɔɡɔ, he do kɛ hanjwamane dɛ do tol-laala, dɛ kpɔ suuɡaswɛm baŋa kwaa ne deŋna kwaa do. Bɔkwaa dɔ kwaa kpɔe ɛ he siebɔr dɛ́ di toli ɔ? He kpɔ kondɛɛɡa dɛɛ kwaa he te pɛɛpɛɛ, he sɛnanar bwa vɛɛh hale dɛɛ nyini dɛ́ kpo.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 5:5

Anomanta, mɛɛ la nomonjena bee n ne bá ka bol. Ba te jemɛ Korowii baa dɛ tomɔ la waa bwa kɛrɛdɛ.” Kɛ ba bwa pɛ nyoa dɛ vɛh Korowii waa la ta teŋa.

Jeremia 5:6

Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 6:23

Ba kpɔ ba tori ne lampeare kpoŋe, ba nyu bini kpeɡri, baa nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo aa dɛ si la ken. Ba kpɔ ba te dɛ́ ba yo Jerusalam. Men Korowiirii bola.”

Wiile 1:19

N yerɛ harɛre nɛra n ne ba nyoa aa pɛa, kɛ ba vɛh n chae. Nomonome ne sɔfore serewɔ chɔ bwɛjen la fɔɡbaahna, kondikwaa baa ka soŋe di dɛ́ won so la wa.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Wiile 2:1

Na ɡɛ Korowii aa kpɔ o bandia ba bɔle bwɛjen Saayɔn ta kɛŋɔ bam, dɛ tɛr o nɛra deŋne. O le nyundua taɡɛ Israel wer ta harɛ. O ta o natiɡribɔr waa ɛ o Dea la ɡba waa dawɛ o bandia tɔpere la ta.

Ɛsekeɛl 23:22

Anomanta, men Nemenɛ Korowii dɛ bol hen Oholiba be ŋɔ, ‘Mɛɛ ɡeloo baala ba wa aa pee la baah di he nɛ, dɛ́ le baŋ bɛlbwa, dɛ́ ba bare cheme.

Ɛsekeɛl 23:9

Anomanta, n vɛoh tɛ Asiiria baala waa dɛ pɛlɛ ba nɛɛ kohona la.

Daneɛl 9:11

Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.

Daneɛl 9:13

Gɛ tenten baa chwera Mosis Mmara la ta la, ɡɛ deŋnetɛra la bwaa ba ya nɛ. Kɛ ya ta Korowii yaa dɛ tomɔ la bɔr nyine ó cha yaa ya le ya wechɔɡa ta, ásɛ dɛ no o kasinteŋ waa la.

Daneɛl 9:5

Ya ɛ wechɔɡa dɛ koni, dɛ ɛ nyubinikpeɡ, dɛ le he habɔɔ. Ya bɛɡɔ le waa haa do yaa a ta ne he Mmarare ta.

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.

Obadia 1:7

Nɛra he ne baa fɔwɛ fɔo ɛɛ le he ne he harɛ taa. Baa neɡre heyaa, dɛ́ pɔ he nɛ. Daamanar he ne baa pɛ nɔn di kwaa ɛɛ harɛ heyaa belii haa wola jemɛ.”