Jeremia 30:11 - mzwDBL

¹¹ Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”

Jeremia 30:11 ပူးပေါင်းရင်းမြစ်များ

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 1:19

Baa yoi, kɛ baa won pɔ he nɛ, dɛkalkɛ n ja he nɛɛ ásɛ dɛ lɛɛ, men Korowiirii bola.”

Jeremia 4:27

Waa Korowii aa dɛ bol laanee nɔ, “Harɛ la bwa dɛ́ ba dimɡbia bera, kɛ maa den chɔɡ o bwa kwaraa.

Jeremia 1:8

Dɛɛ berɛ ba ɔma. Mɛɛ ja he nɛɛ dɛ́ lɛɛ. Men Korowiirii bola.”

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.

2 Timoti 4:22

Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.

We-ɛɛla 18:10

dɛkalkɛŋɔ n cheɡɛ he habɔɔ. N nɛra warɛ bwɛjen nɔ ta. Anomanta, mɛɛ che he mun taa, ásɛ nomɛlbwa bɛ won ɛɛ wobɛlbwa.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Jeremia 15:20

Mɛɛ ɡeloo he do kpeɡri kɛŋɔ danjwɛkpeɡ tɛ nɛra nɔ, danjwɛkpeɡ tenten baa kpɔ ayaawa ɛo. Baa yoi kɛ baa won pɔ he nɛ, dɛkalkɛ n ja he nɛɛ dɛ́ lɛɛ. Men Korowiirii bola.

Jeremia 5:18

Korowii berɔ ŋɔ, “Ane a bwa, tɔpere la telaa, maa he bwaa chɔɡ kwaraa.

Jeremia 5:10

Mɛɛ ɡeloo dɔma ba teŋni n nɛra daa kooni nɔna ta, kɛ baa den chɔɡ a bwa kwaraa. Mɛɛ ɡeloo ba teŋni a kpala bwa ta, dɛkalkɛ ba cheɡɔ tɛ nɛra baa wola men jemɛ la.

Yela 6:1

N Naa Korowii, bɛ ɡel he baah di hé pwaah mɛ, bɛ ɡel he baah di kohona hé tɛr n deŋne.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Ɛsekeɛl 11:13

N nyoa taa lɔ waa aa dɛ ba ba nɛɛ bala ta mɛɛ bol la, Bɛnaya bibaa Pɛlatea den chole sewɛ. Belaa n kpɔ sie pi harɛ, dɛ do lɔŋɔ lokua ne kohona ŋɔ, “Nemenɛ Korowii, amɔ he dɛ ba nɛra baa ka Israel harɛ bwa chɔɡa kwaraa kɛɛ?”

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Lewi Dea Tena 26:44

Dɛ ba ta lɔ ba dɔma harɛre ta kwaraa naa, maa ban ɡel, mɛɛ chɔɡ baa kɛŋɔ baa chɔɡ n ne ba fɔo yaa fɔwa la. Menee Korowii haa dɛ tom mɛ la.

Mmarare 4:31

O dɛ na nɛn sum, waa nɔnee laa kpɔ he nɛɛ bwa á ba ɛ kɛŋɔ wɛɛ chɔɡ heyaa. Waa fɔo o ne he naawa aa fɔwa o ŋwɛɛ o waa laanee soh bwa.

Wiile 3:22

Korowii nyina kohona aa wola tonɛ bwa, ne o tedoma nomanta, ya ta soɡe le, waa yaa ɡel bwa.

Ɛsekeɛl 6:8

Wɛɛ ɡeloo he bini bane dɔ he nyu, bá lawɛ heyaa peɡre kaa harɛre ta.

Hosia 11:9

Maa n bandia kohona laanee kpɔ ba tɛr he deŋne, kɛɛ dɛ́ berɛ ba chɔɡ heyaa kpa. Korowiirii men, nɛwɛnyini laa men. N ɡboo Korowii Maa Do Goroŋ dɛ do he baah ta, maa n bandia ne he bee ba.

Kaala 34:7

N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”

2 Samoɛl 24:12

“La ka ŋɔ Kooro Devid be ŋɔ, ‘Kenii men Korowii ɛɛ bol, webele atoroo n kpɔ dɛɛ tɛɛ, kpɔ a bini beŋkpoŋ ń kpɔ tɛr he deŋne.’ ”