Jeremia 3:15 - mzwDBL

¹⁵ Mɛɛ kpɔ heyaa do sitɔɔla baa dɛɛ nyiŋi he nɛɛ nɔn taa, ásɛ ba kpɔ wejema ne waa mun noe nyiŋi he nɛ.

Jeremia 3:15 ပူးပေါင်းရင်းမြစ်များ

Sɛɡla 10:21

Nɛn o wa aa toɡra wobol dɔ tɔnɔ dɛɛ tɛ nɛndamanta, kɛ ɡɛne te, liire waa wola dɔe la, dɛ́ kaa o ne seo ta.

Jeremia 23:4

Mɛɛ berɔɔ le sitɔɔla baa nyiŋi ba nɛ, ásɛ bɛlbwa aa ɔmɛ kɛɛ dɛ́ nyoɡre kpa. Men Korowiirii bola.”

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Ɛsekeɛl 34:2

“Nɛwɛnyini bie, bol waa aa dɛ ba Israel nomonome baa do kɛŋɔ peteɡra nɛɛ bala, dɛ́ ŋɔ men Nemenɛ Korowii ŋɔ, ‘Hé bwɛɛlɛ! He ɛ peteɡra haa wola he peera nɛɛ nyiŋi, he ɡbo waa hiah heya. Hé laa chɛ kɛŋɔ hɛ́ɛ nyiŋi a nɛ aa?

Ɛsekeɛl 34:23

Kooro waa do kɛ n bonɔɔ Kooro Devidii mɛɛ ba lee kɛŋɔ peteɡre beŋkpoŋ wɛɛ nyiŋi ba nɛ.

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Amanesoma Luk Aa Chwera Tɔn 12:42

Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

1 Samoɛl 13:14

Taraken he kora aa lee do kpa. Korowii ɛɛ le nɛnfale o bambile aa lawaa, ásɛ o tɔ o nɛra sie. Dɛkalkɛ he ta o waa ta teŋɛ.”