Jeremia 29:8 - mzwDBL

⁸ Men Koranar Bwa Kooro, Israel tena aa dɛ tom mɛ dɛ́ kah heyaa ásɛ he bɛ ɡel keame nyosonteŋna ne voɡra baa soɡe he bini la ɛɛ neɡre heya. He bɛ wepila baa ŋɔa ba dɛ na la yarada.

Jeremia 29:8 ပူးပေါင်းရင်းမြစ်များ

Jeremia 14:14

Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Jeremia 23:21

N laa tomɛ ɡɛ keamere nɔ, kɛ ane a bwa, dɛ ba iro dɛ kaa. N ta ŋɔe ba ka bol wobɛlbwa, kɛ ba cheɡɛ n sɔn ta kaa bol wa.

Jeremia 23:25

N no keamere nyosonteŋna maa wola ban tomɛ, asɛ ba che n sɔn ta dɛɛ bol n waa la wa. Ba yon ŋɔ, ba deero dɛ na men Korowii waa chaahna ta.

Jeremia 23:27

Ba dɛ lii ŋɔ chaahna baa dɛ na, dɛɛ bola dɔŋa be la ɛɛ won ɡel n nɛra soh n wa, ɡɛ ba naawa fa aa cheɡɛ voɡ Baal toma ta, dɛ soh n waa la.

Jeremia 27:9

Anomanta, he bɛ he keamere kɛɛ nɛra baa dɛ lii kɛŋɔ baa won baɡle waa aa dɛ ba wona chiɡ kerekere, dɛ che deera kɛɛ lala yera kɛɛ dobodobo we-ɛɛla ta be dɛɛ no. Ba bwa dɛ bol he be ŋɔ he bɛ he te kpɔ do Babelɔn Kooro Nebukadnesa lɔɡa.

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.

Jeremia 29:1

Kenii tɔn men Korowii keame Jeremia aa chwera le Jerusalam, ka tɛ nomonome baa kaa dɛ ja nɛra baa laɡ ba kaa la, ne sɔfore ne Korowii keamere, dɛ nɛra baa jaa Kooro Nebukadnesa aa laɡ ba le Jerusalam dɛ kaa ba ne Babelɔn la bini waa do.

Jeremia 29:15

He ken ɛɛ dɛɛ boloo ŋɔ, “Korowii tɛ yaa o keamere Babelɔn harɛ ta,

Jeremia 29:21

Waa men Koranar Bwa Kooro, Israel tena aa dɛ tom mɛ aa dɛ bol Kolaya bibaa Ahab, ne Maaseya bibaa Sedekia waa nɔ. N ŋɔ, ‘Ba cheɡɛ n sɔn ta dɛɛ teŋe nyosone anomanta, mɛɛ kpɔ baa do Babelɔn Kooro Nebukadnesa nɔn ta, ásɛ o kpoo ba he siwi ta.

Jeremia 29:23

Dɛkalkɛ ba ɛ wedoŋa tenten Israel harɛ ta, ba dɛ nyin ba bala haahna, dɛ che n sɔn ta teŋe nyosone, a ɛ waa maa wola ban a ta doe. N jemɛ a bwa dɛɛ di a danseɛ. Men Korowiirii bola.’ ”

Jeremia 37:9

Men Korowii ŋɔ hɛ́ɛ berɛ he te neɡra dɛɛ lii kɛŋɔ Babelɔn tena ɛɛ ɡel heyaa. Baa ɡɛɛ ɛ!

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Ɛsekeɛl 13:6

Ba wepila ne ba nyosonwaa baa ŋɔa aa bao kerekere la bwa ɛ nyosone, ba ŋɔ men Korowiirii bola, dɛ n laa tom ba, dɛ ta ɛɛ nyiŋi kɛŋɔ anɔ la baa bola la ɛɛ ɛo.

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Sekaria 13:4

Awola tɔpere la, sihiih ɛɛ kpo keame bɛlbwa waa ŋɔa o dɛ na chaahnaa. Waa keamere batakaaree do dɛ́ neɡre nɛra kpa.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Amanesoma Luk Aa Chwera Tɔn 21:8

Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ.

Amanesoma Luk Aa Chwera Tɔn 6:26

He banɔ la nɛra aa dɛ bol he bwara wedɛɛɡe nɔ, hé bwɛɛlɛ! Gɛ tentenee ba naawa kpɛɛ keame nyosonteŋna baa wola Korowii nyoa waa bolɛ la.”

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

2 Tesalonika 2:3

He bɛ ɡel nomɛlbwa neɡre heyaa ŋwɛnɛ bɛlbwa ta. Hé jemɛ kɛŋɔ waane ɛɛ ɛo mɔɔ ásɛ tɔpere la ba. Gɛ saŋ nɛra aa ir dɛ́ warɛ pirim dɛ́ vɛh Korowii la ɛɛ bao, mɔɔ nɛn waa ɛ Kristo dɔm tenten Korowii bandia aa lɔ o nɛɛ kɛŋɔ ó chɔɡo la le.

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.